1 Ko te āhuatanga i whakahaerehia ai e ō rātou erata me ō rātou pirihi te kikokiko me te toto o te Karaiti ki te hāhi; ā, i whakahaerehia e rātou e rite ana ki ngā whakahaunga a te Karaiti; nā reira e mōhio ana mātou he pono tēnei āhuatanga; ā, nā te erata, nā te pirihi rānei i whakahaere ai—

2 Ā, i tūturi iho rātou me te hāhi, me te inoi ake ki te Matua i runga i te ingoa o te Karaiti, e mea ana:

3 E te Atua, e te Matua Ora Tonu, e inoi ake ana mātou ki a koe i runga i te ingoa o tāu Tama, a Ihu Karaiti, kia whakapaingia kia whakatapua tēnei taro mō ngā wairua o te hunga katoa e kai ana, kia kainga e rātou hei whakamaharatanga ki te tīnana o tāu Tama, me te whakaatu atu ki a koe, E te Atua, e te Matua Ora Tonu, e whakaae ana rātou kia mau ki runga ki a rātou te ingoa o tāu Tama, ā, ka mahara tonu ki a ia, ka pupuri i āna whakahaunga i homai nei e ia ki a rātou, kia noho tonu ai tōna Wairua i a rātou. Āmine.