Upoko 3
Ka whakamanaia ngā kaiako e ngā erata me ngā pirihi ki te whakapākanga o ngā ringaringa. Takiwā T.A. 401–421.
1 Ko te ritenga i whakamanaia ai e ngā apataki, ko rātou nei ngā erata o te hāhi, ngā pirihi me ngā kaiako—
2 Whai muri iho i tā rātou inoi ake ki te Matua i runga i te ingoa o te Karaiti, ka whakapā rātou i ō rātou ringaringa, ā, ka kī:
3 I runga i te ingoa o Ihu Karaiti ka whakamana au i a koe hei pirihi (mehemea rānei he kaiako ia, ka whakamana au i a koe hei kaiako) ki te kauhau i te rīpenetātanga me te murunga hara mā roto i a Ihu Karaiti, i runga i te ū o te whakapono i runga i tōna ingoa tae noa atu ki te mutunga. Āmine.
4 Ā, ko te āhuatanga tēnei i whakamanaia ai e rātou ngā pirihi me ngā kaiako, e rite ana ki ngā takohatanga me ngā karangatanga a te Atua ki te tangata; ā, i whakamanaia rātou e rātou ki te mana o te Wairua Tapu, kei roto nei i a rātou.