1 Ko ngā kupu a te Karaiti, nāna nei i kōrero ki āna apataki, ki te tekau mā rua nāna nei i kōwhiri, i a ia e whakapā iho ana i ōna ringaringa ki runga ki a rātou—

2 Ā, ka karanga ia i a rātou ki ō rātou ingoa: Me karanga koutou ki te Matua i runga i tōku ingoa, i runga i te inoi kaha; ā, whai muri iho i tēnei ka whai mana koutou kia hoatu i te Wairua Tapu ki te tangata e whakapākia atu ai e koutou ō koutou ringaringa; ā, ka hoatu e koutou i runga i tōku ingoa, e pērā ana hoki aku āpōtoro.

3 Nā, i kōrerotia ēnei kupu ki a rātou e te Karaiti i te wā o tana whakaputanga tuatahitanga mai; ā, kīhai te whakaminenga i rongo, engari i rongo ai ngā apataki; ā, ka taka iho te Wairua Tapu ki runga i te hunga katoa i whakatakotoria iho ai e rātou ō rātou ringaringa.