Ri Wuj Re Ri Mormon

1 Je cʼu riʼ in, Mormón, quinban jun tzʼib. We jun tzʼib riʼ jun tzʼibatal re ronojel ri wilom y ronojel ri nu tom. Quincoj che u biʼ ri Wuj re ri Mormón.

2 Pa ri kʼij ri Ammarón xumuk can ri tzʼib chuwäch ri Ajawaxel, xul wucʼ in. In cʼo lajuj nu junab, y chaplem jun nu tijoxic wib jas ri u beyal ri quetamabal ri nu winak. Ri Ammarón cʼut xinutzijobej, xubij chwe je wa riʼ: Quinchʼobo chi ri at jun nimanel acʼal, y at sacʼaj che u chʼobic ri jastak.

3 Rumal cʼu waʼ, nataj chawe ronojel ri awilom chque we winak riʼ. Chabanaʼ waʼ are catopan pa ri juwinak cajib a junab. Chi akʼanok, catbec na pa ri jun ulew Antum u biʼ, catbec na cʼä pa jun juyub u biʼ, catbec na cʼä pa jun juyub u biʼ Shim. Y chilaʼ nu mukum can ronojel tak ri lokʼalaj juchʼum tzʼib ri cʼo can retal chuwäch, ri quetzijon chquij we winak riʼ. In nu mukum riʼ chilaʼ che tak ri u beyal ri Ajawaxel.

4 Chawilampeʼ cʼut, cacʼam na ulok chawe ri xaxalaj tak u xak chʼichʼ re ri Nefi, y cayaʼ can na ri nicʼaj jastak chic jawi mukutal wi. Y cacoj na retal chrij ri xaxalaj tak u xak chʼichʼ re Nefi. Cacoj na retal che u tzijobal ronojel ri awetaʼm chquij we winak riʼ.

5 Te cʼu riʼ, in, Mormón, in rijaʼlil ri Nefi, (y Mormón u biʼ ri in tat). Rumal cʼu laʼ, xinnatajisaj ronojel ri u takom ulok ri Ammarón.

6 Xcʼulmataj cʼut chi ri in xaʼ cʼo julajuj nu junab. Y ri in tat xinucʼam bic pa ri ulew ri cʼo pa ri u wiquiakʼab ri relbal kʼij, cʼä pa ri nim ulew re Zarahemla.

7 Ronojel u wäch ri jun ulew riʼ nojinak che nimak tak ja y cʼo qʼui tak winak, y ri sibalaj tak winak xak e junam rucʼ ri sanyeb ri cʼo pa ri nimalaj jaʼ.

8 Xcʼulmataj cʼut chi xchapletaj u banic jun chʼoʼj chilaʼ chquixol ri aj Nefitas. Are riʼ u bantajic, y ri aj Jacobitas, y ri aj Josefitas, y ri aj Zoramitas. Conojel riʼ cäbix aj Nefitas chque. Ri aj Nefitas cʼut xquiban chʼoʼj chquij ri aj Lamanitas, y cucʼ ri aj Ismaelitas.

9 Cäbix aj Lamanitas chque conojel ri e areʼ ri aj Lamanitas, cʼu ri aj Lemuelitas, cʼu ri aj Ismaelitas. Are cʼut ri quieb juchʼob winak riʼ are ri aj Nefitas y ri aj Lamanitas.

10 Xcʼulmataj cʼut chi xchaplex u banic ri chʼoʼj chquixol ri e cʼo pa tak ri cʼulbat re Zarahemla, chilaʼ chuchiʼ ri tak jaʼ re Sidón.

11 Xcʼulmataj cʼut chi ri aj Nefitas qui mulim quib qʼuialaj tak achijab. Xequimulij cäraj cocʼow treinta mil achijab, y mas tzna. Jeriʼ bantajinak cʼu waʼ chi pa ri junab riʼ xquiban sibalaj tak chʼoʼj. Xechʼecan ri aj Nefitas paquiwiʼ ri aj Lamanitas, y xecämisatajic qʼui tak chque riʼ pa ri chʼoʼj.

12 Xcʼulmataj cʼu riʼ chi ri aj Lamanitas xquiqʼuex ri qui chomanic, xpe cʼut jun utzilal kʼijal chquixol ri winak aj we tinimit riʼ. Xcʼojiʼ cʼut jun utzilal chquixol, ri cäraj cajib junab, y man cʼo tä chi quiqʼuel xturuwic.

13 Xban cʼut jun nimalaj etzelal cho ronojel u wäch ri ulew. Rumal cʼu laʼ, ri Ajawaxel kas xeresaj bic ri lokʼalaj u tijoxelab. Y xqʼuis riʼ ri qui chacuxic ri tak mayibal y cunanem, waʼ rumal ri itzel tak chac ri xquiban ri winak.

14 Y man xyaʼ tä ulok sipanic re ri Ajawaxel. Y man xkaj tä ulok ri Uxlabixel puwiʼ jun. Xcʼulmataj waʼ rumal chi xebanow itzel tak chac y man xecojon tä che ri Dios.

15 Cʼu ri in, cʼo ojlajuj nu junab, y are sucʼ nu chomanic. Rumal waʼ, xpe ulok ri Ajawaxel wucʼ ri in. Are cʼut xincʼamo ri rutzilal ri Jesús, y xinchʼob we utzilal riʼ.

16 Y xincoj nu chukʼab chi quintzijon na chquiwäch we winak. Tzare xtzʼapix nu chiʼ, y ri Dios xubij chwe chi man quintzijon tä chque ri xecʼululanic chrij ri qui Dios. Y ri lokʼalaj tijoxelab are xebesax bi cʼut rumal ri itzel tak qui chac ri winak.

17 Tzare ri in kas xincanaj can chquixol, pune man yatal tä chwe chi xintzijon chque, rumal chi co ri canimaʼ. Y xkaj jun etzelanic puwiʼ ri ulew rumal rech, y rumal rech chi co ri canimaʼ.

18 Y ri elakʼomab re ri Gadiantón, are cʼo chquixol ri aj Lamanitas, y xquijabuj quib cho ri ulew riʼ. Rumal cʼu riʼ, ri winak ri e cʼo pa ri ulew riʼ are xquichaplej ri cawaxic ri kʼinomalaj jastak, xequimuk riʼ chupam ri ulew. Y ri jastak riʼ xejilqueʼnic pa qui kʼab ri winak, are rumal ri etzelanic ri xukasaj ri Dios puwiʼ ri ulew. Y man xecuin tä che u chapixic we jastak riʼ, mawi xecuin tä chic che u cʼulaxic.

19 Xcʼulmataj cʼut chi cʼo saqʼuinelab. Xchacux ri itzibal, xban ri itzelalaj tak mayibal. Xkaj cʼu riʼ ri u cuinem ri jun itzel puwiʼ ronojel u wäch ri ulew. Y jewaʼ xetzʼakatisax ronojel tak tzij re ri Abinadí, y xukujeʼ re ri Samuel jun chque ri aj Lamanitas.