1 Li aatin kixye laj Jakob, riitz’in laj Nefi, reheb’ lix tenamit laj Nefi, chirix lix kamik laj Nefi:

2 Anajwan, ex was wiitz’in raarookex inb’aan, laa’in, aj Jakob, jo’ chanru teneb’anb’il sa’ inb’een chiru li Dios, re xnimob’resinkil ru li wopiis rik’in x’anchalil ink’a’uxl, ut re naq tinwisi lee maak chiru li waq’, nintaqe’ sa’ li santil ochoch sa’ li kutan a’in re naq taaruuq tinch’olob’ cheru li raatin li Dios.

3 Ut laa’ex nekenaw eejunes naq chalen toj anajwan yalb’il inq’e sa’ ropiis inb’oqb’al; a’ut sa’ li kutan a’in aalob’resinb’ilin chi q’axal naab’al wi’chik li watawom ut lin k’a’uxl chirix lix chaab’ilal lee raam chiru li wanjenaq chaq toj anajwan.

4 Xb’aan naq k’ehomaq reetal, toj anajwan xex’ab’ink chiru li raatin li Qaawa’, li ink’ehom eere.

5 A’ut k’ehomaq reetal, chex’ab’inq chiwu, ut chenaw naq sa’ xk’ab’a’ intenq’ankil xb’aan laj Yo’obt’esihom re li choxa ut li ch’och’ li numtajenaq xwankil, naru ninye eere chirix lee ^ak’oxlahom, chanru naq neketikib’ k’anjelak sa’ li maak, a’ wi’ li maak a’an q’axal tz’eqb’eetal naq nawil, relik chi yaal, ut tz’eqb’eetal chiru li Dios.

6 Relik chi yaal, naxrahob’tesi li waam, ut naxk’e chinka’ch’inob’resi wib’ rik’in xutaan chiru rilob’aal laj Yiib’ahom we, naq tento tinch’olob’anq cheru, chirix lix maa’usilal lee ch’ool.

7 Ut naxrahob’tesi ajwi’ inch’ool naq na’aje’ naq k’a’jo’ ^axkawilal li aatin tento tinwoksi cherix, chiruheb’ lee rixaqil ut lee kok’al, ut naab’al lix ch’ooleb’ a’an q’axal q’uneb’ ut ^bsaqeb’ ru, ut tuulaneb’ chiru li Dios, li b’ar wan nasaho’ wi’ xch’ool li Dios;

8 Ut k’oxlanb’il inb’aan naq eb’ a’an xe’taqe’ toj arin re rab’inkil li ^araatin li Dios li nasahob’resink ch’oolej, relik chi yaal, li aatin li nak’irtesink re li aamej toch’enaq.

9 Jo’kan ut, na’aalob’resiik li waam naq elajinb’il chiwu, sa’ xk’ab’a’ li kawil taqlahom kink’ul rik’in li Dios, naq texintij jo’ chanru li maak eeb’aanuhom, re xnimob’resinkil lix toch’olaleb’ li ani ak toch’enaqeb’, ut ink’a’ b’an te’k’ojob’aaq xch’ool ut te’b’ane’q lix toch’olaleb’; ut eb’ li moko toch’b’ileb’ ta, us ta taa’aje’q raj naq te’xtzeka xsahil li raatin li Dios li nasahob’resin ch’oolej, jutz’juukil ch’iich’ b’an te’k’ojob’aaq chixk’ob’b’aleb’ li raam, ut chixtoch’b’al lix q’unil k’a’uxleb’.

10 A’ut us ta k’a’jo’ xnimal li k’anjel a’in, tento tinb’aanu jo’ chanru lix kawil ^ataqlahom li Dios, ut tinye eere chirix lee maa’usilal ut tz’eqb’eetalil, chi wankeb’ chiwu li saqeb’ ru xch’ool, ut li yot’b’il ch’oolej, ut chi ka’yanb’il xb’aan lix ^bnaq’ ru aj k’ob’onel re li Nimajwal Dios.

11 Jo’kan naq tento tinye li yaal eere jo’ chanru ^axsaqenkil ru li raatin li Dios. Xb’aan naq k’ehomaq reetal, naq kinpatz’ok re li Qaawa’, jo’ka’in kichal li aatin wik’in, ut kixye: At Jakob, taqen sa’ li santil ochoch sa’ li kutan wulaj, ut ch’olob’ li aatin li tink’e aawe chiru li tenamit a’in.

12 Ut anajwan k’ehomaq reetal, ex was wiitz’in, a’in li aatin li ninch’olob’ cheru, naq naab’al eere xex’ok chixsik’b’al li oor, ut li plaat, ut jar paay li ^ach’iich’ pek terto xtz’aq, li q’axal numtajenaq natawman sa’ li ch’och’ a’in, a’an jun li ^bch’och’ li yeechi’inb’il choq’ eere laa’ex ut re lee riyajil.

13 Ut li ruq’ laj osob’tesinel q’axal sa xse’ naq kexril, jo’kan naq xek’ul k’iila b’ihomal; ut rik’in naq junjunq eere q’axal naab’al wi’chik xek’ul chiru li k’a’ru reheb’ lee ras eeriitz’in, laa’ex ^ataqsinb’ilex sa’ xq’etq’etil eech’ool, ut neketiqib’ eerib’ rik’in li jipil k’a’uxlej ut taqsinb’il jolomej, sa’ xk’ab’a’ lix tertookil xtz’aq lee raq’, ut nekerahob’tesi lee ras eeriitz’in xb’aan naq eek’oxlahom naq chaab’ilex wi’chik chiruheb’ a’an.

14 Ut anajwan, ex was wiitz’in, ma nekek’oxla naq li Dios naxtiikob’resi eeru sa’ li na’leb’ a’in? K’ehomaq reetal, ninye eere, Ink’a’. Naxk’e b’an li maak sa’ eeb’een, ut wi nekexkana sa’ xb’aanunkil li k’a’aq re ru a’in, sa’ junpaat tento taachalq lix raqb’a-aatin sa’ eeb’een.

15 Aay, chixk’utaq taxaq cheru naq naru chek’ob’b’al, ut rik’in eerilb’al jun sutaq rik’in xnaq’ ru naru chesak’b’al toj sa’ li poqs!

16 Aay, chirisihaq taxaq cherix li maa’usilal ut tz’eqb’eetalil a’in. Ut aay, cherab’ihaq taxaq li raatin lix taqlahom, ut meekanab’ lix ^aq’etq’etil eech’ool a’in chixsachb’al lee raam!

17 K’oxlahomaq lee ras eeriitz’in jo’ chanchanex ajwi’ laa’ex, ut chaab’ilaq eech’ool rik’ineb’ chixjunil ut aj k’ehonelaqex chirix li ^ak’a’ru eere, re naq ^bb’ihomaqeb’ a’an jo’ chanchanex laa’ex.

18 A’b’an chi maji’aq teesik’ li ^ab’ihomal, chesik’ li ^brawa’b’ejihom li Dios.

19 Ut chirix naq xek’ul jun eeyo’onihom rik’in li Kristo teek’ul li b’ihomal, wi nekesik’, ut teesik’ choq’ re ^axb’aanunkil li us—re xtiqib’ankil li t’ust’u, ut re xk’eeb’al tzakemq re li taatz’okaaq, ut re rach’ab’ankil li preex, ut xk’eeb’al xtenq’ankil li yaj ut li tawasinb’il.

20 Ut anajwan, ex was wiitz’in, xexwaatina chirix li q’etq’etil; ut ani eere li xextawasink re lee ras eeriitz’in, ut xerahob’tesi xb’aan naq aj q’etq’etex sa’ lee ch’ool rik’in li k’a’aq re ru xk’e li Dios eere, k’a’ru nekeye chirix?

21 Ma ink’a’ nekek’oxla naq tz’eqb’eetalil a’ k’a’aq re ru a’in chiru li kiyo’ob’tesink re chixjunil li tz’ejwalej? Ut li jun chi aamej juntaq’eet xloq’al sa’ rilob’aal chiru li jun chik. Ut chixjunil li tz’ejwalej poqs okenaq, ut juntaq’eet aj-e naq kixyo’ob’tesiheb’, re naq te’xpaab’ lix ^ataqlahom ut te’xnima lix loq’al chi junelik.

22 Ut anajwan nink’e xraqik eeraatinankil chirix li q’etq’etil a’in. Ut wi ta ink’a’ taa’aje’q naq texwaatina chirix jun li maak q’axal nim wi’chik, taasaho’q raj inch’ool chi numtajenaq cherix.

23 A’b’an li raatin li Dios na’aalob’resink we sa’ xk’ab’a’eb’ li maak eeb’aanuhom li q’axal ninqeb’ wi’chik. Xb’aan naq k’ehomaq reetal, jo’ka’in naxye li Qaawa’: Li tenamit a’in neke’ok chi nimank sa’ li maa’usilal; ink’a’ neke’xtaw ru li loq’laj hu, xb’aan naq neke’xsik’ xk’oxlankil naq maak’a’eb’ xmaak sa’ xb’aanunkil li yumb’eetak ko’b’eetak, sa’ xk’ab’a’ li k’a’aq re ru tz’iib’anb’il chirix laj David, ut laj Salomon li ralal.

24 K’ehomaq reetal, laj David ut laj ^aSalomon relik chi yaal naq ke’wan xk’iila ^bixaqil ut moosil ixaqileb’, li b’arwan tz’eqb’eetal na’leb’ chiwu, chan li Qaawa’.

25 Jo’kan ut, jo’ka’in naxye li Qaawa’, laa’in kink’ameb’ xb’e li tenamit a’in chi elk chaq sa’ li ch’och’ Jerusalen, rik’in xwankilal lin tel, re naq taaruuq tinwaklesi chaq choq’ we jun ^aruq’ che’ tiik xch’ool rik’in li ruuchinihom xjuruch’ laj Jose.

26 Jo’kan ut, laa’in li Qaawa’ Dios ink’a’ tinkanab’ naq li tenamit a’in te’xb’aanu jo’ chanruheb’ li ke’wan najter.

27 Jo’kan ut, ex was wiitz’in, ab’ihomaqin, ut chex’ab’inq chiru li raatin li Qaawa’: Xb’aan naq maajun winq sa’ eeyanq taawanq xk’ihal, ka’ajwi’ b’an ^ajunaq li rixaqil, ut maajun xmoosil ixaqil taawanq;

28 Xb’aan naq laa’in, li Qaawa’ Dios, nasaho’ inch’ool rik’in ^asaqru ch’oolejil reheb’ li ixq. Ut li yumb’eetak ko’b’eetak, a’an tz’eqb’eetalil chiwu; jo’ka’in naxye li Qaawa’ reheb’ li Teepal.

29 Jo’kan ut, li tenamit a’in te’xpaab’ lin taqlahom, chan li Qaawa’ reheb’ li Teepal, malaj ^achimajewaaq li ch’och’ sa’ xk’ab’a’eb’.

30 Xb’aan naq wi laa’in, chan li Qaawa’ reheb’ li Teepal, nawaj xwaklesinkil li ^aiyajilb’ej choq’ we, laa’in tintaqlaheb’ lin tenamit; wi b’an ink’a’, te’ab’inq chiru li k’a’aq re ru a’in.

31 Xb’aan naq k’ehomaq reetal, laa’in, li Qaawa’, wilom lix rahileb’ xch’ool ut wab’ihom li yaab’ak ke’xb’aanu lix rab’ineb’ lin tenamit sa’ li ch’och’ Jerusalen, relik chi yaal, ut sa’ chixjunil lix ch’och’eb’ lin tenamit, sa’ xk’ab’a’ lix maa’usilaleb’ ut xtz’eqb’eetalileb’ lix b’eelomeb’.

32 Ut ink’a’ tinkanab’, chan li Qaawa’ reheb’ li Teepal, naq eb’ lix chaq’al ru rab’ineb’ li tenamit a’in, li kink’ameb’ xb’e chi elk chaq sa’ li ch’och’ Jerusalen, te’taqsiiq xyaab’eb’ chiwu chirixeb’ li winq re lin tenamit, chan li Qaawa’ reheb’ li Teepal.

33 Xb’aan naq eb’ a’an ink’a’ te’xk’am chi preexil lix rab’ineb’ lin tenamit xb’aan lix q’unaleb’ xch’ool, chi ink’a’ tinwula’aniheb’ rik’in jun li rahil majewank, toj reetal ajwi’ li sache’k; xb’aan naq ink’a’ te’xb’aanu li ^ayumb’eetak ko’b’eetak, jo’ chanruheb’ chaq najter, chan li Qaawa’ reheb’ li Teepal.

34 Ut anajwan k’ehomaq reetal ex was wiitz’in winq, nekenaw naq k’eeb’il li taqlahom a’in xb’aan li qayuwa’ aj Lehi; jo’kan naq ak eenawom junxil; ut nimla maak k’eeb’il chik sa’ eeb’een, xb’aan naq xeb’aanu li k’a’aq re ru a’in li ink’a’ raj xeb’aanu.

35 K’ehomaq reetal, ^aq’axal nim wi’chik li maa’usilal xeb’aanu chiru li xe’xb’aanu laj Lamanita, li qas qiitz’ineb’. Laa’ex xeq’et xch’ooleb’ lee rixaqil q’uneb’ xch’ool, ut xesach eeloq’al chiruheb’ lee kok’al, sa’ xk’ab’a’ li k’a’ru ink’a’ us xeb’aanu chiruheb’; ut li yaab’ak wan sa’ xch’ooleb’ taqenaq rik’in li Dios chejitb’al. Ut sa’ xk’ab’a’ lix kawil li raatin li Dios, li nakub’e chejitb’al, k’iila ch’oolej ke’kam, k’ob’b’ileb’ chi cham xtoch’olaleb’.