E Buki Di Mormon

Di manera ku, e ta un kompendio di e registro di e pueblo di Nefi, i tambe di e lamanitanan — Skirbí na e lamanitanan, kendenan ta un restu di e kas di Israel; i tambe na hudiu i gentil — Skirbí pa medio di mandamentu, i tambe pa e Spiritu di profesía i di rebelashon — Skirbí i seyá, i skondé na Señor, pa nan no wòrdu destruí — Pa sali na lus pa medio di e don i poder di Dios te na su interpretashon — Seyá pa e man di Moroni, i skondé na Señor, pa sali na kla na su debido tempu pa medio di e gentil — e interpretashon di dje pa medio di e don di Dios.

Un kompendio tumá for di e Buki di Eter tambe, ku ta un registro di e pueblo di Jared, kendenan a wòrdu esparsí na e momento ku Señor a konfundí e idioma di e pueblo, ora nan tabata trahando un toren pa yega shelu — ku ta pa mustra na e restu di e kas di Israel e kosnan grandi ku Señor a hasi pa nan tatanan; i pa nan por sa e konvenionan di Señor, ku nan no ta bentá afó pa semper — I tambe na e konvensimentu di e hudiu i e gentil ku Jesus ta e Cristo, e Dios Eterno, manifestando su mes na tur nashonnan — I awor, si tin eror nan ta e kibokashonnan di hende; di manera ku, no kondená e kosnan di Dios, pa boso wòrdu hañá sin mancha na e stul di hues di Cristo.