3 Nefi

Ebʼ li loqʼlaj hu

Lix Hu laj Mormon

Li wan chi saʼ
Xtikib’ankil ut Eb’ laj Yehol Nawom
1 Nefi
2 Nefi
Jakob
Enos
Jarom
Omni
Raatin laj Mormon
Mosiah
Alma
Helaman
3 Nefi
4 Nefi
Mormon
Eter
Moroni
Li ajlank sa’ lix Hu laj Mormon

3 Nefi

Ch’ol 1
Laj Nefi, ralal laj Helaman, na’el chaq sa’ li ch’och’, ut laj Nefi li ralal naxk’am li tz’iib’anb’il esil—Us ta neke’tam li eetalil ut sachb’a-ch’oolej, eb’ laj maak neke’xk’uub’ xna’leb’ re xkamsinkileb’ li tiikeb’ xch’ool—Nawulak li q’ojyin nayo’la wi’ li Kristo—Nak’ute’ li eetalil, ut nawakli jun ak’ chahim—Naniman li tik’ti’ik ut li b’alaq’ik, ut eb’ laj elq’ re laj Gadianton neke’xkamsi naab’al. Wan na 1–4 chihab’ xyo’lajik li Kristo.
Ch’ol 2
Naniman li maa’usilal ut li tz’eqb’eetalil sa’ xyanq li tenamit—Eb’ laj Nefita ut laj Lamanita neke’xjunaji rib’ re xkolb’al rib’ chiruheb’ laj elq’ re laj Gadianton—Eb’ laj Lamanita li jalb’ileb’ xch’ool neke’saqo’ xtib’el, ut aj Nefita chik nayeeman reheb’. Wan na 5–16 chihab’ xyo’lajik li Kristo.
Ch’ol 3
Laj Giddianhi, laj jolominel reheb’ laj Gadianton, narelaji naq laj Lajoneus ut eb’ laj Nefita te’xq’axtesi rib’, jo’ ajwi’ xch’och’eb’—Laj Lajoneus naxxaqab’ laj Gidgiddoni jo’ xb’eenil aj taqlanel reheb’ li teep aj pleet—Eb’ laj Nefita neke’xch’utub’ rib’ sa’ Tzarahemla ut Naab’alil re xkolb’al rib’eb’. Wan na 16–18 chihab’ xyo’lajik li Kristo.
Ch’ol 4
Eb’ li teep aj pleet reheb’ laj Nefita neke’xq’axeb’ ru laj elq’ re laj Gadianton—Nakamsiik laj Giddianhi, ut laj Tzemnarihah, li nataqlan sa’ xna’aj, nakamsiik chi t’uyt’u—Eb’ laj Nefita neke’xnima ru li Qaawa’ xb’aan li q’axok-u ke’xb’aanu. Wan na 19–22 chihab’ xyo’lajik li Kristo.
Ch’ol 5
Eb’ laj Nefita neke’xjal xk’a’uxl ut neke’xkanab’ lix maakeb’—Laj Mormon naxtz’iib’a li esilal chirix lix tenamit ut naxch’olob’ reheb’ li aatin li junelik taakanaaq—Te’ch’utub’aaq laj Israel chirix naq jek’inb’ileb’ chaq najter. Wan na 22–26 chihab’ xyo’lajik li Kristo.
Ch’ol 6
Eb’ laj Nefita neke’usa—Nawakli li q’etq’etil, li b’ihomal, ut xjachb’al ru xwankileb’ li tenamit—Narahob’tesiik li iglees xb’aan li jachok-ib’—Laj Satanas naxb’eresiheb’ li tenamit chixpo’resinkileb’ xch’ool chi k’utk’u—K’iila profeet neke’xyaab’asi li jalb’a-k’a’uxlej ut neke’kamsiik—Eb’ laj kamsihom reheb’ neke’xk’uub’ xna’leb’ re xchapb’al xjolomil li tenamit. Wan na 26–30 chihab’ xyo’lajik li Kristo.
Ch’ol 7
Nakamsiik li xb’eenil aj raqol aatin, nasache’ xjolomil li tenamit, ut neke’xjach rib’ li tenamit sa’ junjunq teepal—Laj Jakob, jun aj xik’ ilonel re li Kristo, na’ok choq’ rey sa’ xb’een jun muqmuukil molam—Laj Nefi naxjultika li jalb’a-k’a’uxlej ut xpaab’ankil li Kristo—Eb’ li anjel neke’k’anjelak chiru wulaj wulaj, ut a’an naxwaklesi li riitz’in chiru li kamk—Naab’al neke’xjal xk’a’uxl ut neke’kub’e xha’. Wan na 30–33 chihab’ xyo’lajik li Kristo.
Ch’ol 8
Li kaq-sut-iq’, li hiik, li k’atok, li sut iq’, ut li sache’k sa’ li ch’och’ naxk’ut xyaalal lix kamik li Kristo chiru krus—Naab’al neke’sache’—Li nimla aak’ab’ naxnujob’resi li ch’och’ chiru oxib’ kutan—Eb’ li neke’kana neke’ayaynak chirix li k’a’ru xe’xk’ul. Wan na 33–34 chihab’ xyo’lajik li Kristo.
Ch’ol 9
Sa’ li aak’ab’, lix yaab’ xkux li Kristo naxch’olob’ xyaalal lix sachlijikeb’ naab’al li winq ut li tenamit xb’aan xmaa’usilaleb’—A’an naxch’olob’ ajwi’ lix diosilal, naxye naq tz’aqlojenaq ru lix chaq’rab’ laj Moises, ut naxb’oqeb’ li winq chi chalk rik’in A’an ut chi kole’k. Wan na 34 chihab’ xyo’lajik li Kristo.
Ch’ol 10
Li ch’och’ wan chi ch’anch’o chiru k’iila hoonal—Lix yaab’ xkux li Kristo naxyeechi’i xch’utub’ankil lix tenamit jo’ jun xan kaxlan naxch’utub’eb’ lix kok’ kaxlan—Li jun raqal tiik xch’ool re li tenamit xe’kole’ xyu’am. Wan na 34–35 chihab’ xyo’lajik li Kristo.
Ch’ol 11
Li Yuwa’b’ej naxch’olob’ xyaalal li Ralal raaro xb’aan—Li Kristo naxk’ut rib’ ut naxch’olob’ xyaalal lix tojb’al rix li maak xb’aan—Eb’ li tenamit neke’xch’e’ xk’ob’olal li ruq’ ut li roq ut xk’atq lix sa’—Neke’xjap re chixyeeb’al Hosanna—A’an naxch’olob’ chan ru taa’uxmanq ut taab’aanumanq li kub’iha’—Li musiq’ej re wech’ok-ib’ a’an re laj tza—Li tzol’leb’ re li Kristo a’an naq eb’ li winq te’paab’anq ut te’kub’eeq xha’, ut te’xk’ul li Santil Musiq’ej. Wan na 34 chihab’ xyo’lajik li Kristo.
Ch’ol 12
Li Jesus naxb’oq ut naxk’e xtaqlankil li kab’laju chi tzolom—Naxye reheb’ laj Nefita li aatin chanchan li aatin jultikanb’il chiru li tzuul—Naxye ani osob’tesinb’il—Li k’a’ru naxk’ut naxq’ax xwankil ut naxk’ul xna’aj lix chaq’rab’ laj Moises—Eb’ li winq taqlanb’ileb’ re naq tz’aqalaqeb’ re ru jo’ chanru naq a’an ut lix Yuwa’ tz’aqaleb’ re ru—Chi’ilmanq sa’ Mateo 5. Wan na 34 chihab’ xyo’lajik li Kristo.
Ch’ol 13
Li Jesus naxk’ut lix tij li Qaawa’ chiruheb’ laj Nefita—Tento te’xtamresi li b’ihomal sa’ choxa—Eb’ li kab’laju chi tzolom sa’ xk’anjeleb’ taqlanb’ileb’ naq me’xk’oxla li k’a’aq re ru re li yu’am a’in—Chi’ilmanq sa’ Mateo 6. Wan na 34 chihab’ xyo’lajik li Kristo.
Ch’ol 14
Li Jesus naxtaqla: Mexraqok aatin; chextz’aamanq chiru li Dios; k’ehomaqeb’ reetal li profeet aj b’alaq’—Naxyeechi’i li kolb’a-ib’ reheb’ li te’b’aanunq re li rajom li Yuwa’b’ej. Chi’ilmanq sa’ Mateo 7. Wan na 34 chihab’ xyo’lajik li Kristo.
Ch’ol 15
Li Jesus naxye resil naq lix chaq’rab’ laj Moises xtz’aqlok ru rik’in a’an—Eb’ laj Nefita a’aneb’ li karneer jun ch’ol chik li ki’aatinak wi’ aran Jerusalen—Xb’aan li maa’usilal, eb’ lix tenamit li Qaawa’ aran Jerusalen ink’a’ neke’xnaw chirix li karneer aj Israel li jek’inb’ileb’. Wan na 34 chihab’ xyo’lajik li Kristo.
Ch’ol 16
Li Jesus taarula’ani jalaneb’ chik xkomoneb’ li karneer sachenaq re laj Israel—Sa’ roso’jik li kutan taaxik li evangelio rik’ineb’ laj Gentil ut moqon rik’in lix junkab’al laj Israel—Eb’ lix tenamit li Qaawa’ te’ril rik’in ruheb’ naq tixk’am chaq wi’chik Sion. Wan na 34 chihab’ xyo’lajik li Kristo.
Ch’ol 17
Li Jesus naxb’eresi lix tenamit chixtz’ilb’al rix sa’ xch’ooleb’ li raatin ut chi tijok re xtawb’al ru—Naxk’irtesiheb’ lix yajeb’—Natijok chirixeb’ li tenamit, rik’in aatin li ink’a’ naru xtz’iib’ankil—Eb’ li anjel neke’k’anjelak chiru lix kok’aleb’, ut li xam naxsutiheb’ rix. Wan na 34 chihab’ xyo’lajik li Kristo.
Ch’ol 18
Li Jesus naxtikib’ li loq’laj wa’ak sa’ xyanqeb’ laj Nefita—Neke’taqlaak chi tijok junelik sa’ lix k’ab’a’—Eb’ li neke’wa’ok re xtib’el ut neke’uk’ak re xkik’el chi moko k’ulub’ejeb’ ta, k’eeb’ileb’ sa’ tojb’a-maak—Nak’eeman wankilal reheb’ li tzolom re te’xk’e li Santil Musiq’ej. Wan na 34 chihab’ xyo’lajik li Kristo.
Ch’ol 19
Eb’ li kab’laju tzolom neke’k’anjelak chiru li tenamit ut neke’tijok re xk’ulb’al li Santil Musiq’ej—Eb’ li tzolom neke’kub’e xha’ ut neke’xk’ul li Santil Musiq’ej ut xk’anjeleb’ li anjel—Li Jesus natijok rik’in aatin li ink’a’ naru xtz’iib’ankil—Naxye xyaalal li paab’aal numtajenaq nim reheb’ laj Nefita a’in. Wan na 34 chihab’ xyo’lajik li Kristo.
Ch’ol 20
Li Jesus naxk’e li wa ut viin rik’in sachb’a-ch’oolej, ut naxk’e wi’chik li loq’laj wa’ak reheb’ li tenamit—Li rela’ laj Jakob te’k’ame’q chixnawb’al chirix li Qaawa’ lix Dios ut te’reechani li ch’och’ America—Li Jesus a’an li profeet chanchan laj Moises, ut eb’ laj Nefita a’aneb’ ralal xk’ajoleb’ li profeet—Jalaneb’ chik li ralal xk’ajol li Qaawa’ te’ch’utub’aaq Jerusalen. Wan na 34 chihab’ xyo’lajik li Kristo.
Ch’ol 21
Te’ch’utub’aaq laj Israel naq taak’utmanq lix Hu laj Mormon—Eb’ laj Gentil te’xaqab’aaq jo’ ach’ab’anb’il tenamit sa’ li ch’och’ America—Te’kole’q wi te’paab’anq ut te’ab’inq chiru li taqlanb’il; wi ut ink’a’, te’isiiq chaq ut te’sache’q—Eb’ laj Israel te’xyiib’ li Ak’ Jerusalen, ut te’sutq’iiq li teep sachenaq. Wan na 34 chihab’ xyo’lajik li Kristo.
Ch’ol 22
Sa’ roso’jik li kutan taaxaqab’aaq Sion ut eb’ li roqechal, ut taach’utub’aaq Israel rik’in uxtaan ut q’unal ch’oolej—Eb’ a’an te’q’axoq-u—Chi’ilmanq sa’ Isaias 54. Wan na 34 chihab’ xyo’lajik li Kristo.
Ch’ol 23
Li Jesus naxxaqab’ xwankil li raatin laj Isaias—Naxtaqlaheb’ li tenamit chixtz’ilb’aleb’ rix li profeet—Li raatin laj Samuel aj Lamanita chirix li wakliik chi yo’yo na’oksiik sa’ lix tz’iib’anb’il esileb’. Wan na 34 chihab’ xyo’lajik li Kristo.
Ch’ol 24
Laj k’amol esil re li Qaawa’ tixkawresi li b’e choq’ re li Xkab’ Xk’ulunik—Li Kristo taak’ojlaaq chi raqok aatin—Taqlanb’il Israel chixtojb’al li lajetqil ut li mayej—Natz’iib’aman jun xhuhil li jultikaak—Chi’ilmanq sa’ Malakias 3. Wan na 34 chihab’ xyo’lajik li Kristo.
Ch’ol 25
Sa’ li xkab’ xk’ulunik, eb’ laj q’etq’et ut laj maak te’k’ate’q chanchan roq waj—Laj Elias taasutq’ii’q rub’elaj li xnimal ru ut xuwajel kutan a’an—Chi’ilmanq sa’ Malakias 4. Wan na 34 chihab’ xyo’lajik li Kristo.
Ch’ol 26
Li Jesus naxch’olob’ chixjunil li k’a’aq re ru chalen chaq xtiklajik toj sa’ roso’jik—Eb’ li k’uula’al ut li kok’al neke’xye li sachb’a-ch’oolejil aatin li ink’a’ naru natz’iib’aman—Eb’ li wankeb’ sa’ lix Iglees li Kristo wan chixjunil li k’a’aq re ru sa’ komonil sa’ xyanqeb’. Wan na 34 chihab’ xyo’lajik li Kristo.
Ch’ol 27
Li Jesus naxtaqla naq lix Iglees taak’ab’a’iiq rik’in lix k’ab’a’ a’an—Lix k’anjel taqlanb’il wi’ ut lix mayej aj tojol-ix, a’an lix evangelio—Eb’ li winq taqlanb’ileb’ chixjalb’aleb’ xk’a’uxl ut chi kub’eek xha’ re te’ruuq chi santob’resiik xb’aan li Santil Musiq’ej—Tento te’wanq jo’ chanru ajwi’ li Jesus. Wan na 34–35 chihab’ xyo’lajik li Kristo.
Ch’ol 28
B’eleeb’ reheb’ li kab’laju chi tzolom neke’raj ut nayeechi’iman reheb’ jun reechanihomeb’ sa’ li rawa’b’ejihom li Kristo naq neke’kam—Li Oxib’ aj Nefita neke’raj ut nak’eeman reheb’ wankilal sa’ xb’een li kamk re te’kanaaq sa’ li ruchich’och’ toj reetal naq taachalq wi’chik li Jesus—Eb’ a’an neke’jaltesiik ru ut neke’ril li k’a’ru ink’a’ naru xyeeb’al jo’ chanru li chaq’rab’, ut yookeb’ anajwan chi k’anjelak sa’ xyanqeb’ li winq. Wan na 34–35 chihab’ xyo’lajik li Kristo.
Ch’ol 29
Lix k’utunik lix Hu laj Mormon a’an reetalil naq li Qaawa’ xtikib’ xch’utub’ankil laj Israel ut xtz’aqob’resinkil ru lix sumwank—Eb’ li neke’tz’eqtaanank re lix k’utb’esinb’il na’leb’ ut lix maatan sa’ roso’jik li kutan te’majewaaq. Wan na 34–35 chihab’ xyo’lajik li Kristo.
Ch’ol 30
Eb’ laj Gentil sa’ roso’jik li kutan taqlanb’ileb’ chixjalb’aleb’ xk’a’uxl, chi chalk rik’in li Kristo, ut chi k’ehe’k sa’ ajl rik’in lix junkab’al laj Israel. Wan na 34–35 chihab’ xyo’lajik li Kristo.