Ch’ol 29
Lix k’utunik lix Hu laj Mormon a’an reetalil naq li Qaawa’ xtikib’ xch’utub’ankil laj Israel ut xtz’aqob’resinkil ru lix sumwank—Eb’ li neke’tz’eqtaanank re lix k’utb’esinb’il na’leb’ ut lix maatan sa’ roso’jik li kutan te’majewaaq. Wan na 34–35 chihab’ xyo’lajik li Kristo.
1 Anajwan ut k’ehomaq reetal, ninye eere naq jo’q’e tixk’oxla li Qaawa’ rik’in xchaab’ilal xna’leb’ naq us naq li yehom a’in ataawulaq rik’ineb’ laj Gentil jo’ chanru li raatin, rik’in a’an naru teenaw naq li bsumwank li kixk’uub’ li Yuwa’b’ej rik’ineb’ li ralal xk’ajol laj Israel, chirix xk’ojob’ankileb’ wi’chik sa’ xch’och’il li reechanihomeb’, ak xtikla xtz’aqob’resinkil ru.
2 Ut naru teenaw naq li raatin li Qaawa’, li yeeb’il xb’aaneb’ li santil profeet, taatz’aqloq ru chixjunil, ut moko na’aje’ ta ru naq teeye naq li Qaawa’ anaxb’ay chaq xk’ulunik rik’ineb’ li ralal xk’ajol laj Israel.
3 Ut moko na’aje’ ta ru naq teek’oxla sa’ eech’ool naq maak’a’ xyaalal li aatin kiyeeman chaq, xb’aan naq k’ehomaq reetal, li Qaawa’ taajultiko’q re lix sumwank li kixk’uub’ choq’ re lix tenamit re lix junkab’al laj Israel.
4 Ut naq teeril li yehom a’in chi k’utmank sa’ eeyanq, rik’in a’an moko na’aje’ ta chik naq teetz’eq cherix lix b’aanuhom li Qaawa’, xb’aan naq li ayok’leb’ ch’iich’ re lix braqb’a-aatin wan sa’ xnim uq’, ut k’ehomaq reetal, sa’ li kutan a’an, wi neketz’eq cherix lix b’aanuhom, tixk’e re textawe’q sa’ junpaat xb’aan.
5 aRahilal sa’ xb’een li ani bnatz’eqok chirix lix b’aanuhom li Qaawa’, relik chi yaal, rahilal sa’ xb’een li ani ctaatz’eqtaananq re xyaalal li Kristo ut lix k’anjel!
6 Relik chi yaal, arahilal sa’ xb’een li ani natz’eqtaanank re xyaalal lix k’utb’esihom li Qaawa’, ut li taayehoq re naq li Qaawa’ ink’a’ chik nak’anjelak rik’in li k’utb’esinb’il na’leb’, chi moko rik’in profeetil aatin, chi moko rik’ineb’ li bmaatan, chi moko rik’ineb’ li jalanil aatinob’aal, chi moko rik’ineb’ li k’irtesink, chi moko rik’in xwankil li Santil Musiq’ej!
7 Relik chi yaal, rahilal ut sa’ xb’een li ani taayehoq re sa’ li kutan a’an, re xk’ulb’al axtumin, naq bmaajun sachb’a-ch’oolej naru nawan chi k’anjelanb’il xb’aan li Jesukristo, xb’aan naq ani nab’aanunk re a’in taawanq chanchan li calalb’ej re li sachk, li moko kiwan ta ruxtaanankil ru, jo’ chanru li raatin li Kristo!
8 Relik chi yaal, ut moko na’aje’ ta chik ru naq atexhasb’aq, chi moko naq bteetz’eq cherix, chi moko naq teeb’atz’unleheb’ laj cJudio, chi moko yalaq ani chik xkomon li rela’ lix junkab’al laj Israel; xb’aan naq k’ehomaq reetal, li Qaawa’ najultiko’ re lix sumwank choq’ reheb’, ut tixb’aanu reheb’ jo’ chanru li k’a’ru kixxaqab’ wi’ aatin.
9 Jo’kan naq moko na’aje’ ta ru naq teek’oxla naq texruuq chixsutq’isinkil lix nim uq’ li Qaawa’ sa’ lix tz’e, re naq a’an ink’a’ tixk’anjela li raqb’a-aatin choq’ re xtz’aqob’resinkil ru li sumwank li kixk’uub’ choq’ re lix junkab’al laj Israel.