1 Pea ko ʻeni, vakai, ʻoku ou pehē kiate kimoutolu, ʻoku totonu ke mou ^afakatotolo ki he ngaahi meʻá ni. ʻIo, ʻoku ou fai kiate kimoutolu ʻa e fekau ke mou fakatotolo faivelenga ki he ngaahi meʻá ni; he ʻoku mahuʻinga ʻa e ngaahi lea ʻa ^bʻĪsaiá.

2 He ko e moʻoni naʻá ne lea ki he ngaahi meʻa kotoa pē ʻoku kau ki hoku kakai ʻa ia ʻoku ʻo e fale ʻo ʻIsilelí; ko ia kuo pau foki ke ne lea ki he kau Senitailé.

3 Pea ko e ngaahi meʻa kotoa pē naʻá ne leaʻakí kuo hoko ^ape ʻe hoko, ʻo hangē ko e ngaahi lea naʻá ne leaʻakí.

4 Ko ia tokanga ki heʻeku ngaahi leá; tohi ʻa e ngaahi meʻa kuó u tala kiate kimoutolú; pea fakatatau ki he taimi mo e finangalo ʻo e Tamaí ʻe ʻalu atu ia ki he kau Senitailé.

5 Pea ko ia ia ʻe tokanga ki heʻeku ngaahi leá pea fakatomala mo papitaisó, ko ia ia ʻe fakamoʻuí. Fakatotolo ki he kau ^apalōfitá, he ʻoku ʻi ai ʻa e tokolahi ʻoku nau fakamoʻoni ki he ngaahi meʻá ni.

6 Pea ko ʻeni naʻe hoko ʻo pehē ʻi he hili ʻa e folofola ʻaki ʻe Sīsū ʻa e ngaahi folofola ní naʻá ne toe folofola kiate kinautolu, ʻi he hili ʻene fakamatalaʻi kiate kinautolu ʻa e ngaahi folofola kotoa pē ʻa ia kuo nau maʻú, naʻá ne folofola kiate kinautolu: Vakai, ʻoku ʻi ai mo e ngaahi folofola kehe ʻoku ou loto ke mou tohi, ʻa ia kuo teʻeki ai ke mou tohi.

7 Pea naʻe hoko ʻo pehē naʻá ne folofola kia Nīfai: ʻOmi ki heni ʻa e lekooti ʻa ia kuó ke tauhí.

8 Pea ʻi he ʻomi ʻe Nīfai ʻa e ngaahi lekōtí, ʻo ne tuku ia ʻi hono ʻaó, naʻe ʻafio ki ai hono fofongá ʻo ne folofola:

9 Ko e moʻoni ʻoku ou pehē kiate kimoutolu, naʻá ku fekauʻi ʻeku tamaioʻeiki ko ^aSamuela, ko e tangata Leimaná, ke ne fakamoʻoni ki he kakaí ni, ʻi he ʻaho ko ia ʻe fakaongoongoleleiʻi ai ʻe he Tamaí ʻa hono huafá ʻiate aú ʻe ʻi ai ʻa e kau ^bmāʻoniʻoni ^ctokolahi ʻe ^dtuʻu hake mei he maté, pea hā mai ki he tokolahi, ʻo tauhi kiate kinautolu. Pea naʻá ne folofola kiate kinautolu: ʻIkai naʻe hoko ia ʻo hangē ko ʻene leá?

10 Pea naʻe tali kiate ia ʻe heʻene kau ākongá ʻo pehē: ʻIo, ʻEiki, naʻe kikite ʻa Samuela ʻo hangē ko hoʻo ngaahi folofolá, pea naʻe hoko kotoa ia.

11 Pea naʻe folofola ʻa Sīsū kiate kinautolu: Ko e hā kuo ʻikai ai te mou tohi ʻa e ngaahi meʻa ní, naʻe ʻi ai ʻa e kau māʻoniʻoni tokolahi naʻa nau tuʻu hake ʻo hā ki he tokolahi mo tauhi kiate kinautolu.

12 Pea naʻe hoko ʻo pehē naʻe manatuʻi ʻe Nīfai kuo ʻikai tohi ʻa e meʻá ni.

13 Pea naʻe hoko ʻo pehē naʻe fekau ʻe Sīsū ke tohi ia; ko ia naʻe tohi ia ʻo hangē ko ʻene fekaú.

14 Pea ko ʻeni naʻe hoko ʻo pehē naʻe hili hono ^afakamatalaʻi fakataha ʻe Sīsū ʻa e ngaahi folofola, ʻa ia kuo nau tohí, naʻá ne fekau kiate kinautolu ke nau akonaki ʻaki ʻa e ngaahi meʻa kuó ne fakamatalaʻi kiate kinautolú.