Vahe 3
ʻOku fekau ʻe Kitianehai, ko e taki ʻo e kau kaihaʻa Katianetoní, kia Leikoneose mo e kau Nīfaí ke nau tukulolo mo tukuange honau ngaahi fonuá—ʻOku fili ʻe Leikoneose ʻa Kitikitonai ko e ʻeikitau pule ʻo e ngaahi kau taú—ʻOku fakataha ʻa e kau Nīfaí ki Seilahemala mo Mahu ke maluʻi ʻa kinautolu. Taʻu T.S. 16–18 nai.
1 Pea ko ʻeni naʻe hoko ʻo pehē ʻi hono hongofulu mā ono ʻo e taʻu hili ʻa e hāʻele mai ʻa Kalaisí, naʻe maʻu ha tohi ʻe Leikoneose, ko e kōvana ʻo e fonuá, mei he taki mo e kōvana ʻo e kautahá ni ʻo e kau kaihaʻá; pea ko e ngaahi lea ʻeni naʻe tohi aí, ʻo pehē:
2 ʻE Leikoneose, ko e kōvana pule mo tāfataha ʻo e fonuá, vakai, ʻoku ou fai atu ʻa e tohí ni kiate koe, pea ʻoku ou fakahikihikiʻi lahi ʻaupito koe koeʻuhi ko hoʻo tuʻu maʻú, pea mo e tuʻu maʻu foki ʻa ho kakaí ʻi he tauhi maʻu ʻa e meʻa ʻoku mou lau ko hoʻomou totonu mo e tauʻatāiná; ʻio, ʻoku mou tuʻu mālohi, ʻo hangē kuo poupouʻi ʻa kimoutolu ʻe he nima ʻo ha ʻotua, ʻi he maluʻi hoʻomou tauʻatāiná, mo hoʻomou koloá, pea mo homou fonuá, pe ko e ngaahi meʻa ʻoku mou ui peheé.
3 Pea ʻoku ou pehē ko e meʻa pango kiate au, ʻe Leikoneose ko e ʻeiki lahi, ʻoku pehē fau hoʻo valé mo e fie meʻá ʻi he mahalo te mou faʻa matuʻuaki ʻa e kau tangata toʻa tokolahi pehē ʻa ia ʻoku ou puleʻí, ʻa ia kuo nau tuʻu ʻi he taimi ko ʻení mo ʻenau ngaahi mahafu taú, pea ʻoku nau tatali mo e fuʻu loto tokanga lahi ki he fekau—Mou ō hifo ki he kau Nīfaí, ʻo fakaʻauha ʻa kinautolu.
4 Pea ko au, ʻi heʻeku ʻiloʻi honau loto-mālohí, he kuo fakamoʻoniʻi ʻa kinautolu ʻi he malaʻe ʻo e taú, pea ʻi heʻeku ʻiloʻi ʻenau fehiʻa taʻetuku kiate kimoutolu koeʻuhi ko hono lahi ʻo e ngaahi hala kuo mou fai kiate kinautolú, ko ia kapau te nau ō hifo ke tauʻi ʻa kimoutolu, te nau ʻalu atu kiate kimoutolu ʻi he fakaʻauha ke ʻosiʻosingamālie.
5 Ko ia kuó u fai atu ai ʻa e tohí ni, peá u fakamaʻu ia ʻaki hoku nima ʻoʻokú, koeʻuhi ko ʻeku tokanga ki hoʻomou leleí, koeʻuhi ko hoʻomou fai mālohi ʻi he meʻa ʻoku mou tui ʻoku totonú, pea mo hoʻomou loto-toʻa ʻi he malaʻe ʻo e taú.
6 Ko ia ʻoku ou tohi atu ai kiate koe, mo kole ke mou tukuange ki hoku kakaí ni ʻa homou ngaahi koló, mo homou ngaahi fonuá, mo hoʻomou ngaahi meʻa kotoa pē, kae ʻoua naʻa nau ʻalu atu kiate kimoutolu ʻaki ʻa e heletā, pea tō ai ʻa e fakaʻauhá kiate kimoutolu.
7 Pe ko hono ʻai ʻe tahá, ke mou tukulolo kiate kimautolu, pea kau fakataha mo kimautolu pea mou ako ʻemau ngaahi angāue fufuú, pea hoko ko homau kāinga koeʻuhi ke mou tatau mo kimautolu—ʻo ʻikai ko ʻemau kau pōpula, ka ko homau kāinga mo e kaungā ʻinasi ʻi heʻemau ngaahi meʻa kotoa pē.
8 Pea vakai, ʻoku ou afakapapau kiate koe, kapau te mou fai ʻeni, ʻi he fuakava, ʻe ʻikai fakaʻauha ʻa kimoutolu; ka ʻo kapau ʻe ʻikai te mou fai ʻeni, ʻoku ou fakapapau kiate koe ʻi he fuakava, ʻi he māhina ka hoko maí, te u fekau ki heʻeku ngaahi kau taú ke nau ʻalu atu ʻo tauʻi ʻa kimoutolu, pea he ʻikai te nau taʻofi honau nimá, pea ʻikai te nau fakamoʻui ha taha, ka te nau tāmateʻi ʻa kimoutolu, pea taaʻi ʻa kimoutolu ʻaki ʻa e heletā kae ʻoua ke mou ʻauha ʻo ʻosiʻosingamālie.
9 Pea vakai, ko au ko Kitianehai; pea ko e kōvana au ʻo e akautaha fufuú ni ʻa Katianetoní; ʻa ia ko e kautaha mo hono ngaahi ngāue ʻoku ou ʻiloʻi ʻoku blelei; pea naʻe kamata ia mei he ckuonga muʻá pea kuo tukufakaholo mai ia kiate kimautolu.
10 Pea ʻoku ou fai ʻa e tohí ni kiate koe, ʻe Leikoneose, pea ʻoku ou ʻamanaki pē te ke tuku mai homou ngaahi fonuá mo hoʻomou ngaahi koloá, taʻe-ʻi ai-ha lilingi ʻo e toto, koeʻuhí ke toe maʻu ʻe hoku kakaí ni ʻa ʻenau ngaahi totonú mo e pule, ʻa ia kuo nau tafoki meiate kimoutolu koeʻuhi ko hoʻomou fai angahala ʻi hono taʻofi meiate kinautolu ʻa ʻenau ngaahi totonu ki he pulé, pea ka ʻikai te mou fai ʻeni, te u sāuni honau ngaohikoviʻí. Ko au Kitianehai.
11 Pea ko ʻeni naʻe hoko ʻo pehē ʻi he maʻu ʻe Leikoneose ʻa e tohi ní naʻá ne fuʻu ofo ʻaupito, koeʻuhi ko e loto-fefeka ʻa Kitianehai ʻo fekau ke tukuange ke ne maʻu ʻa e fonua ʻo e kau Nīfaí, pea mo e fakamanamanaʻi foki ʻo e kakaí mo e sāuni ʻo e ngaahi kovi kuo fai ki ha niʻihi naʻe ʻikai fai ha kovi ki aí, tuku kehe pē ʻa ʻenau afaikovi kiate kinautolu ʻiate kinautolu pē ʻi he tafoki ki he kau kaihaʻa fai angahala mo fakalielia ko iá.
12 Ko ʻeni vakai, ko e Leikoneose ko ʻeni, ʻa ia ko e kōvaná, ko ha tangata angatonu ia, pea naʻe ʻikai fakamanavaheeʻi ia ʻe he ngaahi fekau mo e ngaahi fakamanamana ʻa ha akaihaʻa; ko ia naʻe ʻikai te ne tokanga ki he tohi ʻa Kitianehai, ko e kōvana ʻo e kau kaihaʻá, ka naʻá ne fekau ke tangi ʻa hono kakaí ki he ʻEikí ke maʻu ha ivi ʻo ka hokosia ʻa e taimi ʻe haʻu ai ʻa e kau kaihaʻá ke tauʻi ʻa kinautolú.
13 ʻIo, naʻá ne ʻoatu ha fanongonongo ki he kakai kotoa pē, ke nau tānaki fakataha honau kakai fefiné, mo ʻenau fānaú, mo ʻenau ngaahi takanga monumanu īkí mo ʻenau ngaahi takanga monumanu lalahí mo ʻenau ngaahi meʻa kotoa pē ki ha potu pē taha, tuku kehe pē honau kelekelé.
14 Pea naʻá ne fekau ke langa ha ngaahi ʻā kolo ʻo takatakai ʻiate kinautolu, pea ke fuʻu fefeka ʻaupito ʻa hono mālohí. Peá ne fekau ke fokotuʻu takatakai ʻa e ngaahi kau tau ʻa e kau Nīfaí pea mo e kau Leimaná fakatouʻosi, pe ko kinautolu kotoa pē naʻe lau fakataha mo e kau Nīfaí, ke nau leʻohi ʻa kinautolu, mo maluʻi ʻa kinautolu mei he kau kaihaʻá ʻi he ʻaho mo e pō.
15 ʻIo, naʻá ne pehē kiate kinautolu: Hangē ʻoku moʻui ʻa e ʻEikí, kapau ʻe ʻikai te mou fakatomala mei hoʻomou ngaahi angahala kotoa pē, pea tangi ki he ʻEikí, he ʻikai teitei fakahaofi ʻa kimoutolu mei he nima ʻo e kau kaihaʻa ko ia ʻa Katianetoní.
16 Pea naʻe pehē fau hono maʻongoʻonga mo hono fakaofo ʻo e ngaahi lea mo e ngaahi kikite ʻa Leikoneosé ko ia naʻa nau fakatupu ʻa e ilifia ʻi he kakai kotoa pē; pea naʻa nau feinga ʻaki honau tūkuingatá ke fai ki he ngaahi lea ʻa Leikoneosé.
17 Pea naʻe hoko ʻo pehē naʻe fakanofo ʻe Leikoneose ʻa e kau ʻeikitau pule ki he ngaahi kau tau kotoa pē ʻa e kau Nīfaí, ke nau angi ʻa kinautolu ʻi he taimi ʻe ō mai ai ʻa e kau kaihaʻá mei he feituʻu maomaonganoá ke tauʻi ʻa kinautolú.
18 Ko ʻeni naʻe fakanofo ʻa e ʻeikitau lahi ʻo e kau ʻeikitau pule kotoa pē mo e pule māʻolunga ki he kau tau kotoa pē ʻa e kau Nīfaí, pea ko hono hingoá ko aKitikitonai.
19 Ko ʻeni ko e anga maheni ʻo e kau Nīfai kotoa pē ke fakanofo ko honau kau ʻeikitau pulé, (tuku kehe pē ʻi honau ngaahi ʻaho ʻo e fai angahalá) ha taha ʻoku ʻiate ia ʻa e laumālie ʻo e fakahaá pea mo e akikité foki; ko ia, ko e Kitikitonai ko ʻení ko ha palōfita lahi ia ʻiate kinautolu, pea toe tuʻi fakamaau lahi foki.
20 Ko ʻeni naʻe pehē ʻe he kakaí kia Kitikitonai: Lotu ki he ʻEikí, pea tuku ke tau ō hake ki he ngaahi moʻungá pea ki he feituʻu maomaonganoá, koeʻuhi ke tau ʻohofi ʻa e kau kaihaʻá pea fakaʻauha ʻa kinautolu ʻi honau ngaahi fonua ʻonautolú.
21 Ka naʻe pehē ange ʻe Kitikitonai kiate kinautolu: ʻOku ataʻofi ia ʻe he ʻEikí; he kapau te tau ō hake ke tauʻi ʻa kinautolu ʻe btuku ʻa kitautolu ʻe he ʻEikí ki honau nimá; ko ia te tau teuteuʻi ʻa kitautolu ʻi loto ʻi hotau ngaahi fonuá, pea te tau tānaki fakataha ʻetau ngaahi kau tau kotoa pē, pea ʻe ʻikai ke tau ō ke tauʻi ʻa kinautolu, ka te tau tatali kae ʻoua ke nau haʻu ke tauʻi ʻa kitautolu; ko ia hangē ʻoku moʻui ʻa e ʻEikí, kapau te tau fai ʻeni, te ne tuku ʻa kinautolu ki hotau nimá.
22 Pea naʻe hoko ʻo pehē ʻi hono hongofulu mā fitu ʻo e taʻú, ʻi he konga fakamuimui ʻo e taʻú, kuo fanongonongo atu ʻa e tuʻutuʻuni ʻa Leikoneosé ʻi hono kotoa ʻo e funga ʻo e fonuá, pea kuo nau ʻave ʻenau fanga hōsí, mo ʻenau ngaahi salioté, mo ʻenau fanga pulu, mo ʻenau ngaahi takanga monumanu īkí, mo ʻenau ngaahi takanga monumanu lalahí, mo ʻenau ngaahi tengaʻi ʻakaú mo ʻenau ngaahi meʻa kotoa pē, pea nau laka atu, ʻa e ngaahi toko afe mo e ngaahi toko mano, kae ʻoua kuo nau ō atu kotoa pē ki he potu kuo tuʻutuʻuni ke nau fakataha ki ai, ke maluʻi ʻa kinautolu mei honau ngaahi filí.
23 Pea ko e fonua kuo tuʻutuʻuní ko e fonua ko Seilahemalá, mo e fonua ʻi he vahaʻa ʻo e fonua ʻo Seilahemalá mo e fonua ko Mahú, ʻio, ʻo aʻu atu ki he ngataʻanga fonua ʻi he vahaʻa ʻo e fonua ko Mahú mo e fonua ko ʻAuhá.
24 Pea naʻe ʻi ai ʻa e kakai ʻe toko lau afe lahi ʻa ia naʻe ui ko e kau Nīfai, ʻa ia naʻa nau fakataha ki he fonuá ni. Pea naʻe fekau ʻe Leikoneose ke nau fakataha mai ki he fonua ʻi he fakatongá, koeʻuhi ko e fuʻu malaʻia ʻa ia naʻe ʻi he afonua ʻi he fakatokelaú.
25 Pea naʻa nau teuteuʻi ai ʻa kinautolu ke tau mo honau ngaahi filí; pea naʻa nau nofo ʻi he fonua pē taha, pea ʻi he feituʻu pē taha, pea naʻa nau manavahē ki he ngaahi lea kuo lea ʻaki ʻe Leikoneosé, ʻo aʻu ki heʻenau fakatomala mei heʻenau ngaahi angahala kotoa pē; pea nau fai ʻenau ngaahi lotu ki he ʻEiki ko honau ʻOtuá, ke ne afakahaofi ʻa kinautolu ʻi he taimi ʻe haʻu ai honau ngaahi filí ke tauʻi ʻa kinautolú.
26 Pea naʻa nau fuʻu loto-mamahi ʻaupito koeʻuhi ko honau ngaahi filí. Pea naʻe fekau ʻe Kitikitonai ke nau ngaohi ʻa e ngaahi amahafu tau ʻo e faʻahinga kotoa pē, pea ke nau mālohi ʻi honau teunga taú mo e ngaahi paá, mo e ngaahi pā fuopotopotó, ʻo hangē ko e anga ʻo ʻene tuʻutuʻuní.