1 Im enaaj eddekļo̧k jān ^adāpdep in ^bJesse juon ^cājib, im juon ra enaaj eddek jān okran.

2 Im ^aJetōb eo an Irooj enaaj pād Ioon, im jitōbōn mālōtlōt im jeļāļo̧kjeņ, jitōbōn pepe im kajoor, jitōbōn jeļā im jitōbōn mijak an Irooj;

3 Im naaj kōm̧m̧ane m̧ōkaj an jeļā ilo mijake Irooj; im enaaj jab ^aekajet ekkar n̄an an mejān loe, im kauwe ekkar n̄an lo̧jiln̄in.

4 Ak kōn ^ajim̧we Enaaj ekajet rijeram̧ōl, im ^bkauwe kōn jejjet n̄an ^crittā bōro in laļ; im Enaaj den̄ļo̧ke laļ kōn aļaļ in lo̧n̄iin, im kōn menwan tien Enaaj m̧an rinana.

5 Im jim̧we enaaj kan̄ōr in m̧urin, im tiljek enaaj kan̄ōr in ^aipin.

6 Im kidu oļip barāinwōt enaaj jokwe ippān lamb eo, im kidu leopard enaaj babu ippān kunen goat; im kunen kau im kunen ļaioon im kau kōmatōke ippān doon; im juon ajri enaaj tōl er.

7 Im kau eo im kidu bear eo renaaj m̧ōn̄ā ippān doon; koon ko nejier renaaj babu ippān doon; im ļaioon eo enaaj kan̄ ujooj eaetok āinwōt ox eo.

8 Im ajri eo ej ninnin enaaj ikkure ioon ron̄ in ^aasp eo, im ajri eliktūt enaaj likūt pein ioon ^bron̄ in cockatrice eo.

9 Rej ^ajamin kōmetak ak ko̧kkure ilo aolep toļ ekwōjarjar Aō, bwe laļ enaaj obrak kōn ^bjeļā kake Irooj, āinwōt dān ko rej kalbubuuk lo̧jet.

10 Im ilo ^araan eo enaaj wōr juon ^bokaran Jesse, eo enaaj jutak āinwōt juon flag an armej ro; ^cn̄an e ro ^driAelōn̄ ko renaaj kappukotļo̧k; in An jikin kakkije enaaj aiboojoj.

11 Im naaj ālkin men kein ilo raan eo Irooj enaaj bar door Pein alen kein ^akaruo n̄an kōjepļaaktok bwein armej ro An ro renaaj pād wōt, jān Assiria, im jān Ijipt, im jān Patros, im jān Kush, im jān Ilam, im jān Shainar, im jān Hemat, im jān aelōn̄ ko in lo̧meto.

12 Im Enaaj kajutak juon ^aflag n̄an laļ ko, im naaj kakwelo̧ktok ^briatajinemjen ro in Israel, im ^caintok ro rijeplōklōk in Juda jān m̧ōttan ko emān ilaļ.

13 ^aJuunm̧aad eo an Ipreim barāinwōt enaaj jako, im ro rijum̧ae an Juda naaj bukweļo̧k er; ^bIpreim ej jamin juunm̧aade ^cJuda, im Juda enaaj jamin kaen̄tanaane Ipreim.

14 A renaaj ^akālo̧k ioon aeran riPilistia ro n̄an rilik; renaaj rakimi ro jān rear ippān doon; renaaj likūt peier ioon Idōm im Moab; im ajri ro nejin Ammōn renaaj pokake er.

15 Im Irooj Enaaj kanooj ^ako̧kkure loōn lo̧meto in Ijipt; im kōn An kōto ekajoor Enaaj kōjjaļaļ Pein ioon reba, im Enaaj depet e ilo jiljilimjuon reba reddik, im kōm̧m̧an bwe armej ren eļļā ioon bwidej em̧ōrā.

16 Im enaaj wōr juon ^aiaļ eļap n̄an m̧ōttan armej ro An ro raar pād wōt, jān Assiria, āinwōt ekar n̄an Israel ilo raan eo raar diwōjļo̧k jān āneen Ijipt.