۱ نِیفی

مورمن کی کِتاب

فہرست/متن
تعارف اور گواہان
۱ نِیفی
۲ نِیفی
یعقُوب
انوس
یروم
اومنی
مورمن کا کلام
مُضایاہ
ایلما

۱ نِیفی

باب ۱
نِیفی اپنے لوگوں کی سرگُزشت کی اِبتدا کرتا ہے—لحی، رویا میں آگ کا ستُون دیکھتا اور نبُوّت کی کِتاب میں سے پڑھتا ہے—وہ خُدا کی حمد کرتا، ممسُوح کی آمد کی پیشین گوئی کرتا، اور یرُوشلِیم کی تباہی کی نبُوّت کرتا ہے—اور یہُودی اُسے ستاتے ہیں۔ تقریباً ۶۰۰ ق۔م۔
باب ۲
لحی اپنے خاندان کو بیابان میں بحرِ قُلزم کے قریب لے جاتا ہے—وہ اپنی جائداد چھوڑتے ہیں—لحی خُداوند کے حُضُور قُربانی گذُرانتا اور اپنے بیٹوں کو سِکھاتا ہے کہ حُکموں پر عمل کریں—لامن اور لیموئیل اپنے باپ کے خِلاف بُڑبُڑاتے ہیں—نِیفی فرماں بردار ہے اور اِیمان سے دُعا کرتا ہے؛ خُداوند اُس کے ساتھ ہم کلام ہوتا ہے اور وہ اپنے بھائیوں پر حُکم رانی کے لِیے چُنا جاتا ہے۔ تقریباً ۶۰۰ ق۔م۔
باب ۳
لحی کے بیٹے پیتل کے اَوراق حاصل کرنے کے لِیے واپس یرُوشلِیم جاتے ہیں—لابن اَوراق دینے سے اِنکار کرتا ہے—نِیفی اپنے بھائیوں کو نصیحت کرتا اور اُن کی حوصلہ اَفزائی کرتا ہے—لابن اُن کی جائداد چھینتا ہے اور اُنھیں قتل کرنے کی کوشش کرتا ہے—لامن اور لیموئیل، نِیفی اور سام کو مارتے ہیں، اور فرِشتہ اُن کو ملامت کرتا ہے-قریباً ۶۰۰–۵۹۲ ق۔م۔
باب ۴
نِیفی لابن کو خُداوند کے حُکم پر قتل کرتا ہے، اور پھر حِکمتِ عملی سے پیتل کے اَوراق حاصل کر لیتا ہے—ضورام، لحی کے خاندان کے ساتھ بیابان میں شامِل ہونے کا فیصلہ کرتا ہے۔ قریباً ۶۰۰–۵۹۲ ق۔م۔
باب ۵
سرایا، لحی کے خِلاف شکایت کرتی ہے—دونوں اپنے بیٹوں کی واپسی پر شادمان ہوتے ہیں—وہ قُربانیاں گُزرانتے ہیں—پیتل کے اَوراق مُوسیٰ اور دُوسرے نبِیوں کے صحیفوں پر مُشتمل ہیں—اَوراق نشان دہی کرتے ہیں کہ لحی یُوسُف کی نسل میں سے ہے—لحی اپنی نسل اور اَوراق کی حفاظت کی بابت نبُوّت کرتا ہے۔ قریباً ۶۰۰–۵۹۲ ق۔م۔
باب ۶
نِیفی خُدا کی باتیں لِکھتا ہے—نِیفی کا اِرادہ، آدمیوں کو راغب کرنا ہے کہ اَبرہام کے خُدا کے پاس آئیں اور نجات پائیں۔ قریباً ۶۰۰–۵۹۲ ق۔م۔
باب ۷
لحی کے بیٹے یرُوشلِیم واپس آتے ہیں، اور اِسماعیل اور اُس کے گھرانے کو اپنے ہمراہ سفر میں شامِل ہونے کی دعوت دیتے ہیں—لامن اور دُوسرے بغاوت کرتے ہیں—نِیفی اپنے بھائیوں کو خُداوند پر اِیمان لانے کی نصیحت کرتا ہے—وہ اُسے رسیوں سے باندھتے، اور اُس کی ہلاکت کا منصوبہ بناتے ہیں—وہ اِیمان کی قُوّت سے رہائی پاتا ہے—اُس کے بھائی مُعافی مانگتے ہیں—لحی اور اُس کا قافلہ قُربانی گُزرانتا، اور سوختنی نذریں چڑھاتے ہیں۔ قریباً ۶۰۰–۵۹۲ ق۔م۔
باب ۸
لحی شجر ِ حیات کی رویا دیکھتا ہے—وہ اُس کے پھل میں سے کھاتا ہے، اور آرزُو کرتا ہے کہ اُس کا خاندان بھی اَیسا ہی کرے—وہ لوہے کی باڑ، سُکڑا اور تنگ راستا اور اِنسانوں کو مُکَمَّل طور پر ڈھانپ لینے والی تاریکی کی کُہر دیکھتا ہے—سرایا، نِیفی اور سام پھل میں سے کھاتے ہیں، لیکن لامن اور لیموئیل اِنکار کرتے ہیں۔ قریباً ۵۹۲–۶۰۰ ق۔م۔
باب ۹
نِیفی سرگُزشت کے دو مجموعے تیار کرتا ہے—دونوں کو نِیفی کے اَوراق کہا جاتا ہے—بڑے اَوراق دُنیاوی تاریخ پر مُشتمل ہیں؛ چھوٹے اَوراق کا بُنیادی طور پر مُقدّس اَمور کے ساتھ واسطہ ہے۔ قریباً ۶۰۰–۵۹۲ ق۔م۔
باب ۱۰
لحی پیش گوئی کرتا ہے کہ یہُودیوں کو کسدی اسِیر کر کے لے جائیں گے—وہ یہُودیوں میں مَمسُوح، نجات دہندہ اور مُخلصی دینے والے، کی آمد کا ذِکر کرتا ہے—لحی اُس کی آمد کی بابت بھی بتاتا ہے جو خُدا کے برّہ کو بپتِسما دے گا—لحی مَمسُوح کی موت اور جی اُٹھنے کا بتاتا ہے—وہ اِسرائیل کی پراگندگی اور اجتماع کا زیتون کے درخت سے موازنہ کرتا ہے—نِیفی اِبنِ خُدا کی بابت، رُوحُ القُدس کی نعمت کی بابت، اور راست بازی کی ضرُورت کی بابت فرماتا ہے۔ قریباً ۶۰۰–۵۹۲ ق۔م۔
باب ۱۱
نِیفی خُداوند کے رُوح کو دیکھتا ہے اور رویا میں اُسے زِندگی کا درخت دِکھایا جاتا ہے—وہ خُدا کے بیٹے کی ماں کو دیکھتا ہے اور خُدا کی نظرِ کرم کے بارے میں سیکھتا ہے—وہ خُدا کے برّہ کا بپتِسما، خِدمت گُزاری اور مصلُوبیت کو دیکھتا ہے—وہ برّہ کے بارہ رُسولوں کی بُلاہٹ اور اُن کی خِدمت گُزاری بھی دیکھتا ہے۔ قریباً ۶۰۰–۵۹۲ ق۔م۔
باب ۱۲
نِیفی رویا میں موعودہ سر زمِین دیکھتا ہے؛ اُس کے باشندوں کی راست بازی، خطا کاری اور اُن کا زوال؛ اُن کے درمیان میں خُدا کے برّے کی آمد؛ کیسے بارہ شاگِرد اور بارہ رسُول اِسرائیل کا اِنصاف کریں گے؛ اور اُن کی گھناؤنی اور نجس حالت جو بے اعتقادی میں بھٹکتے ہیں۔ قریباً ۶۰۰–۵۹۲ ق۔م۔
باب ۱۳
نِیفی رویا میں اِبلِیس کی کلِیسیا کا غیر قوموں میں قیام، امریکہ کی دریافت اور آبادکاری، بائِبل کے بُہت سے واضح و صریح اور بیش قیمت حصّوں کا کھو جانا، اِس کے نتیجے میں غیر قوموں کی حالتِ برگشتگی، اِنجیل کی بحالی، آخری ایّام کے صحائف کا ظہور اور صِیُّون کی تعمیر دیکھتا ہے۔ قریباً ۶۰۰–۵۹۲ ق۔م۔
باب ۱۴
فرِشتہ نِیفی کو غیر قوموں پر نازل ہونے والی نعمتوں اور لعنتوں کے بارے میں بتاتا ہے—صِرف دو کلِیسیائیں ہیں: خُدا کے برّہ کی کلِیسیا اور اِبلِیس کی کلِیسیا—بڑی اور مکروُہ کلِیسیا تمام قوموں میں خُدا کے مُقدّسین کو ستاتی ہے—یوحنا رُسول دُنیا کے انجام کے متعلق لِکھے گا۔ قریباً ۶۰۰–۵۹۲ ق۔م۔
باب ۱۵
لحی کی نسل کو آخری ایّام میں غیر قوموں کے وسِیلے سے خُوش خبری پانا ہے—اِسرائیل کا اِکٹھا ہونا زیتون کے درخت سے مُشابہ ہے جِس کی قُدرتی شاخیں دوبارہ پیوند کی جائیں گی—نِیفی زِندگی کے درخت کی رویّا کی تعبیر بتاتا ہے اور راست بازوں کو شریروں سے الگ کرنے کے لِیے خُدا کے اِنصاف کا ذِکر کرتا ہے۔ قریباً ۶۰۰–۵۹۲ ق۔م۔
باب ۱۶
بدکار کو سچّائی کڑوی لگتی ہے—لحی کے بیٹے اِسماعیل کی بیٹیوں سے بیاہ کرتے ہیں—لیحونا بیابان میں اُن کی راہ نمائی کرتا ہے—وقتاً فوقتاً لیحونا پر خُداوند کی طرف سے پیغام لِکھے جاتے ہیں—اِسماعیل رحلت کر جاتا ہے؛ مصیبتوں کی وجہ سے اُس کا خاندان بُڑبڑاتا ہے۔ قریباً ۶۰۰–۵۹۲ ق۔م۔
باب ۱۷
نِیفی کو کشتی بنانے کا حُکم ملتا ہے—اُس کے بھائی اُس کی مُخالِفت کرتے ہیں—وہ اِسرائیل کے خُدا کےساتھ معاملات کی تاریخ کو دُھراتے ہُوئے اُنھیں راست باز بننے کی نصیحت کرتا ہے—نِیفی خُدا کی قُدرت سے مَعمُور ہوتا ہے—اُس کے بھائیوں کو اُسے چُھونے تک سے منع کر دِیا جاتا ہے مُبادا وہ خُشک سرکنڈے کی مانِند مُرجھا جائیں۔ قریباً ۵۹۲–۵۹۱ ق۔م۔
باب ۱۸
کشتی مُکَمَّل ہوتی ہے—یعقُوب اور یُوسُف کی پَیدایش کا ذِکر کِیا گیا ہے—گروہ موعودہ سر زمِین کی طرف سفر کرتا ہے—اِسماعیل کے بیٹے اور اُن کی بیویاں عیش و عشرت میں پڑتے ہیں اور بغاوت کرتے ہیں—نِیفی کو باندھ دِیا جاتا ہے اور ہولناک طوفان کشتی کو پِیچھے دھکیل دیتا ہے—نِیفی کو آزاد کِیا جاتا ہے اور اُس کی دُعاؤں کی بدولت طوفان تھم جاتا ہے—لوگ موعودہ سر زمِین میں پُہنچتے ہیں۔ قریباً ۵۹۱–۵۸۹ ق۔م۔
باب ۱۹
نِیفی دھات کے اَوراق بناتا ہے اور اپنے لوگوں کی تاریخ لِکھتا ہے—لحی کے یرُوشلِیم چھوڑنے کے چھے سو برس بعد اِسرائیل کا خُدا آئے گا—نِیفی اُس کے دُکھوں اور مصلُوبیت کی بابت بتاتا ہے—یہُودیوں سے نفرت کی جائے گی اور آخری ایام تک پراگندہ کِیے جائیں گے، کب وہ خُداوند کی طرف رُجوع لائیں گے۔ قریباً ۵۸۸–۵۷۰ ق۔م۔
باب ۲۰
خُداوند اِسرائیل پر اپنے اِرادے ظاہر کرتا ہے—اِسرائیل مُصیبتوں کی بھٹی سے چُنے جاتے ہیں اور اُنھیں بابل سے نِکال لِیا جاتا ہے—موازنہ کریں یسعیاہ ۴۸۔ قریباً ۵۸۸–۵۷۰ ق۔م۔
باب ۲۱
مَمسُوح غیر قوموں کے لِیے نُور ہو گا اور قیدیوں کو رہا کرے گا—آخری ایّام میں قُدرت سے اِسرائیل اِکٹھا کِیا جائے گا—بادِشاہ اُن کے مربّی ہوں گے—موازنہ کریں یسعیاہ ۴۹۔ قریباً ۵۸۸–۵۷۰ ق۔م۔
باب ۲۲
اِسرائیل تمام رُویِ زمِین پر پراگندہ ہو گا—آخری ایّام میں غیر قومیں اِسرائیل کی اِنجیل کی تعلیم سے پرورش کریں گی—اِسرائیل جمع ہو گا اور نجات پائے گا، اور بد کار بھُوسے کی مانِند جلیں گے—اِبلِیس کی بادِشاہی تباہ و برباد ہو گی اور شیطان باندھ دِیا جائے گا۔ قریباً ۵۸۸–۵۷۰ ق۔م۔