1 Nifai 8
    Footnotes
    Theme

    Wase 8

    Sa raica ko Liai e dua na raivotu ni vunikau ni bula—Sa kania ko koya na vuana ka sa gadreva me ratou kania vakatalega kina na nona vuvale—Sa raica ko koya e dua na itautauri kaukamea, e dua na sala qiqo ka rabailailai, kei na kabu ni butobuto sa solegi ira tu na tamata—Eratou sa kania na vuanikau ko Seraia, Nifai kei Semi, ia, erau sa besetaka ko Leimani kei Lemueli. Rauta na 600–592 B.K.

    1 Ka sa yaco ni keimami a sa kumuna vata na sore ni kau kecega ena kena veimataqali, na sore ni sila ena kedra veimataqali, kei na sore ni kau vuata kecega ena kedra veimataqali.

    2 Ka sa yaco ni a vosa vei keitou ko tamaqu, ni se tiko voli ga mai na lekutu, ka kaya: Raica, au a atadra e dua na tadra; se, ena dua tale na kena icavucavuti, au sa raica e dua na braivotu.

    3 Ka raica, ena vuku ni veika au a raica, sa dodonu me’u marau kina vua na Turaga ena vukui aNifai kei Semi talega; ni’u sa kila ni rau na vakabulai koi rau, kei na vuqa talega na nodrau kawa.

    4 Ia raica, aLeimani kei Lemueli, au sa ririko vakalevu ena vukumudrau; ia raica, au nanuma ni’u a raica ena noqu tadra, e dua na lekutu liwalala ka butobuto.

    5 Ka sa yaco ni’u a raica e dua na tamata, ka a vakaisulu tu ena aisulu vulavula balavu; a sa lako mai ka mai tucake tu e mataqu.

    6 Ka sa yaco ni a vosa mai vei au, ka sureti au me’u muri koya.

    7 Ka sa yaco ni’u sa muri koya tiko, au sa raici au ni’u sa tu ena dua na vanua liwalala ka butobuto.

    8 Ni sa oti e vica na auwa ena noqu lako tiko ena butobuto, au sa tekivu masu vua na Turaga me tu vei au na nona aloloma cecere, me vaka na levu ni nona yalololoma.

    9 Ka sa yaco ni sa oti na noqu masu vua na Turaga, au sa raica e dua na awere levu ka vakaitamera.

    10 Ka sa yaco ni’u a raica kina e dua na avunikau, ka sa talei sara na bvuana me marau kina na tamata.

    11 Ka sa yaco ni’u a lako yani ka kania na avuana; ka’u a raica ni sa kamikamica sara, ka uasivi cake mai na vuanikau kecega au sa tovolea oti. Io, ka’u a raica talega ni sa vulavula na vuana, ka sa uasivia na veika bvulavula kecega au sa raica oti.

    12 Ia ni’u sa kania tiko na vuanikau koya, sa vakasinaita na yaloqu ena amarau levu sara; o koya, au sa bgadreva kina me ratou kania talega na noqu vuvale; ni’u kila ni sa cgadrevi vakalevu cake sara vei ira na vuanikau kecega.

    13 Ia ni’u sa veiraiyaki vakavolivoliti au, de na rawa me’u bau raici iratou talega na noqu vuvale, au a raica e dua na auciwai; ka drodro voli yani, volekata na vunikau ka’u a kania tiko na vuana.

    14 Ka’u a veiraiyaki me’u raica na vanua e vure mai kina; ka’u qai raica na ulu-ni-wai koya ni koto tani yani vakalailai; ia mai na ulu-ni-wai koya au a raici Seraia kina, na tinamudrau, kei Semi, kei Nifai; ka ratou duri tu ka vaka me ratou sega ni kila na vanua me ratou lako kina.

    15 Ka sa yaco ni’u sa yalovi iratou; ka’u a kaya talega yani vei iratou ena domo levu me ratou lako mai vei au, ka mai kania na vuanikau, ka sa gadrevi vakalevu duadua vei ira na vuanikau kecega.

    16 Ka sa yaco ni ratou sa lako mai vei au ka ratou kania talega na vuanikau.

    17 Ka sa yaco ni’u sa gadreva talega me rau lako mai ko Leimani kei Lemueli ka kania talega na vuanikau; o koya, au sa rai yani kina ki na ulu-ni-wai, de’u na bau raici rau.

    18 Ka sa yaco ni’u a raici rau, ia erau a asega ga ni via lako mai vei au me rau mai kania na vuanikau.

    19 Ka’u a raica e dua na aitautauri kaukamea, ka a dodo muria na bati ni uciwai, ka basika mai ki na vunikau ka’u tu yani kina.

    20 Ka’u a qai raica talega e dua na asala qiqo ka rabailailai, ka dodo ravita koto na itautauri kaukamea, ka yaco mai ki na vunikau ka’u tu yani kina; ka sa basika sivita na ulu-ni-ivurevure ni wai, ki na dua na bwere levu ka vakaitamera, ka vaka me a dua tu na vuravura.

    21 Ka’u a raica na ivavakoso tamata e sega ni wiliki rawa, ka vuqa vei ira e ra sa sasaga tiko me ra yacova na asala ka basika mai ki na vunikau, ka’u a tu yani kina.

    22 Ka sa yaco ni ra sa lako mai, ka tekivu me ra muria na sala ka basika ki na vunikau.

    23 Ka sa yaco ni sa qai tubu cake e dua na akabu ni butobuto; io, sa kabu ni butobuto levu dina sara, ka vakavuna me ra butusevata kina na nodra sala o ira era sa tekivu muria mai na sala, ka’ra sa lako sese ka yali yani.

    24 Ka sa yaco ni’u a raica ni ra sa sasaga tiko ga mai ki liu e so tale, e ra sa lako mai ka taura na mua ni itautauri kaukamea; ka’ra sa sasaga tiko ga yani ki liu ena kabu ni butobuto, ka kubeta matua tiko ga na itautauri kaukamea me yacova sara ni ra sa lako rawa mai ka mai kania na avua ni kau.

    25 Ia ni ra sa kania oti na vua ni kau era sa veiraiyaki vakavolivoliti ira ka vaka era sa amadua.

    26 Ka’u sa veiraiyaki vakavolivoliti au talega, ka raica, ena tai kadua ni uciwai, e dua na avale levu ka vakaitamera; ka viritu me vaka ena maliwa lala, ka rewa-i-cake sara mai na vuravura.

    27 Ka sa sinai tu kina na tamata, na qase kei na gone, na tagane kei na yalewa; ka sa totoka vakaidina na nodra isulusulu; ka avaka mera vakalialiai ira ka dusi ira tiko era sa lako mai ka kania tiko na vuanikau.

    28 Ia ni ra sa atovolea oti na vuanikau era sa bmadua, baleti ira, e ra a vakalialiai ira tiko mai; era sa clutu tani ki na vei sala vakatabui ka’ra yali yani.

    29 Ia oqo, koi au, ko Nifai, au sa sega ni vosataka akece sara, na vosa i tamaqu.

    30 Ia, me’u vakalekalekataka ga, raica, sa raica talega ko koya e lewe vuqa tale ni ra sa sasaga tiko ga mai; era sa lako yani ka taura na mua ni aitautauri kaukamea; ka’ra sa sasaga tiko ga mera toso ki liu, ka taura matua tiko ga na itautauri kaukamea, me yacova ni ra sa yaco yani ka cuva sobu ka kania na vuanikau.

    31 Ka sa raica talega e alewe vuqa ni ra sa vakayayamo tiko yani ena nodra sala ki na vale levu ka vakaitamera ko ya.

    32 Ka sa yaco ni sa lewe vuqa era sa luvu ena aivurevure ni wai titobu; ka vuqa tale sa sega ni raici ira rawa ko koya, ni ra sa lako sese ena sala tani.

    33 Ka sa levu vakaidina na kedra iwiliwili era sa curu ki na vale matalia koya. Ia ni ra sa curu ki na vale ko ya, era sa qai dusi au mai ena idusidusi ni aveivakalialiai, kei ira talega era sa kania tiko na vuanikau; ia keimami a sega ga ni kauwaitaki ira.

    34 Oqo na vosa i tamaqu: Ia ko ira kecega sa avakarorogo vei ira, era sa lutu tani.

    35 Ka rau a sega ni kania na vuanikau ko aLeimani kei Lemueli, sa kaya ko tamaqu.

    36 Ka sa yaco ni sa vosataka oti ko tamaqu na vosa kece ni nona tadra se raivotu, ka sa vuqa sara, sa qai kaya vei keitou, ia ena vuku ni veika oqo ka a raica ena raivotu, sa ririko kina vakalevu ena vukudrau ko Leimani kei Lemueli; io, sa rerevaka ko koya de rau na muduki tani mai na iserau ni Turaga.

    37 Ka sa vakamasuti rau vagumatua ena veikauwaitaki taucoko avakaitubutubu dau loloma, de rau muria na nona vosa, de na qai lomani rau kina na Turaga, ka sega ni muduki rau tani; io, a sa vunau vei rau ko tamaqu.

    38 Ia, ni sa vunau oti vei rau ka parofisaitaka talega vei rau e vuqa na ka, sa qai kerei rau me rau muria sara na ivakaro ni Turaga; a sa qai tinia na nona vosa vei rau.

    True