1 Nifai 9
    Footnotes

    Wase 9

    A sa cakava e rua na iwasewase ni ivolatukutuku ko Nifai—Erau sa vakatokai me peleti i Nifai—Sa tu ena peleti lelevu na itukutuku ni veika vakavuravura; ka qarava vakatabakidua ga na veika tabu na peleti lalai. Rauta na 600–592 B.K.

    1 Ia na ka kece oqo sa raica, ka rogoca, ka vosataka ko tamaqu, ni a vakaitikotiko voli ena dua na vale laca, ena abuca ko Lemueli, kei na vuqa tale na ka lelevu e so, sa sega ni rawa ni volai ena peleti oqo.

    2 Ia oqo, ni’u a sa vosa oti me baleta na peleti oqo, raica e sega ni peleti oqo au na vola kina na itukutuku taucoko ni veika a sa yaco vei ira na noqu tamata; ia na apeleti au na vola kina na itukutuku taucoko baleti ira na noqu tamata, au sa vakatoka ena yaca Nifai; o koya, ka sa yacana kina na peleti i Nifai, ka vakatokai ki na yacaqu; ia, sa vakatokai talega na peleti oqo, me peleti i Nifai.

    3 Ia, au sa vakaroti mai vua na Turaga me’u bulia na peleti oqo, ka kena ainaki bibi me ceuti kina na itukutuku ni nodra bveiqaravi vakalotu na noqu tamata.

    4 Me ceuti ena peleti ka dua na itukutuku ni nodra gauna ni lewa na tui, kei na nodra ivalu kei na nodra veileti na noqu tamata; ia na peleti oqo sa qarava vakatabakidua ga na nodra veiqaravi vakalotu; ia, na apeleti kadua sa baleta vakalevu cake na nodra gauna ni lewa na tui kei na nodra ivalu kei na nodra veileti na noqu tamata.

    5 O koya, sa vakaroti au kina na Turaga me’u bulia na peleti oqo ena nona ainaki vuku, ia na inaki oqori au sa sega ni kila.

    6 Ia na Turaga sa akila na ka kecega mai na ivakatekivu; o koya, sa vakarautaka kina na sala me rawata kina na nona cakacaka ena kedra maliwa na luve ni tamata; ka raica, sa tu vua na bkaukauwa kecega me vakayacora kina na nona vosa kece. Ka sa vakakina. Emeni.