1 Nifai 22
    Footnotes

    Wase 22

    Ena veiseyaki ko Isireli e delai vuravura taucoko—Era na susugi ka karoni Isireli ena kosipeli ko Ira Na Kai Matanitu tani ena veisiga mai muri—Ena vakasoqoni ka vakabulai ko Isireli, ka ra na vakamai me vaka na vu ni co ko ira na ivalavala ca—Ena vakarusai na nona matanitu na tevoro, ka na vesu ko Setani. Rauta na 588–570 B.K.

    1 Ia oqo sa yaco ni’u sa wilika oti koi au, ko Nifai, na veika ka a ceuti tu ena apeleti parasa, eratou sa lako mai vei au na tuakaqu ka kaya vei au: A cava na ibalebale ni veika oqo ko a wilika? Raica, era sa vakaibalebaletaki li ki na veika vakayalo, ka ra na yaco ena vuku ni yalo, ka sega ena vuku ni veika vakayago?

    2 Ia koi au, ko Nifai, au sa kaya vei iratou: Raica era sa avakaraitaki vua na parofita mai na domo ni bYalo; ia na Yalo sa dau vakaraitaka na veika kece oqo vei ira na cparofita, ka ra na yaco vei ira na luve ni tamata me vaka na veika vakayago.

    3 O koya, na veika au a wilika sa baleta tiko na veika avakayago kei na veika vakayalo; ia e kena irairai, ni ena dua na gauna ga oqo, se ena dua na gauna mai muri, ni ra na veiseyaki na mataqali i Isireli e delai bvuravura taucoko, ena kedra maliwa na veimatanitu.

    4 Ia raica, era lewe vuqa era sa guilecavi mai vei ira ka tiko mai Jerusalemi. Io, na iwase levu cake mai na aveiyavusa kece era sa bkau tani; ka ra sa veiseyaki vaka ka vaka ki na cveiyanuyanu ni wasawasa; ka sega vei keda e kila era sa tu e vei, ia, eda kila ga ni ra sa kau tani.

    5 Ia ni ra sa vakau tani tu, sa parofisaitaki tu mai na veika oqo me baleti ira, ka baleti ira talega era na veiseyaki ka vakasesei ena dua na gauna e muri, ena vukuna na Yalo Savasava ni Isireli; ia, era na vakaukauwataka na lomadra vua; o koya era na veiseyaki yani kina ena kedra maliwa na veimatanitu ka acati mai vei ira na tamata kecega.

    6 Ia ni ra na asusugi ira oti ko ira na kai bMatanitu Tani, ka na laveta cake na ligana na Turaga vei ira na kai Matanitu Tani ka vakaduria na nona drotini, ia era na keveti ira na cluvedra tagane e ligadra, kei na luvedra yalewa era na kauta mai ena tabadra, raica na veika kece sa tukuni oqo era ka ni bula oqo; ni sa vakaoqo na nona veiyalayalati na Turaga vei ira na noda qase; ia sa baleti keda ena gauna mai muri, kei ira kece talega na wekada na mataqali i Isireli.

    7 Ka sa kena ibalebale ni na yaco mai na gauna ni sa oti na nodra veiseyaki ka vakasesei na mataqali i Isireli, na Turaga na Kalou ena vakaduria e dua na matanitu qaqa ena kedra maliwa na kai aMatanitu Tani, io, ena dela mada ga ni vanua oqo; ka ra na qai bveiseyaki kina na noda kawa mai vei ira.

    8 Ka ni sa oti na nodra veiseyaki na noda kawa, ena qai vakayacora na Turaga na Kalou e dua na acakacaka talei ena kedra maliwa na kai bMatanitu tani, ka na cyaga vakalevu sara vei ira na noda kawa; o koya, sa vakatautauvatataki kina na nodra sa susugi mai vei ira na kai Matanitu tani, kei na nodra sa keveti e ligadra ka colati mai tabadra.

    9 Ka na ayaga talega vei ira na kai Matanitu tani; ka sega wale ga vei ira na kai Matanitu tani ia bvei ira kecega na cmataqali i Isireli, me vakatakilai kina na dveiyalayalati nei Tamada mai lomalagi vei Eparaama, ka kaya: Ena vuku ni nomu ekawa era na fvakalougatataki kina na veimataqali kecega e vuravura.

    10 Ia au gadreva, oi kemudou na tuakaqu, mo dou kila ni na sega ni rawa me ra na vakalougatataki na veimataqali kecega e vuravura vakavo ke na qai avakaraitaka ko koya na ligana ena matadra na veimatanitu.

    11 O koya, ena qai vakaraitaka kina na ligana na Turaga na Kalou ena matadra na veimatanitu kecega, me na kau yani na nona veiyalayalati kei na nona kosipeli vei ira kece na mataqali i Isireli.

    12 O koya, ena kauti ira tani kina ko Koya mai na nodra tiko vakavesu, ka ra na avakasoqoni vata ki na nodra dui vanua sa nodra ivotavota vakawa; ia era na kau tani mai na tawa kilai kei na bbutobuto, ka ra na qai kila ni sa nodra ciVakabula na nodra dTuraga ka nodra Dauveivueti, o eKoya na Qaqa ni Isireli.

    13 Ia na dra ni alotu vakaitamera ka vakasisila ko ya, o koya na dautagane ni vuravura taucoko, ena tau ga ki na uludra; ni ra na bveivaluvaluti ga vakaira, ka na lutuka ga na uludra na iseleiwau mai cligadra, ka ra na mateni ga ena nodra dra.

    14 Ia, na aveimatanitu kecega ena valuti iko, O iko na mataqali i Isireli, era na vuki ka veivorati vakataki ira, ka ra na blutu ki na ikeli era a kelia me ra tacori kina na nona tamata na Turaga. Ia ko ira kece sa cveivala kei Saioni era na vakarusai, ia na dautagane ko ya, ka a vakatanitaka na sala dodonu ni Turaga, io, ko koya na lotu vakaitamera ka vakasisila ko ya, ena bale sobu ki na dkuvu ni soso, ia sa na ka levu sara na kena bale.

    15 Ia raica, sa kaya na parofita, ena yaco kusarawa mai na gauna ena sega kina na kaukauwa i Setani me rawa na yalodra na luve ni tamata; ia sa voleka me yaco mai na siga, me ra na vaka kina na avu ni co madu ko ira sa viavialevu kei ira sa daucaka ca; ka na yaco mai na siga mera na bvakamai.

    16 Sa voleka me yaco mai na gauna ena sovaraka kina na taucoko ni nona acudru na Kalou vei ira na luve ni tamata; ni na sega ni laivi ira na tamata ca me ra vakarusai ira na tamata ivalavala dodonu.

    17 O koya gona, ena amaroroi ira na bivalavala dodonu ena nona kaukauwa, io ke yaco me sa tau na nona cudru taucoko, me ra na maroroi ga na ivalavala dodonu, io ke ra na vakarusai kina na kedra meca ena bukawaqa. O koya, me ra kakua kina ni rere na ivalavala dodonu; ni sa kaya vakaoqo na parofita, era na vakabulai, ke kena sala mada ga na bukawaqa.

    18 Raica, au sa kaya vei kemudou, na tuakaqu, ni sa voleka ni yaco na veika oqo; io, na dra, kei na bukawaqa, kei na cawa ni kubou ena yaco dina mai; ka dodonu me tiko ena delai vuravura oqo, ka na yaco vei ira na tamata me vaka na veika vakayago kevaka era na vakaukauwataka na lomadra vua na Yalo Savasava ni Isireli.

    19 Ia raica, era na sega ni rusa na tamata ivalavala dodonu; ia ena yaco vakaidina na gauna era na muduki tani kina ko ira kece era sa valuti Saioni.

    20 Ia ena vakarautaka vakaidina na Turaga na sala vei ira na nona tamata, me vakayacori kina na vosa ka cavuta o Mosese, ka kaya: E dua na aparofita ena vakatubura vei kemudou na Turaga na nomudou Kalou me vakataki au; o koya oqori mo dou na rogoca na veika kece sara ena tukuna vei kemudou. Ka sa na yaco ni ko ira era na sega ni rogoca na parofita ko ya era na bmuduki tani mai vei ira na tamata.

    21 Ia oqo, koi au, ko Nifai, au sa tukuna vei kemudou, na aparofita ka vosa kina oqo ko Mosese, sai koya na Yalo Savasava ni Isireli; ia, ena dau btauca ko Koya na lewa dodonu.

    22 Ka me ra kakua ni rere ko ira na ivalavala dodonu, ni ra na sega ni vakataqayataki. Ia na matanitu ga ni tevoro, ka na tarai cake ena kedra maliwa na luve ni tamata, na matanitu ka sa tauyavutaki ena kedra maliwa era sa vakayago—

    23 Ena yaco kusarawa mai na gauna, ni, na alotu kecega sa tara cake me rawa iyau, kei ira sa tara cake me ra lewai ira na tamata, kei ira sa tara cake me bdokai ira ko vuravura, kei ira sa vakasaqara na gagadre ni yago kei na veika ni vuravura, ka me kitaka na veimataqali caka cala kecega; io, me vakalekalekataki ga, o ira kece sa lewena na matanitu ni tevoro sai ira sa dodonu me ra rere ka sautaninini, ka csakure kina, sai ira sa dodonu me ra vakabalei sobu ki na kuvu ni soso; sai ira e ra na dvakamai me vaka na vu ni co; me vaka na nona vosa na parofita.

    24 Ia ena yaco kusarawa mai na gauna me ra na tuberi cake kina na ivalavala dodonu me vaka na aluve ni bulumakau mai na lomanibai, ia ko Koya na Yalo Savasava ni Isireli sa na nona na lewa, kei na qaqa, kei na kaukauwa, kei na lagilagi cecere.

    25 Ka sa avakasoqoni ira vata na luvena mai na yasai vuravura e va; ka sa wiliki ira na nona sipi, ka ra sa kilai Koya; ka sa na qai duabau ga na lomanibai ka duabau ga na kena bivakatawa; ka na vakani ira na nona sipi, ka ra na kunea mai vei koya na cveico.

    26 Ia ena vuku ni nodra ivalavala dodonu na nona tamata, sa sega kina na kaukauwa i aSetani; o koya, ena sega kina ni sereki me bvuqa na yabaki; ni sa sega vua na kaukauwa me rawa na lomadra na tamata, ni ra sa ivalavala dodonu, ka sa cveiliutaki na Yalo Savasava ni Isireli.

    27 Ia raica oqo, koi au, ko Nifai, au sa kaya vei kemudou ni na yaco na veika kece oqo me vaka na veika vakayago.

    28 Ia, raica, era na bula galala vata kei Koya na Yalo Savasava ni Isireli ko ira na veimatanitu, veimataqali, duivosavosa kei ira na tamata, kevaka era na aveivutuni.

    29 Ia oqo koi au, ko Nifai, au sa tinia; niu sega ni doudou ena gauna oqo meu vosa tale me baleta na veika oqo.

    30 O koya oqo, oi kemudou, na tuakaqu, au gadreva mo dou kila ni dina na itukutuku sa volai tu ena apeleti parasa; ka ra vakadinadinataka ni dodonu me talairawarawa na tamata ki na ivakaro ni Kalou.

    31 O koya, mo dou kakua ni nanuma kina ni sai keirau ga kei tamaqu keirau sa vakadinadinataka na veika oqo, ka vakavuvulitaka talega. O koya, kevaka dou na talairawarawa ki na aivakaro, ka vosota me yacova na ivakataotioti, dou na vakabulai kina ena siga mai muri. Ia, sa vakakina. Emeni.