1 Nifai 6
    Footnotes

    Wase 6

    Sa vola ko Nifai na veika ni Kalou—Sa inaki i Nifai me vakamasuti ira na tamata me ra lako mai vua na Kalou i Eparaama me ra bula kina. Rauta na 600–592 B.K.

    1 Ia oqo, koi au, ko Nifai, au na sega ni solia na itukutuku ni kawa i tamaqu ena iwase ni anoqu itukutuku oqo; ka’u na sega vakadua ni vola ena bpeleti au volavola tiko kina oqo; ka ni sa tu ena itukutuku ka a maroroya tu mai ko ctamaqu; o koya, au sa sega ni vola kina ena ivola oqo.

    2 Ni sa rauta ga me’u tukuna ni keimami sa kawa i aJosefa.

    3 Ka sa sega kina ni dua na ka vei au me’u solia taucoko na itukutuku kece ni veika e baleti tamaqu, ni ra sa sega ni rawa ni na volai ena apeleti oqo, ni’u sa gadreva me galala e dua na tikina me’u vola kina na veika ni Kalou.

    4 Ni sa inaki taucoko ni lomaqu me’u avakamasuti ira na tamata me ra blako mai vua na Kalou i Eparaama, kei na Kalou i Aisake, kei na Kalou i Jekope, me ra vakabulai.

    5 O koya, au sa sega kina ni vola na veika me alomavinaka kina ko vuravura, ia na veika ga me lomavinaka kina na Kalou kei ira era sa sega ni vakavuravura.

    6 O koya, au na solia kina na ivakaro vei ira na noqu kawa, me ra kakua ni vakalewena na vei peleti oqo ena veika sa sega na kena yaga vei ira na luve ni tamata.