2. Tzuul Sinai (Horeb) ut li yamyookil ch’och’ re Sinai
Wankeb’ k’iila na’ajej b’ar wi’ maare kiwan li Tzuul Sinai. Jun reheb’ li na’ajej jwal seraq’inb’il, a’an Jebel Musa (Xtzuul laj Moises), li wan sa’ li jalam-uuch a’in.
K’a’ru kik’ulman: Li Dios kixk’ut rib’ chiru laj Moises ut kixk’e li Lajeeb’ chi Taqlahom re (Exo. 19–20). Laj Moises, laj Aaron, wiib’eb’ li ralal laj Aaron, ut 70 li xb’eenil ke’ril ut ke’aatinak rik’in li Dios (Exo. 24:9–12). Li Dios kixk’e xna’leb’ laj Moises re taayiib’amanq li loq’laj muheb’aal (Exo. 25–28; 30–31). Eb’ laj Israelita ke’xloq’oni jun li wakax oor li ke’xq’unb’esi chaq xch’ool laj Aaron chixyiib’ankil (Exo. 32:1–8). Laj Elias ki’eelelik toj sa’ li ch’och’ a’in chalen chaq li ru taq’a Jisrehel, b’ar wi’ kiwan li xJesabel, rixaqil li rey (1 Rey. 19:1–18). Arin ki’aatinak ajwi’ laj Elias rik’in li Dios (1 Rey. 19:8–19). (Chi’ilmanq K’UTUL RAQAL: Sinai, Tzuul.)