16. Silo

Jalam-uuch

jalam-uuch 16

Sa’ li jalam-uuch a’in li yoo chi ilok sa’ rokeb’aal saq’e, na’ilman xpo’lem li najter tenamit Silo ka’ch’in sa’ xtz’e lix yi.

K’a’ru kik’ulman: Eb’ lix teepal laj Israel ke’ch’utla ut ke’xk’ul lix jachaleb’ chi ch’och’ (Jos. 18–22). Li loq’laj muheb’aal ut li kaax re li sumwank ke’k’ojob’aman arin ut ke’kana chiru k’iila cient chihab’ (Jos. 18:1). Aran li xAna kitijok ut kixq’axtesi laj Samuel li ralal re taak’anjelaq chiru li Qaawa’ (1 Sam. 1). Eb’ laj Israelita ke’xk’am li kaax chalen chaq Silo ut ke’q’axe’ ru xb’aaneb’ laj Filisteo, li ke’chapok ajwi’ re li loq’laj kaax (1 Sam. 4:1–11).