“Stamba Tingting blong Tij Folem Wei blong Sevya,” Tij Folem Wei blong Sevya: Blong Olgeta Evriwan we Oli Tij long Hom mo Insaed long Jos (2022)
“Stamba Tingting blong Tij Folem Wei blong Sevya,” Tij Folem Wei blong Sevya
Stamba Tingting blong Tij Folem Wei blong Sevya
Ol prinsipol we oli tokbaot long buk ia bae oli save helpem evri gospel tija blong oli tij folem wei blong Sevya. Hemia i tekem tu ol mama mo papa, ol givhan brata mo sista, ol misinari, ol seminari mo institiut tija, mo eniwan we Jos koling blong olgeta i givim wan janis long olgeta blong tij.
Yu save stadi long buk ia yuwan, o yusum olsem wan gaed blong storian wetem ol narawan abaot olsem wanem blong kam wan gudfala tija. Eksampol: buk ia oli save yusum long haos naet, ol presidensi miting, ol wod o stek kaonsel miting, ol seminari mo institiut in-seves miting, mo ol kaonsel miting blong ol tija (luk long “Blong Ol Lida—Helpem Ol Tija Oli Kam Antap”).
Olsem Wanem Buk Ia I Oganaes
Pat 1 i talemaot olsem wanem we, blong lukluk long Jisas Kraes i impoten taem yumi stap tijim ol prinsipol blong gospel blong Hem. Seksen ia i tokbaot wanem yumi tijim.
Pat 2 i tokbaot ol prinsipol blong tijing olsem hemia blong Kraes Seksen ia i tokbaot olsem wanem nao yumi tij.
Pat 3 i givim ol tingting blong helpem ol tija blong oli yusum ol prinsipol blong tijing olsem hemia blong Kraes.
Bigfala Lukluk blong Stap Tij Olsem Kraes
Ol jat ia oli soem wan bigfala lukluk blong ol prinsipol we oli tijim long buk ia.