Өсвөр үеийнхний хичээл: Цахим хэрэгслийг хариуцлагатай ашиглах

I. Оршил

Залуучууд бид цахим хэрэгсэл амьдралын маань томоохон хэсэг болсон ертөнцөд амьдарч байна. Эцэс төгсгөлгүй дээш доош гүйлгэн үзэхэд, байнга ирэх мэдэгдэл болон цахим хэрэгслийн донтуулагч чанарт автан хяналтаа алдахад амархан байж болох юм. Гэхдээ Есүс Христийн шавь нарын хувьд биднийг цахим хэрэгслийг зорилготой, эерэг зорилгоор ашиглахад уриалсан. Бид энэ хичээлээр хэрхэн цахим хэрэгслийг хариуцлагатай ашиглаж, Бурханыг алдаршуулах арга замаар хэрэглэж болох талаар мэдэж авна.

II. Цахим хэрэгслийн ашиг тус, хор нөлөө

Давуу тал

• Сүм дэлхий даяар харилцаж, сайн мэдээг түгээхийн тулд цахим хэрэгслийг ашигладаг.

• Цахим хэрэгсэл бидэнд дэлхийн хамтын мэдлэгээс хүртэх боломжийг олгодог бас халаасанд маань л багтчихдаг.

Хор нөлөө

• Цахим хэрэгслийн хор нөлөө нь биднийг цаг зав, анхаарал, боломж бололцоо, адислалуудаа дэмий үрэхэд хүргэдэг явдал юм.

• Хэрэв сэрэмжтэй байхгүй бол энэ нь биднийг хэрэггүй зүйлд анхаарлаа хандуулахад хүргэж, тэр ч бүү хэл Тэнгэрлэг Эцэг, Есүс Христ хоёртой байгуулсан гэрээнээсээ холдоход уруу татаж мэднэ.

• Филиппой 4:8

• Эцэст нь, ах дүү нар аа, юу нь үнэн, юу нь хүндэтгэлтэй, юу нь зөв, юу нь ариун, юу нь сайхан, юу нь сайшаалтайг, мөн аливаа сайн үйл байвал, магтууштай ямар нэгэн юм байгаа бол эдгээрийг тунгаацгаа.

III. Цахим хэрэгслээс үүдэн гарах бэрхшээл

Цахим хэрэгслийг ашиглахаа больж чадахгүй байгаа нь та нар өөрсдийгөө авч явах чадваргүй байна гэсэн үг үү? Аль эсвэл та нар сүнслэг байдлын хувьд сул дорой гэсэн үг үү? Мэдээж, үгүй! Цахим хэрэгслийн хэрэглээ ердийн зүйл боловч жинхэнэ асуудал нь үүнийг хянахад оршиж болох юм. Бидний анхаарлыг татахаар тэмцэлдэж буй шинжлэх ухаан, тархинд ялгарах химийн бодис, хоорондоо өрсөлдөх үйлдвэрлэгчид та нарын эсрэг зогсож байдаг бөгөөд энэ тэмцэлд бидний хүч тэнцвэргүй.

Цахим хэрэгслийн “салахын аргагүй амт”

• Цахим хэрэгсэл бол дэлхийн хамтын мэдлэгт нэвтрэх боломжийг бидэнд олгодог хэрэгсэл бөгөөд үүнийг сайн сайхны төлөө ашиглаж болдог.

• Бид цахим хэрэгсэлд хэдий чинээ их анхаарал хандуулна, цахим хэрэгсэл бүтээгчдэдээ төдий чинээ ашиг орлого олж өгч байдаг.

• Судлаач, загвар зохион бүтээгчид биднийг цахим хэрэгслийг тогтмол ашигладаг байж, үүнээсээ сэтгэл ханамж авдаг болгохын тулд хүнсний салбарын “салахын аргагүй амт”-тай адил аргачлалыг ашигладаг.

• Тэнгэрлэг Эцэг, бидний Аврагч хоёр нь цахим хэрэгслийг ашиглахад бидэнд тулгардаг асуудлыг мэддэг төдийгүй биднийг хүчирхэгжүүлэх болно.

• 2 Коринт 12:9

  Тэр надад “Миний нигүүлсэл чамд хангалттай. Учир нь мөхөсдөлд [Миний] хүч бүрэн төгс болдог” гэж айлдсан. Иймд Христийн хүч надад орших тул би ихэд баяртайгаар мөхөсдөлөөрөө илүү сайрхана.

“Салахын аргагүй амт”-д автахгүй байх

• Цахим хэрэгсэл бидний сэтгэл хөдлөлийг болон бие махбод дахь химийн бодисын ялгаралтыг удирддаг өөрийн гэсэн “салахын аргагүй амттай” гэдгийг хүлээн зөвшөөр.

• Цахим хэрэгслийн тухайд асуудалтай байх нь ердийн зүйл бөгөөд анхаарлыг маань татахын тулд тэмцэлдэж буй шинжлэх ухаан, тархинд ялгарах химийн бодис, хоорондоо өрсөлдөх үйлдвэрлэгчид бидний эсрэг зогсож байна.

• Бид өөрсдөдөө зөв асуулт тавьж, төлөвлөгөө гаргаж, шаардлагатай үед завсарлага авах байдлаар цахим хэрэгслийн хэрэглээгээ хянах боломжтой.

• Үзэж буй контентоо анхаарч, гэр орондоо цахим хэрэгсэл ашигладаггүй газруудтай болох нь цахим хэрэгслийн “салахын аргагүй амт”-д автахгүй байхад бидэнд тусална.

• Матай 26:41

• Уруу татагдахгүйн тулд сэргэг бай, залбир. Сүнс чухамдаа тэсэн ядаж байна, харин махбод дорой юм.

Цахим хэрэгслийн хэрэглээгээ хаана хязгаарлах шаардлагатайг мэдэх мөн хэтрүүлэн хэрэглэх юм уу зүй бусаар ашиглахад уруу татагдахгүй байх алхмуудыг дагаж биелүүлснээр бид цахим хэрэгсэлтэй эрүүл харилцаа үүсгэх боломжтой. Бид цахим хэрэгслийн хэрэглээгээ хянадаг, цахим хэрэгсэл биднийг хянадаггүй гэдгийг санаж яв.

IV. Цахим хэрэгслийг хариуцлагатай ашиглах

A. Зорилготой байх: Цахим хэрэгслийг суралцах, хийж бүтээхийн тулд зорилготой ашигла.

• Колоссай 3:23

• Та нар юу ч хийсэн, хүмүүсийн төлөө бус, Эзэний төлөө чин зүрхнээсээ хийгтүн.

• “Яг одоо би цахим хэрэгслийг ямар зорилгоор ашиглаж байна вэ?,” “Хийж байгаа зүйлээ би зөв гэж мэдэрч байна уу?” гэх мэт асуултыг өөртөө тавь.

Та эерэг үгтэй захиас илгээх, намуун зөөлөн дуу хөгжим сонсох, өөрийн контентыг бүтээх замаар цахим хэрэгслийг зорилготой ашиглах боломжтой. Та цахим хэрэгслийг өөр ямар арга замаар зөв зорилгуудад ашиглаж болох вэ?

Б. Төлөвлөх: Илүү зөв сонголтын төлөө урьдчилан төлөвлө.

• Сургаалт үгс 16:3

• Үйлсээ ЭЗЭНд даатга, бодол санаа чинь биелнэ.

• “Цахим хэрэгсэл ашиглах үедээ би ямар төлөвлөгөөг хэрэгжүүлэх вэ?,” “Би цагаа хэр ашигладгаа Бурханд хэрхэн харуулж байна вэ?” гэх зэрэг асуултыг өөртөө тавь.

Өдөр бүр дэлгэцэд зарцуулах цагтаа хязгаар тогтоох, зөвхөн ойр дотнын гэр бүл, найз нөхдөө дагаж, тэдэнтэй холбогддог байх, гэртээ цахим хэрэгсэл ашигладаггүй газартай болох, гэр бүлээрээ цахим хэрэгслээ цэнэглэх хэсэг бий болгох, шүүлтүүр ашиглах зэрэг замаар та нар цахим хэрэгслийг зорилготой ашиглах боломжтой. Та цахим хэрэгслийг ашиглах тал дээр илүү зөв сонголттой байхын тулд өөр ямар арга замаар урьдчилан төлөвлөж болох вэ?

В. Завсарлах: Шаардлагатай үед завсарлага ав.

• Дуулал 46:10

• Хөдөлгөөнгүй байж мөн би бол Бурхан гэдгийг мэдэгтүн.

• “Би буруу эсвэл ашиггүй гэдгийг нь мэдэж байгаа контентоос зайлсхийж байна уу?,” “Сүнс намайг орхиж байгааг би мэдэрсэн үү?” гэх зэрэг асуултыг өөртөө тавь.

Та төхөөрөмжөө доош тавих, холдон явах, хүч чадлын төлөө залбирах, хэн нэгэнтэй ярилцах замаар цахим хэрэгслийг зорилготой ашиглах боломжтой. Та цахим хэрэгслийг ашиглаж байхдаа өөр ямар ямар арга замаар өөрийгөө хамгаалж болох вэ?

V. Бүлгийн хэлэлцүүлэг:

Дараах асуултуудыг тавьж, туршлагуудаа болон цахим хэрэгслийг хариуцлагатай ашиглах талаар бүлгийнхэнтэйгээ ярилц.

1. Цахим хэрэгслийг хянахад танд тулгардаг хамгийн том бэрхшээлүүд юу вэ?

2. Цахим хэрэгслийг олон цагаар хэрэглэх үед танд ямар мэдрэмж төрдөг вэ?

3. Завсарлага авах цаг болсныг та хэрхэн мэддэг вэ?

4. Сошиал медиа таны өөрийгөө үнэлэх үнэлэмж, бусадтай харилцах харилцаанд хэрхэн нөлөөлдөг вэ?

5. Сэтгэцийн эрүүл мэнддээ эергээр нөлөөлүүлэхийн тулд та цахим хэрэгслийг ямар арга замаар ашиглаж болох вэ?

6. Та хичээл ном, цахим хэрэгслийн хэрэглээ хоёрыг хэрхэн тэнцвэртэй байлгадаг вэ? Өмнө нь ямар арга танд үр дүнтэй байсан бэ?

7. Цахим хэрэгслийн хэрэглээтэй холбоотой ямар эрсдэлүүд гарч болох вэ (цахим дээрэлхэлт, донтолт гэх мэт)? Та эдгээр эрсдэлээс өөрийгөө хэрхэн хамгаалж болох вэ?

8. Та контент үзэхийн оронд шинэ ур чадвар эзэмших, сонирхдог зүйлийнхээ талаар сурч мэдэх зэрэгт цахим хэрэгслийг хэрхэн ашиглаж болох вэ?

9. Та нар цахим хэрэгслийн хэрэглээнийхээ талаар эцэг эх, асран хамгаалагчидтайгаа хэрхэн ярилцдаг вэ? Тэд танд хил хязгаар тогтооход тань хэрхэн тусалдаг вэ?

10. Олон зүйл зэрэг үзэхээс зайлсхийх, цагийн хязгаар тогтоох зэрэг цахим хэрэгслийг хариуцлагатай ашиглах ямар ямар арга зам байдаг вэ?

11. Онлайн нийгэмлэгүүдэд оролцох, өөрийн хувьд чухал гэж үздэг үйл хэрэгт дэмжлэг тусламж үзүүлэх гэх мэт цахим хэрэгслийг бусадтай утга учиртай харилцаа үүсгэхэд ашиглах ямар арга замууд байж болох вэ?

VI. Дүгнэлт

Есүс Христийн шавь нарын хувьд биднийг цахим хэрэгслийг зорилготой, эергээр ашиглахад уриалсан. Цахим хэрэгсэл олон давуу талтай ч бидний цаг завыг үрж, анхаарлыг сарниулах хор нөлөө үзүүлэх боломжтой. Бид цахим хэрэгслийн “салахын аргагүй амт”-д автахаас сэрэмжилж мөн зөв асуулт тавих, төлөвлөгөө гаргах, үзэж буй контентоо анхаарах зэргээр цахим хэрэгслийг хариуцлагатай ашиглах хэрэгтэй. Цахим хэрэгслийн хэрэглээндээ хариуцлагатай хандсанаар бид үүнийг Бурханыг магтан дуулах, өөрсдийгөө болон бусдыг Түүнд ойртуулах арга зам болгон ашиглах боломжтой.