ផែនការ

នៅពេលដែលខ្ញុំរៀបចំផែនការជាមុន ខ្ញុំមានអារម្មណ៍ល្អប្រសើរ និងធ្វើការជ្រើសរើសកាន់តែប្រសើរឡើង ។

ខ្ញុំចូលចិត្តលេងហ្គីតា ហើយខ្ញុំពូកែលេងណាស់ ។ នៅពេលណាដែលខ្ញុំមានការសម្តែងនៅពេលខាងមុខ ខ្ញុំដឹងថា ខ្ញុំត្រូវហ្វឹកហាត់ និងរៀបចំផែនការជាមុន ។ វាដូចគ្នាជាមួយរឿងបច្ចេកវិទ្យាដែរ ៖ នៅពេលដែលខ្ញុំដាក់ផែនការជាមុន ខ្ញុំមានអារម្មណ៍ល្អប្រសើរ និងធ្វើការជ្រើសរើសកាន់តែប្រសើរឡើង ។

ខ្ញុំបានបង្កើតច្បាប់សាមញ្ញមួយចំនួន ដែលជួយខ្ញុំឲ្យប្រកាន់ខ្ជាប់នឹងផែនការរបស់ខ្ញុំ ៖

ខ្ញុំដាក់ដែនកំណត់ប្រចាំថ្ងៃសម្រាប់ខ្លួនឯងសម្រាប់រយៈពេលមើលលើអេក្រង់ ។
ខ្ញុំ « តាមដាន » និងទាក់ទងតែគ្រួសារ និងមិត្តភក្តិជិតស្និទ្ធប៉ុណ្ណោះ ។
ខ្ញុំមានតំបន់ដែលមិនអនុញ្ញាតឲ្យប្រើឧបករណ៍នៅក្នុងផ្ទះ ដូចជាបន្ទប់គេង និងបន្ទប់ទឹករបស់ខ្ញុំជាដើម ។
ខ្ញុំបានរៀបចំកន្លែងសាកថ្មជាលក្ខណៈគ្រួសារ ដូច្នេះឧបករណ៍របស់សមាជិកគ្រប់គ្នាត្រូវសាកថ្ម និងនៅឆ្ងាយពីដៃនៅពេលយប់ ។
ខ្ញុំប្រើតម្រងដើម្បីទប់ស្កាត់កម្មវិធី និងមាតិកាដែលមិនសមរម្យ ឬគ្មានសុវត្ថិភាព ។

វាមិនមានការសម្រេចចិត្តច្បាស់លាស់ថាខុស ឬត្រូវនូវរាល់ជម្រើសដែលខ្ញុំអាចធ្វើជាមួយបច្ចេកវិទ្យានោះទេ ។ ប៉ុន្តែការរៀបចំផែនការជាមុនអាចជួយបាន ។ ហើយខ្ញុំអាចនិយាយជាមួយមិត្តភក្តិ និងគ្រួសាររបស់ខ្ញុំអំពីគំនិតរបស់ពួកគេបានផងដែរ ។

ដើម្បីកម្លាំងនៃយុវជន ៖ សេចក្ដីណែនាំដើម្បីធ្វើការជ្រើសរើស