Katuyoan

Tabangi ang kabataan nga makasabot nga sila makagamit sa mga device sa maayong mga paagi.

Pag-awhag og Positibo nga Paggamit:

· Hisgoti ang mahitungod sa mga benepisyo sa paggamit sa mga device uban sa inyong kabataan.

· Ipakita sa unsang paagi nga ang mga device mosangpot ngadto sa pagkat-on, pagkamamugnaon, ug panagsuod sa mga minahal.

· Tudloi ang kabataan nga kon sila makakita og butang nga dili maayo dili kini ilang sayop.

Gamit og mga baroganan ug mga pangutana nga masabtan sa inyong anak.

“Ang atong mga device makatabang nato sa pagkat-on, pagdula, ug pagpakigsulti sa uban. Sa unsa nga paagi nga kamo gusto nga mogamit sa inyong device karon?”
“Okay ra nga mangutana mahitungod sa unsay atong makita sa atong mga screen. Kon adunay dili maayo, mag-istorya ta mahitungod niini.”
“Pipila ka butang sa inyong device tingali mopabati ninyo nga kataw-anan o nahadlok. Kon kana mahitabo, hunong, ug sultihi ko mahitungod niini. Mahimo kitang mag-istorya mahitungod niini.”

Susiha ang Pagsabot

“Unsa ang pipila ka makalingaw ug maayong butang nga atong mahimo sa atong mga device?”
“Unsay angay ninyong buhaton kon adunay butang nga inyong nakita sa online nga mopabati ninyo nga dili mahimutang o nalibog?”
“Unsaon nato sa paggamit sa atong mga device aron makat-on og bag-ong mga butang?”