Plano

Tudloi ang kabataan nga limitahan ang oras sa online ug mohimo og maayo nga mga pagpili mahitungod sa ilang oras nga nag-atubang sa screen.

Pagtakda og mga Utlanan:

Hatagi ang kabataan og yanong mga pagpili mahitungod sa ilang oras nga nag-atubang sa screen. Makapili sila og piho nga app o dula ug mohukon sa ubang mubo nga mga kalihokan nga ilang mahimo.
Moapil sa mubo nga mga kalihokan nga mosangpot sa pagpahulay. Makadula kamo og usa ka dula sulod sa napulo ka minuto o adunay lima ka minuto nga sesyon sa pagdrowing o pagbasa.
Maghimo og mga naandang buhaton nga maglakip sa oras nga nag-atubang sa screen isip kabahin sa eskedyul. Ang paghimo niini makatabang sa kabataan nga magpaabot og mga transisyon.

Gamit og mga baroganan ug mga pangutana nga masabtan sa inyong anak.

“Sa unsang paagi kita makaplano sa atong oras nga nag-atubang sa screen karon? Makapili kita og dula ug mohukom unsay buhaton kon mahuman na.”
“Kon dumalahon nato pag-ayo ang atong oras nga nag-atubang sa screen, kita adunay dugang nga panahon alang sa ubang makalingaw nga mga butang. Unsay angay natong buhaton human sa oras nga nag-atubang sa screen karon?”
“Mangita kita og laing butang nga makalingaw nga buhaton diha sa screen. Dayon makahimo kita og lain kalihokan sama sa pagdrowing o pagdula sa gawas.”

Susiha ang Pagsabot

“Unsa ang maayong gidugayon sa oras nga nag-atubang sa screen karon?”
“Unsa ang pipila ka makalingaw nga mga butang nga atong mahimo nga wala ang mga device?”
“Ngano nga importante nga adunay plano sa paggamit sa atong mga device?”