Paggamit sa Digital nga mga Device isip Pamilya

Ang mga ginikanan makatabang sa ilang mga anak sa daghang paagi sa paggamit sa mga device. Ang mga ginikanan mahimong magmabinantayon giunsa nila paggamit ang ilang kaugalingong mga device—ang inyong mga anak nagtan-aw ninyo. Ang mga ginikanan mahimong makig-istorya sa ilang mga anak kon unsaon sa paggamit sa mga device sa luwas nga paagi. Mahimo gani nga motan-aw sila sa sulod sa usa ka digital nga screen kauban sa ilang anak ug maghisgot mahitungod niini.

Pag-andam sa Kabataan sa Pagkontrol sa Paggamit sa Ilang Kaugalingong Teknolohiya

Ang mga ginikanan makatabang sa ilang gagmay nga mga anak sa pag-andam sa umaabot nga adlaw sa pagkontrol sa paggamit sa ilang kaugalingong teknolohiya. Kinahanglan nga makigsulti sila kanila mahitungod sa teknolohiya, magpakitag ehemplo unsaon sa paggamit niini, ug magtakda og maayong mga sumbanan. Ang mga ginikanan makatabang sa ilang mga anak nga mahimong independente ug mabinantayon sa teknolohiya.

Katuyoan, Plano, Mohunong og Kadali

Mas makontrolar ninyo ang paggamit sa mga device pinaagi sa pagsunod niini nga sundanan: Katuyoan, Plano, ug Mohunong og Kadali.

Katuyoan—makatabang ko sa akong mga anak sa paggamit sa mga device uban sa usa ka katuyoan.

“Ako, ang Ginoo, adunay usa ka mahinungdanon nga buluhaton alang kanimo nga imong buhaton” (Doktrina ug mga Pakigsaad 112:6).

Plano—Kon kita magplano unsaon sa paggamit sa mga device, ang atong pamilya mas adunay kontrol, ug makahimo kita og mas maayo nga mga pagpili.

“Kini nga kinabuhi mao ang panahon alang sa mga tawo sa pagpangandam sa pag-atubang sa Dios” (Alma 34:32).

Mohunong og Kadali—Tudloi ang inyong mga anak sa paghunong ug pagpahulay gikan sa mga device.

“Pagmalinawon ug hibaloi nga Ako mao ang Dios” (Doktrina ug mga Pakigsaad 101:16).