Mohunong og Kadali

Tabangi ang kabataan nga makahibalo nga sila kinahanglan nga mopahulay sa paggamit sa mga device ug mobuhat og laing mga butang.

Pagpasiugda og mga Pagpahulay:

• Paghimo og regular nga mga pagpahulay gikan sa oras nga nag-atubang sa screen aron dili sila kapoyon. Tabangi sila nga moapil sa ubang mga kalihokan.

• Tabangi ang kabataan nga makahibalo nga oras na nga mopahulay.

• Tudloi ang kabataan nga kon sila makakita og butang nga sa ilang pamati dili maayo dili kini ilang sayop.

Mga Panag-istorya bahin sa Teknolohiya (Unsaon sa Pagpakig-istorya sa Inyong Anak mahitungod sa Teknolohiya)

Gamit og mga baroganan ug mga pangutana nga masabtan sa inyong anak.

• “Kinahanglan kitang mopahulay gikan sa atong mga screen ug mobuhat og ubang mga butang nga gusto nato. Ibutang nato ang atong mga device ug magdula o magbasa og libro.”

• “Kon adunay butang sa inyong device nga mopabati ninyo nga kataw-anan o nahadlok, okay ra nga mohunong ug mosulti nako mahitungod niini. Mahimo kitang mag-istorya mahitungod niini.”

Susiha ang Pagsabot

· “Ngano nga kita kinahanglan nga mopahulay gikan sa paggamit sa atong mga screen?”

· “Unsa ang makalingaw nga mga butang ang atong mahimo kon kita wala maggamit sa atong oras nga nag-atubang sa screen?”

· “Sa unsang paagi kamo makasulti nga oras na nga mopahulay gikan sa paggamit sa inyong device?”