3. Ekkatak im Em̧m̧anļo̧k

Pija

Mormon ej kōkaduik pileij gold ko

Ilo am̧ jerbal n̄an ļoor kein kōjparok ko, ekkatak jān en̄jake eo am̧. N̄an ekkatak im em̧m̧anļo̧k ej n̄an ukweļo̧k, eo ej kepaakļo̧k eok n̄an Kraist ilo am̧ bōk Pinmuur eo An. Eļan̄n̄e kwoj kōnono Ippān, E enaaj jipan̄ eok. Eaar kallim̧ur ,“Eļan̄n̄e [ro nejū] rej itok n̄an Eō Inaaj kwaļo̧k n̄an er aer m̧ōjņo̧. … Aō jouj ebwe n̄an aolep armej ro rej kōttāik er Im̧aō; bwe eļan̄n̄e rej kōttāik er Im̧aō, im wōr tōmak ilo N̄a, innām Inaaj kōm̧m̧an mennin m̧ōjņo̧ ko ren erom kajoor n̄an er” (Ether 12:27). Anij enaaj jipan̄ eo ekkatak jān im kōkm̧anm̧anļo̧k bōd ko am̧ bwe kwon bōk kajoor ioon m̧ōjno̧ ko am̧. Kōn Pinmuur eo an Jisōs Kraist, Anij ej jeo̧rļo̧k bōd im meļo̧kļo̧k bōd ko ad m̧okta.

Pija

ruo sister mijenede rej kalimijōk taļboon ko

N̄e kwoj lo ke ebōd am̧ kōjerbal tōkņaļiji, kwomaron̄ ekkatak jān en̄jake ak iminene ko am̧ ilo am̧ mije wōt kālet ko komaron̄ kōm̧m̧ani im tōprak ko me rej waļo̧k jāni. Rekooti ļōmņak ko am̧ im en̄jake ko am̧ ilo jōnaļ eo am̧. Ekkatak n̄an kile jon̄ok ko ilo kōļmenļo̧kjeņ ko am̧, en̄jake ko, ak m̧wiļ ko reppen n̄an kwe n̄an kōjerbal tōkņaļiji eo ilo jim̧we. Komaron̄ anjo̧ jān kapo n̄an bōbrae jon̄ok kein. N̄an waanjon̄ok, komaron̄ lo am̧ make mad kōn device eo nejūm̧ n̄e ejjeļo̧k am̧ karōk ko me eļap tokjeer im ralikkar n̄an raan eo. Ilo am̧ kālet iien otemjej n̄an karōk m̧akūtkūt ko eļap tokjeer, enaaj dikļo̧k am̧ m̧ad ilo device eo nejūm̧.

Ro m̧ōttā im mijen ritōl ro renaaj bar jipan̄ eok ekkatak im em̧m̧anļo̧k. Keememej, ilo an rikapo eo kōjerbal ittiņo̧ im kattoļo̧k n̄an tōl armej ro n̄an maroklep, Irooj ej rōjan̄ kōj n̄an pukot meram kōn jim̧we im m̧ool. Jutak pen, jemdoon ko rejim̧we ippān ro m̧ōttam̧ im ro uwaan district eo ej juon iaan kōjparok ko rem̧m̧antata im ekōm̧m̧an bwe kwon kalōk juon imminene eo ewānōk im m̧wil em̧m̧an.