“Kein Kōjparok 2,” Kein Kōjparok ko ilo Kōjerbal Tōkņaļiji ko (2015)
“Kein Kōjparok 2,” Kein Kōjparok ko ilo Kōjerbal Tōkņaļiji ko
Kein Kōjparok 2
Mije Wōt Jibadbad eo an Mijenede
Im Irooj eaar ba, “bwe eļan̄n̄e mājāmi rej reim̧aanļo̧k wōt n̄an aiboojoj eo Aō, aolepān ānbwinnōmi renaaj obrak kōn meram, im enaaj ejjeļo̧k marok ilo kom̧; im ānbwin eo eobrak kōn meram emeļeļe aolep men otemjeļo̧k” (Katak im Bujen ko 88:67). Bwe mejem en juon wōt n̄an aiboojoj eo an Anij meļeļe n̄an mije wōt jibadbad an Anij—eo ej bar am̧ jibadbad āinwōt juon mijenede.
Aolep men eo kwoj kōm̧m̧ane—ekoba kilen kōjerbal tōkņaļiji ko—eaikuj in pedped wōt ioon jibadbad eo am̧, eo ej n̄an “karuwaineneik ro jet n̄an itok n̄an Kraist kōn jipan̄ er bōk gospel eo kar kōjepļaaktok kōn tōmak ilo Jisōs Kraist im Pinmuur eo An, ukweļo̧k, peptaij, bōk menin letok eo an Jetōb Kwojarjar, im niknik n̄an jem̧ļo̧k in” (Preach My Gospel, 1). Am ikdeelel n̄an kwaļo̧k gospel eo enaaj jipan̄ bōbrae eok jan am m̧ad ilo kapo.
Kōjo̧ device eo nejūm̧ ālkin an jibadbad eo am̧ alikkar. Mokta jān am̧ kōjo̧ device eo nejūm̧ ak kamputōr eo ak kōpeļļo̧k juon app, etale ippān m̧ōttam̧ ta eo kwonaaj kōm̧m̧ane. Ļōmņake ewi toon am̧ kōjerbale device eo im kilen an m̧akūtkūt ko naaj tōl eok n̄an jipan̄ armej ro kōjerbal tōmak ilo Jisōs Kraist, ukweļo̧k, kōm̧m̧an im kōjparok bujen ko, en̄jake n̄an ļoor Jetōb Kwojarjar, im niknik n̄an jem̧ļo̧kin. Ļoor laajrak in tōl ko an mijen būreejtōn eo am̧ ekkar n̄an m̧akūtkūt ko rekkar ilo digital. Imminene in ej kwaļo̧k bwe armej ro eļapļo̧k aer ioon men ko rejekkar ilo intōrnet n̄e rej deļo̧n̄i web ko ilo an ejjeļo̧k jibadbad ilo kōļmenļo̧kjeņ.