Сүнслэг хэрэгцээг хянаж зохицуулахад туслах аргууд

Номлогчдын сэтгэлийн хэт их дарамтад хариу үзүүлж буй нийтлэг байдал нь гэрчлэлдээ эсвэл сайн мэдээний үнэн байдалд хэр их хүчирхэг байгаа асуудал юм. Энэ хүнд бэрхшээл нь ихэвчлэн гэрчлэл дутуу байхаасаа илүү сэтгэлийн хэт их дарамтыг зохицуулах нөөц боломж дутдагаас болдог. Хэрэв танд иймэрхүү бэрхшээлүүд байвал доор өгөгдсөн зөвлөмжүүдээс өөртөө зөв гэж санагдсаныг нь хэрэгжүүл. (17–22)-р хуудсан дээрх “Сэтгэлийн дарамтыг хянаж зохицуулахад туслах ерөнхий зарчмууд” хэсгийг олж үзэн, нэмэлт санаа ав.

An elder missionary sitting at a desk or table with his hands clasped and eyes closed. There are scriptures laying on the desk.

А

Гэрчлэлээ хүчирхэгжүүлж сурах нь

• Асуулттай байх нь хэвийн зүйл гэдгийг санаарай. Иосеф Смит чин сэтгэлээсээ асуусан учраас маш олон илчлэлтүүд хүлээж авсан. Судрууд, багш нар мөн ухаан бодол нь зарим асуултуудад тусалж чадах боловч зөвхөн Сүнс л Бурхан бодитой, Есүс бол Христ, сүм үнэн гэдгийг баталж чадна.

• Итгэл гэж юу болохыг ойлго. Итгэлтэй байна гэдэг нь бид төгс ойлгохгүй ч гэсэн Их Эзэний төгс сайн сайхан, хайр, мэргэн ухаан, шударга байдалд итгэхийг хэлнэ. Алма “итгэл бол юмсын тухай төгс мэдлэгтэй байх нь бус юм, тиймийн тул хэрэв та нар итгэлтэй аваас та нар үнэн хийгээд үл харагдах зүйлүүдэд найдах болно” хэмээн заажээ (Aлма 32:21). Итгэлтэй байхын тулд танд “төгс мэдлэгтэй” байх шаардлагагүй. Итгэлээ хөгжүүлэхэд тань туслах Алма 32-р бүлгийг судал. (Миний сайн мэдээг номло, 116–117-г үзнэ үү)

• Тэвчээртэй бай. Одоо ойлгогдохгүй байгаа зүйлсийг цаг хугацаа болон туршлага ойлгоход тань туслах болно. Нифайн “Бурхан хүүхдүүддээ хайртайг нь мэднэ би, тийм боловч бүх зүйлүүдийн утгыг мэдэх нь үгүй би хэмээв” гэсэн үгсийг санаарай (1 Нифай 11:17). Бурханы талаар Сүнсээр үнэн гэж мэддэг зүйлс дээрээ тулгуурла. (Миний сайн мэдээг номло, 120-ыг үзнэ үү.)

• Зарлигуудыг дага. Бид Их Эзэний заасан зүйлсийн үнэ цэнийг туршлагаараа сурсан үедээ Түүнд итгэх итгэлийг олж авдаг. “Хэрэв хэн нэгэн Түүний хүслийг үйлдэхийг хүсэж байвал тэр нь энэ сургаал Бурханаас ирсэн үү, эсвэл Би Өөрөөөсөө ярьж байна уу гэдгийг мэднэ” (Иохан 7:17).

A sister missionary reading the scriptures.

“Хичээнгүйлэн судлагтун, үргэлж залбирагтун, мөн итгэлтэй байгтун, мөн хэрвээ та нар цэх шулуун алхаж мөн та нар бие биетэйгээ гэрээнд орсон тэрхүү гэрээг санах аваас, мөн та нарын сайн сайхны тулд бүх зүйл хамтдаа ажиллах болно.”

—Сургаал ба Гэрээ 90:24

Б

Наманчилж сурах нь

• Номлолын ерөнхийлөгчдөө шударга бай. Наманчлаагүй ноцтой нүгэл байвал номлолын ерөнхийлөгчтэйгөө нээлттэй мөн шударгаар ярилц. Эдгээр зүйлүүдийг зөв болгоход тэр танд туслах болно.

• Наманчилсны дараа өөрийгөө уучил. Хэрэв та наманчилсан ч гэмтэй, ичгүүртэй мэдрэмж төрсөөр байгаа бол өнгөрсөн нүгэл, алдааныхаа төлөө бид бүгд харамсдагийг санаарай. Христийн Цагаатгал танд ч хангалттай гэдэгт итгэ. Наманчлал бол нөөц төлөвлөгөө биш гэдгийг санаарай. Харин наманчлал бол хүн бүрд зориулсан аз жаргалын төлөвлөгөө юм. Таны хамгийн их санаа тавих хэрэгтэй зүйл бол (жишээ нь, сонирхогчдын тань өсөлт хөгжил) хувийн бардамнал биш юм (бусад хүмүүс таны талаар юу гэж бодож байгаа бол гэдэг шиг биш).

  An elder missionary kneelining at his bed praying.

• Нүглээ хүлээхийн ач холбогдлыг ойлго. Хэрэв та ноцтой биш нүглээ хүлээхийг хүсч байгаа эсвэл санваарын удирдагч тань хүлээсэн зүйлсийг чинь хангалттай гэж үзсэний дараа ч дахин нүглээ хүлээхийг хүссээр байвал магадгүй та хэтрүүлж байж болох юм. Өнгөрсөн нүглийнхээ талаар харамсаж, гунигтай байсаар байгаа нь хэвийн бөгөөд энэ нь дахин хүлээх шаардлагатай гэсэн үг биш юм. Ийм бодлуудаас өөрийгөө өөр зүйлсээр холдуулж мөн Их Эзэний өршөөлд итгэх сонголтыг хий. Сэтгэл түгших эсвэл ичих зэрэг уруу таталтуудад бүү ор.

• Танд хэцүү байсаар байвал номлолын ерөнхийлөгчтэйгөө ярилц.

В

Утга учиртай залбирч сурах нь

• Шивнэх үедээ ч гэсэн чангаар залбирах гэж оролд. Асуулт болон асуудлаа бичин, залбиралдаа бэлтгэ. Их Эзэнийг ойр байгаагаар төсөөлөн хар. Та Бурханы төлөө өнөөдөр юу хийж чадах талаар асуугаад оюунд тань орж ирэх санаа бодлынхоо дагуу үйлд. Хааяа Бурханы адисалсан олон сайн сайхан зүйлсийн төлөө зөвхөн талархахад залбирлыг ашигла.

• Миний сайн мэдээг номло ном дахь”Итгэлтэйгээр залбир” хэсгийг судал. 93–95-р хуудсан дахь энэ хэсэг нь залбирлын талаарх зөвлөмжийг агуулдаг.

Г

Судруудыг хайрлаж сурах нь

• Судруудыг ойлгож, таашаал авахад туслахыг хүсэн тодорхой залбир. Судар судлах цагийнхаа заримыг мэдрэмж болон хариу үйлдлүүдээс сурсан зүйлс эсвэл хүлээн авсан сүнслэг өдөөлтийн талаар бичихэд зориул.

• Миний сайн мэдээг номло номын ”Суралцах санаа болон зөвлөмжүүд” хэсгээс суралц. 22–25-р хуудасны энэ хэсэг нь судруудыг амжилттай судлахад зориулсан зөвлөмжүүдийг агуулдаг.

Church members singing from hymnbooks.

Бодгаль минь тайван байгтун: Таны Бурхан өнгөрсөн хугацаанд удирдсан шиг

Ирээдүй рүү мөн удирдах болно.

Итгэл, найдвараа битгий алдаарай.

Одоо байгаа бүх нууцлаг зүйлс нь төгсгөлд бүгд тодорхой болно.

Бодгаль минь тайван байгтун: Энд оршин байхдаа захирч байсан

Түүний дуу хоолойг салхи давалгаа одоо ч гэсэн мэднэ.

—Сүмийн дууллууд № 124

Д

Сүнсэнд найдаж сурах нь

• Тэвчээртэйгээр дадлага хийх нь. Сүнсний дуу хоолойг ялгаж сурах нь шинэ хэл сурахтай нэлээн төстэй бөгөөд дадлага, тэвчээр, даруу байдал, бууж өгөлгүйгээр алдаануудаас сурахад бэлэн байх зэргийг шаарддаг.

• Ерөнхий Чуулгануудаас суралц. Хувийн илчлэлтийг хэрхэн хөгжүүлж болох талаарх санаануудыг энэ сэдвээр өгөгдсөн Ерөнхий Чуулганы үгсээс судал.

• Миний сайн мэдээг номло-ыг судал. 96–99–р хуудасны хэсгүүд нь Сүнсийг ялган, найдаж сурах талаар нэмэлт зөвлөмж санаануудыг агуулдаг.

Холбогдох судрууд

Бурхан танд тайвшрал болон тусламж өгөх болно гэсэн итгэлээ хүчирхэгжүүлэхдээ дараах хуудсуудад байгаа судрын хэсгүүдийг судал. Та Аврагчийг дурсан санах үед та “Түүний Сүнстэй хамт байх болно” (С ба Г 20:79)

Исаиа 41:10	“Би чамтай хамт байгаа тул бүү ай, Өөрийнхөө талаар бүү санаа зов, Учир нь Би чиний Бурхан, Би чамайг тэнхрүүлж үнэхээр чамд тусална, Би заавал Өөрийн зөв баруун мутраар чамайг хамгаална.”
Иохан 14:27	“Амар амгаланг Би та нарт үлдээнэ. Би Өөрийн амар амгалангаа та нарт өгнө. Ертөнцийн өгдгөөс өөр юмыг Би та нарт өгч байна. Та нар зүрхээ бүү зовоо. Бүү ай.”
2 Тимот 1:7	“Учир нь Бурхан бидэнд айдсын сүнсийг бус, харин хүч, хайр ба биеэ захирахын сүнсийг өгсөн.”
1 Нифай 1:20	“Итгэлийнх нь учир бүр тэднийг аюулаас ангижрах чадалтай болтол нь хүчтэй болгохоор сонгосон бүгдийн дээр Их Эзэний нигүүлсэл байдаг.”
Иаков 3:1	“Тэрбээр та нарыг зовлонд чинь тайтгаруулна, мөн тэрбээр та нарыг өмгөөлнө.”
Иаков 4:7	“Энэ нь Түүний ач ивээл, мөн хүмүүний үрсэд хандах түүний агуу их хүлцлээр бид эдгээр зүйлийг хийх хүчтэй гэдгийг бид мэдэж болохын тулд Их Эзэн Бурхан өөрсдийн маань сул доройг бидэнд үзүүлдэг болой.”
Мозая 4:27	“Мөн эдгээр бүх зүйл мэргэн ухаанд мөн эмх цэгцэнд хийгддэг байхыг мэдэгтүн. Учир нь хүн өөрт нь буй хүчнээс илүү хурдан гүйх шаардлагагүй.”
Мозая 24:13–14	“Тэргүүнээ өргөцгөө мөн тайтгарагтун, учир нь надад хийсэн та нарын гэрээний тухай би мэднэ, мөн өөрийн хүмүүстэй гэрээ хийж мөн тэднийг боолчлолоос чөлөөлөх болно. Мөн та нарын мөрөн дээр тавигдах ачаануудыг, бүр тэдгээрийг нуруун дээрээ байгааг ч мэдрэхгүй болтол, бүр та нарыг боолчлолд байх үед би түүнчлэн хөнгөлнө, мөн та нар цаашид миний гэрчлэгчид болон зогсох болно, мөн та нар, Их Эзэн Бурхан би өөрийн хүмүүст тэдний зүдгүүрт үед зочилдгийг та нар гарцаагүй мэдэж болохын тулд би үүнийг хийх болно.”
Алма 7:12	Тэрээр бие махбодын дагуу өөрийн хүмүүсийг тэдний сул байдлуудынх нь дагуу хэрхэн халамжлахыг мэдэж болохын тулд, тэрээр өөр дээрээ тэдний сул дорой чанаруудыг авах болно.”
Алма 26:27	“Бидний зүрх шантарч, мөн бараг л буцах гэж байхад, болгоогтун Их Эзэн биднийг тайтгаруулан мөн хэлэв: … зовлонгуудаа тэвчээртэйгээр туул, мөн би та нарт амжилтыг өгөх болно.”
Алма 38:5	“Чи Бурханд найдлага тавихын хэрээр өөрийн бэрхшээл, мөн зүдгүүр, мөн зовлонгуудаасаа ангижруулагдаж мөн эцсийн өдөр өргөгдөх болно.”
Ифер 12:27	“Мөн хэрэв хүмүүс надад ирэх аваас би тэдэнд өөрсдийнх нь сул доройг үзүүлэх болно. Тэд даруу байж болохын тулд би хүмүүст сул доройг өгдөг, мөн миний өмнө өөрсдийгөө даруусгадаг бүх хүмүүст миний ач ивээл хангалттай, учир нь хэрэв тэд миний өмнө өөрсдийгөө даруусгаж, мөн надад итгэлтэй байх аваас, тэгвэл би тэдэнд сул дорой зүйлүүдийг нь хүчирхэг болгож өгнө.”
Сургаал ба Гэрээ 6:32–36	“Би та нарын дунд байдаг. … Тиймийн тул, бүү ай, бяцхан сүрэг, сайныг үйлд, дэлхий хийгээд там та нарын эсрэг нэгдэг, учир нь хэрэв та нар миний хадан дээр баригдсан байх аваас, тэд дийлэх нь үгүй. Болгоогтун, би та нарыг зэмлэх нь үгүй. … Санаа бодол болгондоо над уруу харагтун, бүү эргэлз, бүү ай.”
Сургаал ба Гэрээ 58:2–4	“Гай зовлон тохиолдоход итгэлтэй байдаг түүний, мөн түүний шагнал нь тэнгэрийн хаант улсад байх болно. Үүнээс хойш тохиох тэдгээр зүйлүүдийн талаарх Бурханыхаа төлөвлөгөөг, мөн их гай зовлонгийн дараа дагалдах алдар сууг энэ үед та нар эгэл нүдээрээ болгоож чадах нь үгүй. Учир нь их гай зовлонгийн дараа адислалууд ирдэг болой.”
Сургаал ба Гэрээ 122:7–9	“Эдгээр бүх зүйл чамд туршлага суулгах болно, мөн чиний сайн сайхны төлөө байх болно. Хүний Хүү тэд бүгдэд доош бууж ирсэн юм. … Тиймийн тул, зам дээрээ зогсогтун.”
Библийн толь бичиг, “Айдас”	“Адам айж байсан нь түүний нүглийн хамгийн эхний үр нөлөө нь байв (Эхлэл 3:10). … Уналтаас хойш, Бурхан хүмүүнд бүү ай хэмээн зааж байгаа бөгөөд харин хүлээж авна гэсэн бүрэн итгэлтэйгээр өршөөлийг наманчлалтайгаар гуй.”
Бусад холбогдох судрууд: