Aoao—Taimi Aofai: 45 minute

Talanoaga i le Aso:

3 Aveese le Aitalafu

FaitauO le vaiaso ua tea sa tatou talanoaina ai ni matupu faavae sa tatou faailoaina mo le aluese mai le aitalafu:

1. Malamalama i mea moni e uiga i lau aitalafu.

2. Naunau e aluese mai le aitalafu.

3. Faatoilalo le lilifa atu i le “tagata o le lalolagi” e faapea ona taitai atu ai oe i le aitalafu.

O le aso o le a tatou talanoaina ai ni isi mataupu faavae se lua.

1. Taofi le faatupulaia o aitalafu.

2. Totogi uma au aitalafu.

TalanoaO a nisi o mea aupito anoa sa e aoaoina i le vaiaso ua te’a?

1. Taofi le Faatupulaia o Aitalafu

FaitauE le mafai ona e faamoemoe e aluese mai le aitalafu seiiloga lava e tuu lou faatupulaia atili o le aitalafu. E lua ni laasaga faigofie e taofi ai le faatupulaia o le aitalafu:

1. Faaputu se tupe faaleoleo mo mea e tutupu faafuasei.

2. Aua le toe faaaogaina kata faifaatau faaaitalafu ma nonogatupe mo mea e faaaoga.

Muamua, ia faaauau ona faaputu se tupe faaleoleo mo mea e tutupu faafuasei seia oo ina e sefeina ni tupe faaalu e aoga mo le tolu i le ono masina. Faaaoga le tupe lenei pe a manaomia nai lo o le faaaitalafu. Ae ia manatua ia tau lava o mea faafuasei moni e faaaoga ai ma ia paketi mo isi mea uma.

Lona lua, tuu le faalagolago i aitalafu o mea e faaaoga ma kata faifaatau faaaitalafu. Sa fautuaina mai e Elder Jeffrey R. Holland le “taotoga palasetika” o mea tautupe. Na saunoa o ia, “O le taotoga lenei e leai ma se tiga: Na o le taoti lava o kata faifaatau faaaitalafu. … E leai se mea mauagofie ua taatele i tagata i aso nei ua matuai lamatia ai le mautu i mea tautupe o aiga, ae maise lava i aiga talavou o loo tauivi, e pei o le kata faifaatau faaaitalafu” (Jeffrey R. and Patricia T. Holland, “Things We Have Learned—Together,” Ensign, June 1986, 30). O le taoti o au kata faifaatau faaaitalafu o le a fesoasoani ia te oe e tuu ai lou toe oo atili i aitalafu.

TalanoaO le a se mea ua e naunau e fai ia tuu ai lou faatupulaia o aitalafu?

2. Totogi Uma Au Aitalafu

FaitauUa fautuaina i tatou e faaitiitia a tatou aitalafu i se vave tatou te mafaia ai: “Afai e te faia se aitalafu, … ia galue e toe totogi i le vave e mafai ai ma faasaoloto oe mai le nofo pologa” (Faamaoni i le Faatuatua [2004], 49).

O laasaga nei e fa o le a fesoasoani e te faia ma mulimuli ai i se fuafuaga e alu ese ai mai le aitalafu.

1. Filifili e totogi faasili au aitalafu.

2. Filifili po o le fea le aitalafu e totogi faasili.

3. Faaaoga le metotia o le fuli.

4. Fai laasaga faaopoopo pe a manaomia.

Filifili e Totogi Faasili Au Aitalafu

FaitauO se tasi o auala taugata e aluese ai mai aitalafu o le faia lea o peimeni aupito maualalalo. E masani lava o peimeni e aupito maualalo o se pasene lea o le paleni. A o alu i luga le paleni, e faapena foi le peimeni aupito maualalo. O lenei mea e faaopoopo ai le taimi e alu e totogi faauma ai le paleni ma sili atu ona taugata ai le tului. Ina ia e vave aluese mai le aitalafu, e tatau ona tele atu se mea e te totogia nai lo o le peimeni aupito maualalo.

Faamatalaga	Paleni	Pasene o le Tului	Peimeni i le Masina
Kata faifaatau faaaitalafu #1	4,000	17%	97
Kata faifaatau faaaitalafu #2	6,500	19%	168
Taavale	5,000	3.00%	145
Nonogatupe a le tagata aoga	18,000	5.50%	300
Mokesi	170,000	4.50%	1,050

Mo se faataitaiga, a tatou faaaogaina le faamaumauga o a tatou aitalafu (o loo i luga) mai le mataupu ua tea atu ma fai nao le peimeni aupito maualalo i le kata faifaatau faaaitalafu #1, e te manatu o le a le umi faatoa aluese ai mai le aitalafu? E fia le tului e te manatu o le a i ai? O le faia nao peimeni aupito maualalalo:

• O le a alu ai le 20 tausaga ma masina e 9 ona faatoa uma lea ona totogi!

• E 5,107.62 o le a totogi mo le tului.

Ae a pe a e totogia le peimeni aupito maualalo o loo i ai nei e 97, faaopoopo i ai ma se faasiliga e 100 i le masina?

• O le a uma ona e totogia i le 2½ tausaga—e 18 tausaga ua vave ai!

• O le a sefeina ai le 4,357.49 o le tului!

TalanoaAisea e mananao ai kamupani fai aitalafu ina ia e totogia nao le peimeni aupito maualalo?

FaitauO le tele atu o le mea e te totogia nai lo o peimeni aupito maualalalo o le a puupuu ai le taimi e aluese ai mai le aitalafu, ma o le a tele se tupe e te sefeina i le tului. Ua e mataituina ai au tupe faaalu ma atiina ae se paketi. E mafai faapefea ona e faasaoina ni tupe i au tupe faaalu i le faia o peimeni faaopoopo i au aitalafu? O se tasi o au tautinoga i le vaiaso lenei o le fuafua lea pe fia se tupe faaopoopo e mafai ona e faataatia ese e totogi faaalu ai i lalo lau aitalafu. Pe a mafaufau i lau aitalafu muamua e totogi faauma, filifili se aofai tumau e aofia ai ma se faaopoopoga i luga ae o le peimeni aupito maualalo, ona totogi lea seia oo ina uma ona totogi le aitalafu.

Gaoioiga: (15 minute)

Laasaga 1: Fai paga ma lau soa galue. Toe iloilo lau paketi, ma vaai pe e te maua ai se 100 pe sili atu e mafai ona e faaaogaina e faaalu ai i lalo au aitalafu. Tusi ou manatu i lalo.

Laasaga 2: Ia faasoa atu o outou manatu o se vaega.

Filifili Po o Le Fea [le Aitalafu] e Totogi Faasili

FaitauO ni filifiliga nei se lua e filifili ai po o le fea o aitalafu e tatau ona totogi muamua. E mafai ona e:

• Totogi faasili muamua le aitalafu e aupito maualuga le tului.

• Totogi faasili muamua le aitalafu e aupito maualalo le paleni.

O ia filifiliga uma e i ai itu e lelei ai ma itu e le lelei ai, ae o le a tau fai taitai atu ai oe i le saoloto mai aitalafu. O se tasi o au tautinoga i le vaiaso lenei o le fuafua lea po o le fea o aitalafu o le a e totogia muamua ia faaalu ai i lalo.

Metotia	Itu e Lelei Ai	Itu e Le Lelei Ai
Muamua le tului aupito maualuga	E vave aveese ai aitalafu e sili ona taugata	E ono umi atu le tau faaitiitia o le aofai o kamupani o loo aitalafu ai. E manumalo le tolopoina faalemafaufau ma faalelagona
Muamua le paleni aupito laitiiti	E atili vave faaitiitia ai le aofai o kamupani o loo aitalafu ai E atili vave faaitiitia ai le aofai o peimeni aupito maualalalo E tuuina mai le manumalo vave i tulaga faalemafaufau ma faalelagona	E mafai ona sili atu le taugata ona e te le o totogia faauma muamua aitalafu e maualuluga tului.

Gaoioiga: (5 minute)

Faaaoga le faataitaiga o loo i lalo o le faamaumauga o aitalafu e fai ai mea nei:

Laasaga 1: Tuu se faailoga faasa’o i autafa o le nonogatupe e aupito maualuga le pasene o le tului.

Laasaga 2: Li’o le nonogatupe e aupito laitiiti le paleni.

Faamatalaga	Paleni	Pasene o le Tului	Peimeni i le Masina
Kata faifaatau faaaitalafu #1	4,000	17%	97
Kata faifaatau faaaitalafu #2	6,500	19%	168
Taavale	5,000	3%	145
Nonogatupe a le tagata aoga	18,000	5.5%	300
Mokesi	170,000	4.5%	1,050

Gaoioiga: (5 minute)

Faaaoga lau oe lava faamaumauga o aitalafu (itulau 123) e fai ai mea nei:

Laasaga 1: Tuu se faailoga faasa’o i autafa o le nonogatupe e aupito maualuga le pasene o le tului.

Laasaga 2: Li’o le nonogatupe e aupito laitiiti le paleni.

Laasaga 3: Filifili po o le fea o nonogatupe e totogi muamua le faaopopoga, ma ia faailoa i luga o le faamaumauga o au aitalafu.

Faaaoga le Metotia o le Fuli

FaitauO le metotia o le fuli, o se auala lelei tele lea e totogi faauma ai au aitalafu. A faapea la, ua mafai nei ona e totogia se 100 faaopoopo i se masina mo au aitalafu. A uma ona e totogia se aitalafu, o le a se mea e tatau ona e faia i le tupe na alu i le nonogatupe? Ia fuli atu e faaitiitia ai isi nonogatupe! O le faiga lenei e amata moni ai ona e aluese vave mai aitalafu.

Mo se faataitaiga, i le faataitaiga o le faamaumauga o aitalafu, afai e te totogia se 100 faaopoopo i se masina i le kata faifaatau faaaitalafu #1, o lau peimeni i le masina o le a 197. A uma ona totogi faauma, o le a i ai lau 197 faaopoopo e mafai ona e faaaogaina e totogi faauma ai se isi aitalafu. Afai na e faaaogaina le 197 faaopoopo lena ma tuu atu i le paleni e 6,500 mo le kafa faifaatau faaaitalafu #2, o le a:

• 23 tausaga e te vave totogia faauma ai le kata faifaatau faaaitalafu lena, nai lo o lou totogia o peimeni aupito maualalo!

• Sili atu ma le 8,500 e te sefeina i le tului!

O le taimi lava e te totogia uma ai lena kata faifaatau faaaitalafu, o le a i ai lau 365 faaopoopo e totogi atu i isi aitalafu, ma faapena ai lava. O le metotia o le fuli, e aoga tele i le vave aveeseina o aitalafu.

TalanoaE faapefea ona fesoasoani le metotia o le fuli e te vave aluese ai mai le aitalafu?

Fai ni Laasaga Faaopoopo

FaitauAfai o faigata ia te oe ona fai peimeni aupito maualalalo o le aitalafu, ona tatau lea ona e faia ni auala faaopoopo (tagai i lalo).

Gaoioiga (10 minute)

Vaevae i ni vaega taitoalua i le taitoafa, ma talanoa i auala faaopoopo o loo i lalo. Mafaufau loloto pe mafai ona fesoasoani soo se tasi o nei auala ia te oe.

Laasaga 1: Sue se galuega faaopoopo e lelei atu: Manatua foi le faatataiga i le fagu? Atonu e te manaomia se fagu lapoa atu! O se tupe maua faaopoopo mai se galuega lona lua po o se pisinisi faaopoopo e matuai televave ai lava lau fuafuaga mo le aveesea o le aitalafu. Atonu e te le toe manaomia ai se galuega lona lua. Ae peitai, afai o loo e tauivi ma le faatelevaveina o le totogi faauma o lau aitalafu, o le a umi le aoga o se tupe maua faaopoopo e fesoasoani e te toe faasolo manuia ai.

Laasaga 2: Faatau ese nisi o mea e mafai ona e ola e aunoa ma na mea.

Laasaga 3: Faalaitiiti: O nisi taimi o lau gaoioiga lelei lava e fai o le mei ese—e moi lava. O se filifiliga lelei ia se fale, falemautotogi laitiiti, po o se taavale e le taugata.

Laasaga 4: Tuufaatasi uma aitalafu i se aitalafu e tasi: I nisi o tulaga, e mafai ai ona tuufaatasi uma au nonogatupe i se pasene maualalo ifo o le tului, po o le tuufaatasi o nisi o aitalafu i se nonogatupe e tasi ma se pasene maualalo ifo o le tului. Atonu e i ai tau o le tuufaatasiga o aitalafu i se nonogatupe e tasi, o lea ia mautinoa e te malamalama muamua i tupe faaalu.

Laasaga 5: Sue le fesoasoani mai faufautua po o faufautua o mea tautupe: I le tele o eria o le lalolagi, e mafai e tagata ona maua fautuaga mo mea tautupe e ala i auaunaga e le saili polofiti i le lotoifale po o faalapotopotoga o mea tautupe. Saili ma fono ma se faufautua faatuatuaina.

Talanoa i le Aveesega o Aitalafu i le Tou Fonotaga Faaleaiga

FaitauI le tou fonotaga faaleaiga i le vaiaso lenei, talanoa ai pe fia se tupe e mafai ona faataatiaese i masina taitasi e fai ai ni peimeni faaopoopo i tou aitalafu. Ma le isi, talanoa po o le fea o nonogatupe e te manao e amata ona totogi faalaitiiti muamua (tului aupito maualuga po o le paleni aupito laitiiti). Atonu e te manao e faaaoga le faataatiaga o le “Faataitaiga o le Talanoaga i le Fonotaga Faaleaiga” o loo i lalo.

Faataitaiga o le Talanoaga i le Fonotaga Faaleaiga

Ia mautinoa e amata ma faaiu i se tatalo e valaaulia ai le Agaga.

Vaega 1: Iloilo

• O e faatupulaia lava le aitalafu?

• E fia se tupe e te gafatia e tuu atu mo peimeni faaopoopo? (Iloilo au tupe maua ma tupe faaalu, ma faailoa le aofai e mafai ona e totogia faaopoopo i luga o le pepa o faamaumauga o le aitalafu i le itulau 123.)

Vaega 2: Fuafua

• O le a se mea e te faia ia mautinoa lou tuua o le faatupulaia o aitalafu? Ia mafaufau faatasi e taoti au kata faifaatau faaaitalafu.

• O a ni tupe faaalu e mafai ona e faaitiitia ia maua ai le avanoa mo ni peimeni faaopoopo i lau aitalafu?

• O le a se nonogatupe (po o ni nonogatupe) e tatau ona e totogia faauma muamua? (Faailoa le faasologa o le faamaumauga o lau aitalafu i le itulau 123.)

Sili Atu Ma le Lua Pasene

Sa masani ona ou fiafia i lau kata faifaatau faaaitalafu! E taitasi i le kuata ona ou toe maua mai le 2% i au faatauga uma. Ae ina ua amata ona ma mafaufau mamafa ma lou toalua i le paketi, sa faigata tele ona ma faatusatusaina le paleni o le ma kata faifaatau faaaitalafu ma le paleni o le ma tusitupe siaki. Sa ou iloaina sa masani ona ma faaaluina se aofai tele teisi atu nai lo le aofaiga moni sa i ai. Sa ma taotiina a ma kata faifaatau faaaitalafu e pei lava ona fautuaina mai e Elder Holland! Ua ou iloa ua ma sefeina nei le silia ma le 2% i le i ai o ni tuaoi manino, ma le iloa lelei o le tele o le tupe o loo i ai i le ma tusitupe i soo se taimi.