Aoao—Taimi Aofai: 45 minute

Talanoaga o le Aso

4 Sefe ma Teu Faafaigaluega mo le Lumanai

FaitauI le mataupu ua mavae atu, na tatou aoao ai o le teu faafaigaluega o le tuuina o le taimi, taumafaiga, po o tupe i se mea ma faamoemoe ai mo se ituaiga tupe faasili. O se tasi o mafuaaga tatou te ono teu faafaigaluegaina ai tupe o le, ina ia lava ni a tatou [tupe] pe a tatou litaea.

Na aoao mai Peresitene Ezra Taft Benson, “A o outou faasolosolo i le olaga e agai atu i le litaea ma le tele o tausaga o le a sosoo mai ai, matou te valaaulia ai outou uma … ia fuafua tatau mo tausaga pe a maea se galuega tumau” (Aoaoga a Peresitene o le Ekalesia: Ezra Taft Benson [2014], 232). Atonu o loo i ai polokalama a le malo po o [tagata] lautele o loo avanoa e fesoasoani ia te oe i le taimi e litaea ai, ae e masalo o le a manaomia ona e faaopoopo atu i le tupe e maua mai i nei polokalama ia au oe lava faaputuga tupe po o tupe e teu faafaigaluega. Afai e te le fuafua i le taimi nei, atonu o le a le lava au tupe maua po o teugatupe e te ola tutoatasi ai pe a e litaea.

TalanoaO le a le mea o le a tupu pe afai e le lava au tupe e te ola lelei ai pe a e litaea?

1. Faatu se Sini [mo Lou] Litaea

FaitauAo lei amata ona e sefe mo le litaea, e aoga le fuafua pe fia se mea o le a e manaomia. E mafai ona e amata i le faiga faigofie lenei:

faiga o le litaea

E le mafai ona e valoia po o le a tonu le umi o le a e ola ai, ae e mafai ona e valoia le taimi e te fia litaea ai, ma e mafai ona e fuafuaina le umi atonu o le a e ola ai i tua atu o lena taimi. I le lalolagi atoa, o le toatele lava o tagata e litaea i le va o le matutua o le 60 ma le 70 tausaga. Atonu e te ola mo se isi 20 i le 30 tausaga faaopoopo pe a uma ona e litaea.

Gaoioiga (5 minute)

Faaalu ni nai minute e tuufaatasi ai se faatatau mo lau sini mo le litaea e faaaoga ai le faiga lenei.

	x		=
Aofai o tausaga ona litaea lea		Aofai faaletausaga e manaomia mo le litaea		O lau sini mo le litaea

Faamatalaga: Atonu e te le manaomia lenei aofaiga atoa pe a e litaea, ona e mafai ona faaauau pea ona faateleina lau tupe e teu faafaigaluega e oo atu i le taimi e te litaea ai, ae o le mafaufau i le numera lenei o se tulaga lelei lea e amata ai.

2. Malamalama i le Tului Tuufaatasi

FaitauO le tului tuufaatasi e mafai ona avea ma se tasi o mea autu i le lava o se tupe mo le litaea. Tului tuufaatasi o le mauaina o se tului faaopoopo i luga o le tului, ma e masani ona faaalia o se pasene po o le pasene o le tupe faasili. O le taimi lava e maua ai lau peimeni muamua o le tului, ona faaopoopo loa lea i le paleni amata. Ona faaauau ai lea ona tuputupu ae le paleni tele lena.

tului tuufaatasi

FaitauO le teu faafaigaluega o tupe i ni auala e maua mai ai se tupe faasili lelei, e mafai ona fesoasoani i tagata e lava ai ni tupe e sefe mo le litaea. O le toatele o tagata e faigofie atu ia i latou ona teu faafaigaluega pea lava pea ni aofaiga laiti o tupe, e pei o se aofaiga faapitoa i masina taitasi pe mai siaki taitasi o totogi, nai lo o ni aofaiga tetele e faavaitaimi. O le faataitaiga o loo i lalo ua faaalia ai le aofaiga atoa o le teu faafaigaluegaina o le 100 i le masina mo le 30 tausaga, ma ni pasene eseese o tupe faasili O le malosiaga lenei o le tului tuufaatasi.

siata o le tului tuufaatasi

TalanoaE mafai faapefea e le taimi ma le pasene o le tupe faasili ona aafia ai le aofaiga atoa o se tupe e teu faafaigaluega?

3. Malamalama i le Faiā i le va o le Lamatia ma le Tupe Faasili

FaitauE pei ona tatou vaaia, e ese le malosi o le pasene o le tupe faasili. Atonu e foliga mai e fai si faigofie o le faapea, e pau lava le mea o le a tatau ona tatou faia, o le teu faafaigaluega o a tatou tupe i se mea e maualuga lava le pasene o le tupe faasili. Peitai e le faigofie faapena. E pei ona faaalia e le kalafi lenei, o tupe uma e teu faafaigaluega e tauaveina se faiā o le lamatia-ma-tupe faasili. E masani lava, o le laitiiti o le tupe faasili, o le laitiiti foi lea o le lamatia o le ono lusi o lau tupe i lena teu faafaigaluegaina. O le faafeagai la, o le maualuga lava o le tupe faasili e ono i ai, o le maualuga foi lea o le lamatia e ono i ai o le lusi o au tupe.

lamatia e faatusa i tupe faasili

Gaoioiga (3 minute)

Fai paga ma lou toalua po o le soa galue, ma talanoa i le tulaga patino o lou lagolelei i le lamatia o le teu faafaigaluega.

4. Mafaufau i Tupe Teu Faafaigaluega e Ono I Ai

FaitauPe a mafaufau i ni tupe teu faafaigaluega e ono i ai, e aoga le iloa o nisi o mea faavae. E toetoe lava o tupe uma e teu faafaigaluega e mafai ona vaevaeina i ni vaega se lua: o tupe teu faafaigaluega e i ai se pasene tumau o tupe faasili ma tupe teu faafaigaluega e i ai se pasene fesuisuiai o tupe faasili.

O se pasene tumau o lona uiga o le a le alu i luga po o lalo lau pasene ae tumau. O faataitaiga o teugatupe po o tupe e teu faafaigaluega e i ai pasene tumau o tupe faasili e aofia ai teugatupe i tusitupe, tusi faamaoni o tupe teu (TT) ma noataga. O le pasene tumau o tupe teu faafaigaluega e masani ona maualalo le pasene o tupe faasili ma e mafai ona faapea e itiiti le lamatia nai lo o tupe teu faafaigaluega e fesuisui ai le pasene.

O se pasene e fesuisui ai o lona uiga e mafai ona alu i luga po o lalo lau tupe faasili, o lona uiga e mafai ona faaopoopo pe lusi au tupe. O faataitaiga o tupe teu faafaigaluega e fesuisuiai pasene e aofia ai oloa, ma le tele o tupe a le au fai sea, pisinisi ma fale ma fanua. O le mea masani, o tupe teu faafaigaluega e fesuisuiai pasene, e faapea e sili atu le lamatia nai lo o tupe teu faafaigaluega e tumau pasene, ae e ono mafai foi ona maualuga ni tupe faasili.

Faataapega o lona uiga o le faasalalauina o au tupe i ni tupe teu faafaigaluega se tele. O le teu faafaigaluegaina o ni teugatupe se tele e teu faafaigaluega e mafai ona fesoasoani e tuuitiitia ai lou lamatia.

Mo nisi faamatalaga i ituaiga eseese o tupe teu faafaigaluega, ia faitau e oe lava le vaega o “Punaoa” o loo i le faaiuga o le mataupu lenei, i lenei vaiaso.

TalanoaIa iloilo faatasi o se vaega, ia mataupu o loo i lalo seia oo ina lagona e tagata uma le lagolelei ua latou malamalama i ai.

• Tului tuufaatasi

• Lamatia faasaga i tupe faasili

• Pasene tumau o tupe faasili

• Pasene fesuisuiai o tupe faasili

• Faataapega

5. Suesue i Faitotoa e Ono I Ai mo le Litaea

FaitauE masani lava e tatau ona e totogia se ituaiga o lafoga i au tupe teu faafaigaluega. O le mea moni, o lafoga e mafai ona avea ma se tasi o tupe faaalu sili ona tetele e mafaufau i ai pe a teu faafaigaluega [au tupe]. O le mea e lelei ai, o le tele lava o faigamalo e faatagaina faitotoa mo litaea e i ai ni penefiti o lafoga faapitoa o le a e fia malamalama i ai. O nei faitotoa o tupe teu faafaigaluega e mafai ona lagolagoina e le falefaigaluega po o le tagata lava ia, ma i totonu o nei faitotoa, e mafai ona teu faafaigaluega ai oloa, noataga, tupe a le au fai sea, ma isi lava. E eseese igoa e o ai faitotoa e faalagolago lea i le mea e te alaala ai, ae o le itu lelei o lafoga faavae e talitutusa lava ma e masani ona taoto i ni vaega se lua: o le lafoga tolopo ma lafoga tuusaunoa.

Lafoga tolopo: O saofaga i faitotoa o lafoga tolopo e masani lava o lafoga e tipi i le tausaga o le saofaga, ae o tupe tala i le aluga o le litaea e tipi lafoga i le po o le a lava le pasene o le lafoga e tuu ai oe e lau tupe maua i lena taimi. Afai e ono le tele se ola o lau tupe teu faafaigaluega, a le ona o le maualalo o le pasene o le tupe faasili po o le, ona e laitiiti le tupe e faaola ai, e mafai ona tele atu se tupe e te sefea i lafoga e ala i le tolopoina o le totogiina o lafoga i lena tupe seia e litaea, lea e mafai ona tipi ai se lafoga o le tupe i se pasene maualalo ifo.

Lafoga tuusaunoa: O saofaga i faitotoa o lafoga tuusaunoa e leai ni itu lelei o lafoga amata e tuuina mai ai. Mo nei faitotoa, o le tupe e te saofaga ai e faalafogaina i le tausaga na maua ai. Ae peitai, o tupe maua uma ma tupe tala i le lumanai e tuusaunoa le lafoga. Afai e ono tele se ola o lau tupe teu faafaigaluega, a le ona o le maualuga o le pasene o le tupe faasili po o le, e tele atu se taimi e faaola ai, atonu o le a itiiti atu se mea e te totogia i lafoga e faaaoga ai le faitotoa o le lafoga tuusaunoa.

E pei ona e tagai i ai, e faavae i le ituaiga o faitotoa e te filifilia, a le o lou totogia o lafoga i le taimi lava lea, po o le taimi e tala ai. E faalagolago i ou tulaga, atonu e sili atu le aoga ia te oe o se tasi o ituaiga [o lafoga] nai lo o le isi.

Gaoioiga (5 minute)

Tagai i faataitaiga nei e tolu. O nei faataitaiga ua faapea, na teu faafaigaluega e se tasi le 100 i le masina ma maua ai le 8 pasene o le tupe faasili mo tausaga eseese e 10, 20, ma le 30. O lea lava aofaiga o le tupe sa teu faafaigaluegaina ma tupu ai i le aofaiga lava e tasi i faitotoa uma e lua o le lafoga tolopo ma le lafoga tuusaunoa. Ae peitai, tagai i le eseesega o le aofai na totogi i lafoga.

Laasaga 1: Vaevae i vaega toalaiti o ni tagata taitoalua i le taitoafa, e aofia ai lau soa galue.

Laasaga 2: Mo tulaga taitasi, lio le aofaiga atoa maualalo na totogi i lafoga, ma maitau po o le fea le ituaiga o faitotoa e itiiti lona tau i le tuufaatasiga o lafoga.

Laasaga 3: Talanoa i fesili nei:

• O a ni eseesega i le va o faitotoa o le lafoga tolopo ma le lafoga tuusaunoa?

• O le a le taimi atonu e sili ai le filifilia o le faitotoa o le lafoga tolopo?

• O le a le taimi atonu e sili ai le filifilia o le faitotoa o le lafoga tuusaunoa?

siata o le teu faafaigaluega, 10 tausaga

siata o le teu faafaigaluega, 20 tausaga

siata o le teu faafaigaluega, 30 tausaga

6. Amata ona Sefe mo le Litaea i se Vave e Mafai Ai

FaitauO le taimi lava e te faavaeina ai se tupe faaleoleo mo mea e tutupu faafuasei, ma totogi uma au aitalafu o mea e faaaoga, ua tatau loa ona amata i se vave e mafai ai ona e sefe mo le litaea. O le vave lava e amata ai ona e sefe mo le litaea, o le umi foi lea e tupu ai lau tupe ma o le tele foi lea o le tupe e te ono maua mo le litaea.

O se tasi o auala lelei lava e amata ai ona sefe mo le litaea e ala lea i se fuafuaga o le litaea e lagolagoina e le fale faigaluega. Afai e ofo mai e lou fale faigaluega ni ituaiga o faitotoa mo le litaea lea latou te totogia ai se vaega o lau saofaga, ia faaaoga lelei loa lena! O le aofai latou te totogia ua pei o se ponesi po o se siitaga mo oe, ona o lou saofaga i la oe lava teugatupe.

O le gaoioiga lenei e fesoasoani e faaalia ai le malosi o le teu faafaigaluegaina e le aunoa mo se periota umi atu.

Gaoioiga (10 minute)

Laasaga 1: Vaevae i ni vaega toalaiti e taitoalua i le taitoafa, e aofia ai lau soa galue.

Laasaga 2: Talanoa i auala o le teu faafaigaluega a tagata e toatolu ua faamatalaina i lalo. O ai na sili ona tele lana tupe teu faafaigaluega? O ai na sili ona laitiiti lana tupe teu faafaigaluega? A faapea la na latou maua uma le tai 8 pasene o tului tuufaatasi i a latou tupe teu faafaigaluega, o ai e te manatu o le a sili ona tele lana tupe? O ai e te manatu o le a aupito itiiti lana tupe?

• Sulia

  • Na teu faafaigaluegaina le 300 i masina taitasi na amata mai i le 25 tausaga o lona matua.

  • I le aofaiga atoa, e 147,600 sa ia teu faafaigaluegaina.

• Anelia

  • Na teu faafaigaluegaina le 600 i masina taitasi na amata mai i le 35 tausaga o lona matua.

  • I le aofaiga atoa, e 223,200 sa ia teu faafaigaluegaina.

• Pela

  • Na teu faafaigaluegaina le 1,200 i masina taitasi na amata mai i le 45 tausaga o lona matua.

  • I le aofaiga atoa, e 302,400 sa ia teu faafaigaluegaina.

Laasaga 3: Ia iloilo loa le siata o loo i lalo e faaalia ai le auala e tupu ai a latou tupe teu faafaigaluega i le aluga o taimi. O ai na sili ona tele lana tupe na maua? O ai na sili ona itiiti lana tupe na maua? O le a le aafiaga o le taimi i tupe teu faafaigaluega?

siata o le tupu o le tupe teu faafaigaluega

Faamatalaga: A faapea e 8% le tului tuufaatasi.

Talanoa i Sauniuniga mo le Litaea i le Tou Fonotaga FAALEAIGA

FaitauI le taimi o le tou fonotaga faaleaiga i le vaiaso lenei, talanoa ai i au fuafuaga mo le litaea. Fuafua pe fia se mea o le a e manaomia, po o afea e te fia litaea ai, ma o le a foi le tulaga e ono i ai au mea tautupe i lena vaitaimi. Tusi i lalo le aofaiga e te manao e sefe, ma fuafua se aofaiga e mafai ona e gafatia e faataatiaese i masina taitasi mo le litaea. Ia manatua, e ui e taua le amata sefe mo se litaea i le vave e mafai ai, e sili atu le manaomia vave o le fausia o se tupe faaleoleo mo mea e tutupu faafuasei ma aveese muamua ai aitalafu o mea e faaaoga. I le taimi o le tou talanoaga, atonu e te manao e faaaoga le faataatiaga o le “Faataitaiga o le Talanoaga i le Fonotaga Faaleaiga” o loo mulimuli mai ai.

Faataitaiga o le Talanoaga i le Fonotaga Faaleaiga

Ia mautinoa e amata ma faaiu i se tatalo e valaaulia ai le Agaga.

Vaega 1: Iloilo

• O faapefea mai oe i au mea e faamuamua i tulaga tautupe i le taimi nei?

• O faapefea ona e sauniuni i le taimi nei mo le litaea?

Vaega 2: Fuafua

• O afea e te fia litaea ai?

• E fia o le a manaomia i tausaga taitasi e tuuina atu ai mea e te manaomia?

• E fia e te manao e sefe?

• O le a lou tulaga tautupe e ono i ai pe a e litaea? Mata o le a e anaina se fale? Mata o le a i ai pea lava sau mokesi? Mata o le a e sauniuni e fai se misiona o se tagata matua? Mata o le a manaomia ona e lagolagoina ni tagata o lou aiga? Mata o le a tele atu pe itiiti ifo au tupe faaalu mo mea e te ola ai nai lo o mea o loo i ai nei?

Teu Faafaigaluega

O le mea sili ona taua sa ma faia o le tau lava o le amata. O se taimi ua leva ao lei i ai se matou tupe maua “faaopoopo”, sa ou filifilia ai se faiga tuai o tupe a le au fai sea e faatulaga ai se teugatupe faaotometi e 1 le pasene o le matou siaki [totogi], ona galo ai lava lea ia te au. Ina ua sui lau falefaigaluega i le pe a ma le valu tausaga mulimuli ane, sa ou faatulagaina ai se tupe fou mo lau litaea, ae ou toe tau ai i le tupe tuai lenei … o lea ua toeitiiti lava atoa le 7,500.