Ola Tutoatasi
Lipoti

Lipoti—Taimi Aofai: 25 minute

Tautinoga o le Vaiaso ua Te’a

  1. Faataitai ma faasoa atu le mataupu faavae o Lo’u Faavae o le vaiaso ua te’a.

  2. Faaauau ona tuu tupe i mea tautupe e ave i ai le faamuamua.

  3. Talanoa i fuafuaga mo le litaea i le taimi o le fonotaga faaleaiga.

  4. Faafesootai ma lagolago la’u soa galue.

Laasaga 1: Iloilo faatasi ma le Soa Galue (5 minute)

Faaalu ni nai minute e iloilo ai au taumafaiga e tausia au tautinoga o lenei vaiaso. Faaaoga le siata “Iloiloga o A’u Taumafaiga” i le amataga o le tusi galuega lenei. Faasoa atu lau iloiloga i lau soa ma talanoa ma i le fesili o loo i lalo. Ona tusi lea o amataga o lona igoa i le mea ua faailoa atu.

TalanoaO a ni luitau na e oo i ai i le tausia o au tautinoga i lenei vaiaso?

Ata
ata laitiiti o le iloiloina o a’u taumafaiga

Laasaga 2: Lipoti i le Vaega (8 minute)

A uma ona iloilo au taumafaiga, toe o mai faatasi ma lipoti atu au taunuuga. Faasolo i le vaega e taitoatasi ona tau mai pe na e faavasegaina oe lava i le “lanumumu,” “samasama,” po o le “lanumeamata” mo tautinoga taitasi o le vaiaso ua te’a.

Laasaga 3: Faasoa Ou Aafiaga (10 minute)

Ia faasoa atu loa o se vaega i mea ua e aoaoina mai le taumafaiga e tausia au tautinoga i le aluga o le vaiaso.

    Talanoa

  • O a ni ou aafiaga na i ai i le faataitaiga po o le faasoaina atu o le mataupu faavae o Lo’u Faavae?

  • O a ni luitau na e oo i ai i le tuuina o tupe i mea tautupe e ave i ai le faamuamua?

  • O a ni mea ua e aoaoina mai le talanoaina o lau fuafuaga mo le litaea?

Laasaga 4: Filifilia o Soa Galue (2 minute)

Filifili se soa galue mai le vaega mo le vaiaso a sau nei. E masani lava, o soa galue e tutusa itupa ma e le o ni tagata o se aiga.

Faaalu ni nai minute i le taimi nei e feiloai ai ma lau soa galue. Faailoa atu oulua lava ma talanoa pe faapefea ona lua faafesootaia le tasi ma le isi i le aluga o le vaiaso.

Igoa o le soa galue

Faamatalaga e faafesootai ai

Tusi pe faapefea ma po o afea o le a lua faafesootaia ai le tasi ma le isi i lenei vaiaso.

Aso Sa

Aso Gafua

Aso Lua

Aso Lulu

Aso Tofi

Aso Faraile

Aso Toonai