Aoao—Taimi Aofai: 45 Minute

Talanoaga i le Aso:

2 Puipui Lou Aiga mai Faafitauli

Faafanua o le Faamanuiaina i le Tulaga Faatausimea i Mea Tautupe

1. Puipui Lou Aiga mai Faafitauli

FaitauO sauniniga o se mataupu faavae mamana o le talalelei. Ua folafola mai le Alii, “afai ua saunia outou o le a outou le matatau ai lava” (MF&F 38:30).

A maea la tatou tautinoga e totogi muamua le Alii e ala i le sefuluai ma isi taulaga, o lo tatou tautinoga lona lua o le galue lea e puipui o tatou aiga mai faafitauli. E pau le mea e mafai ona tatou faia ai lenei mea, pe afai lea tatou te atinaeina se vaaiga mamao. I le mataupu lenei, o le a tatou aoao ai i laasaga e lua e puipui ai o tatou aiga mai faafitauli tautupe:

Faaputu se tupe faaleoleo o se masina e tasi mo mea e tutupu faafuasei.
Ia lava le inisiua e maua mai

TalanoaFaaalu sina taimi e vaavaai ai i le Faafanua o le Faamanuiaina i le Tulaga Faatausimea i Mea Tautupe. Aisea e te manatu ai o le puipuia o lou aiga mai faafitauli o le mea lona lua lea e ave i ai le faamuamua pe a uma ona totogi sefuluai ma taulaga?

2. Faaputu se Tupe o se Masina e Tasi mo Mea e Tutupu Faafuasei.

FaitauO le mataituina o au tupe faaalu i le pe a ma se fa vaiaso, ua tatau ai nei ona e iloa le aofai o le tupe e manaomia mo le tau o mea e ola ai mo le tasi le masina. E tatau ona tutusa lau tupe faaleoleo o se masina e tasi mo mea e tutupu faafuasei ma le aofaiga lenei.

Mo lau tupe faaleoleo o se masina e tasi mo mea e tutupu faafuasei, e tatau ona e sefeina se tinoitupe i se nofoaga saogalemu ma mauagofie e pei o se tusitupe. Aua nei faaaogaina lenei tupe mo soo se mea lava e ese mai i mea e tutupu faafuasei. Afai e i ai se mea e tupu faafuasei ma tatau ai ona faaaoga le tupe mai lau tupe faaleoleo o se masina e tasi mo mea e tutupu faafuasei, ia vave amata ona toe tuu i ai le tupe seia oo ina toe atoa. Mulimuli ane, a uma ona totogi uma au aitalafu o loo i ai, o le a amata ona lava se tupe e te sefeina e kava ai au tupe faaalu mo le tolu i le ono masina (o le a tatou kavaina lenei laasaga i le mataupu e 9).

E tatau ona e galue i le vave e te mafaia ai e faaputu se tupe faaleoleo o se masina e tasi mo mea e tutupu faafuasei. Tuu soo se tupe faaopoopo e te maua i lau tupe faaleoleo mo mea e tutupu faafuasei seia oo ina atoa. E tusa lava po o i ai sau aitalafu, ia totogi lava na o le peimeni aupito maualalo e manaomia o le aitalafu, seia oo ina e faia se tupe faaleoleo o se masina e tasi mo mea e tutupu faafuasei. Ina ia fesoasoani e faavavevave lenei faagasologa, atonu e te manao e sue se galuega faaopoopo pe lelei atu, faatau atu nisi o mea e mafai ona e ola e aunoa ma na mea, pe tuuitiitia nisi o tupe faaalu le talafeagai.

TalanoaO a ni faamanuiaga e mafai ona oo mai i lou aiga i le i ai o se tupe faaleoleo o se masina e tasi mo mea e tutupu faafuasei? Aisea e tatau ai ona e faaputua se tupe faaleoleo o se masina e tasi mo mea e tutupu faafuasei.

3. Ia Lava le Inisiua e Maua Mai

FaitauO le a faapefea ona aafia oe po o lou aiga i mea tautupe pe afai e mai tigaina pe i ai se faaletonu faaletino pe maliu foi se tasi o outou? O le a se aafiaga o mea tautupe i se mea e pei o le mu o le fale i le afi po o se faalavelave ogaoga tautaavale? E tutupu ituaiga o faafitauli nei, ma afai tatou te le o saunia, e mafai ona mafua ai ni faafitauli tuga tautupe. O se punaoa lelei lava o le puipuiga e faasaga i ni faafitauli e ono tulai mai o le inisiua. O le inisiua o se fuafuaga lea e faamautinoa ai e se faalapotopotoga (e masani lava o se kamupani inisiua) e toe taui atu se tagata mo ni faafitauli faapitoa e faafesuiai ai mo ni peimeni tumau.

Na aoao mai Peresitene N. Eldon Tanner, “E leai se mea e foliga mai e mautinoa e pei o mea e lei mafaufauina i o tatou olaga. Faatasi ai ma le siisii o le totogi o togafitiga faafomai, o le inisiua mo le soifua maloloina ua pau lea o le auala e mafai ai e le toatele o aiga ona taulima le totogi mo faalavelave ogaoga, mai, po o le maitaga ma le failele. … O le inisiua o le soifua e tuuina mai ai le faauauina o le tupe maua pe a maliu faafuasei le tagata e totogiina. E tatau i tagata uma o le aiga ona fai aiaiga mo inisiua talafeagai mo le soifua maloloina ma le ola” (“Constancy amid Change,” Ensign, Nov. 1979, 82).

TalanoaAisea e matuai taua ai le inisiua? O a ni faamanuiaga e mafai ona oo mai i le i ai o se inisiua e lava lelei?

Aoga o le Inisiua

FaitauO le inisiua e mafai ona fesoasoani e puipui ai oe mai faataumaoi faaletupe lea e mafai ona aumaia e faalavelave faafuasei ma isi faafitauli.

Gaoioiga: (5 minute)

I le avea ai ma se vaega, iloilo tulaga e lua o loo i lalo. Ona talanoa lea pe faapefea ona aoga le inisiua i nei tulaga.

Tulaga 1: Sa e aafia i se faalavelave tau taavale ma o oe na sese. Sa matuai faaleagaina ai lau taavale, faapena foi ma le taavale a le isi avetaavale. Sa lua tau fai manunua uma ma le isi avetaavale, ma sa manaomia ai ni tausiga faafomai. O le tau atoa e toe lipea ai taavale e lua ma totogi ai pili a le falemai, na iu ane ua silia i le 15,000.

	Leai se Inisiua	I Ai le Inisiua
Tau atoa	15,000	15,000
Tau na totogi e le inisiua	0	12,000
Tau e tatau ona e totogia	15,000	3,000

Tulaga 2: Sa faigaluega se tama e 45 tausaga le matua o se fai eletise ma sa ia mauaina le 3,500 i le masina. E na o ia le tagata e tausia lona toalua ma lana fanau toatolu. Sa faamanualia lona papatua ma o le a le mafai ai ona toe faigaluega o se fai eletise. O le a ia le toe maua se tupe seiiloga e mafai ona ia maua se galuega e ese mai, lea e ono manaomia ai le aoga po o isi aoaoga faamasani.

	Leai se Inisiua	I Ai le Inisiua
Tupe maua i le masina mai le galuega	0	0
Tupe maua i le masina mai le inisiua	0	3,000
Aofai o le tupe maua i le masina	0	3,000

Ituaiga o Inisiua

FaitauE le manaomia ona e inisiuaina mea uma—o le pogai lena o loo e fai ai se tupe faaleoleo mo mea e tutupu faafuasei ma isi teugatupe. Ae peitai, e matuai taua lou puipuia o oe lava mai faafitauli ia e mafai ona faataumaoi faaletupe. Na aoao mai Peresitene Marion G. Romney e faapea, “ua fautuaina i tatou … [ia] i ai se tinoitupe faaleoleo e taulima ai mea e tutupu faafuasei ma ia lava se inisiua o le soifua maloloina, fale, ma le ola” (“Principles of Temporal Salvation,” Ensign, Ape. 1981, 6).

E tele ituaiga o inisiua, ae o le fa masani o [inisiua] nei.

Inisiua o meatotino: O le inisiua o meatotino, e pei o tagata e anaina fale, tagata e mautotogi i fale, ma le inisiua o taavale, e mafai ona fesoasoani e kava ai le tau e toesui pe lipea ai meatotino pe a oo ina ogaoga le faaleagaina, gaoia, pe faatamaiaina.
Inisiua o le soifua maloloina: O le inisiua o le soifua maloloina e fesoasoani e kava ai le tau o le tausiga o le soifua maloloina, mai le kavaina o asiasiga mo le vaaiga o tagata maloloina ma le togafitiga o gasegase e oo atu i le totogi o togafitiga ogaoga faafomai. E faalagolago i le mea e te alaala ai, e ono avea le tausiga o le soifua maloloina o se tautua a le malo, ma e ono ese ai lou manaomia o se inisiua o le soifua maloloina.
Inisiua o le ola O le inisiua o le ola e tuuina atu ai i se aiga se tupe aofai pe a maliu se tagata na inisiua o le aiga.
Inisiua ma’i: O le inisiua ma’i e faamautinoa ai o le a totogi atu se vaega o le tupe maua a le tagata ua inisiua pe afai e gasegase o ia ma ua le mafai ona faigaluega mo se vaitaimi umi.

Tau o Inisiua

FaitauO lea la ua i ai se tatou malamalamaaga amata i le inisiua ma nisi o penefiti e ono i ai, ia tatou talanoa la i nisi o tau. O ituaiga tau po o tupe faaalu autu e lua e fesootai ma le inisiua o le [premium] peimeni o le inisiua ma le [deductible] tau silia.

O se peimeni o le inisiua [premium] o lona uiga o le tau o le inisiua—po o le tupe e te totogia sao (e masani lava e faalemasina pe faaletausaga) i le kamupani inisiua e fesuiai ai mo le aofai o le puipuiga.

O se tau silia [deductible] o lona uiga o le aofaiga o le tupe e te totogia agai i au tupe faaalu (e pei o tupe faaalu mo tau o tausiga faafomai po o le lipea o taavale afi) ona faatoa totogi lea e le kamupani inisiua ia tau e totoe ai.

Suesuega o le Tau-Penefiti

FaitauPe a faatusatusa ia fuafuaga o inisiua, e te taumafai e faatusatusa po o le a le tau e te ono totogia o le fuafuaga ma mea e ono mafai ona tuuina mai e le aofai o le puipuiga. Atonu e aoga le faatusa o le tulaga aupito sili ona lelei i tulaga e aupito sili ona le lelei.

Tau Aupito Maualalo i le Tausaga (O le Tulaga Aupito Sili ona Lelei)

Ina ia sue le tau aupito maualalo i le tausaga, faatele lau peimeni faalemasina i le 12 masina (12 x i le peimeni faalemasina), pe vaai i le peimeni faaletausaga pe afai e nao le tasi i le tausaga lau pili. E manatu le tulaga lenei e le o i ai se inisiua o se mea na tupu i le tausaga.

Tau Aupito Maualuga i le Tausaga (O le Tulaga Aupito Sili ona Le Lelei)

Ina ia sue le tau aupito maualuga i le tausaga, faaopoopo lau tau aupito maualalo i le tausaga i le tau silia faaletausaga ([12 x peimeni i le masina] + tau silia). E manatu le tulaga lenei ua sili atu tupe faaalu i le mea na tupu i lau tau silia faaletausaga.

Faatasi ai ma le faamatalaga lenei, ua mafai nei ona e faatusatusaina le va o tupe faaalu o fuafuaga eseese. O le faataitaiga lenei ua faaalia ai se auala e mafai ona e faatusatusaina ai fuafuaga.

Gaoioiga i le Katuleta [Calculator]

Laasaga 1: Vaevae i ni vaega toalaiti e taitoalua i le taitoafa tagata.

Laasaga 2: Faitau i vaega toalaiti i tulaga nei. E tatau i tagata taitoatasi o le vaega ona faaaoga lana katuleta e pei ona faatonuina ai. Ia fesoasoani le tasi i le isi pe a manaomia ai, ma ia mautinoa ua maua e tagata uma le tali sao.

Faamatalaga: Tagai i le vaega “Punaoa” i le faaiuga o le mataupu mo tali.

FaitauVaai faalemafaufau e faapea, o loo e faatusatusaina ia fuafuaga inisiua a ni tagata nofo mautotogi se toalua: o se fuafuaga e maualuga le tau silia e 2,000 lea e 10 le tau i masina taitasi, ma se fuafuaga e maualalo ifo le tau silia e 500 lea e 40 le tau i masina taitasi.

Fa’ata’ita’iE tatau i tagata taitoatasi o le vaega ona fuafua tau aupito maualalo ma aupito maualuga i le tausaga mo fuafuaga taitasi. Tusi au tali i lalo.

	Tau Aupito Maualalo i le Tausaga	Tau Aupito Maualuga i le Tausaga
Fuafuaga e maualuga le tau silia
Fuafuaga e maualalo le tau silia

Fa’ata’ita’iE fia se tupe o le a e sefea i le fuafuaga e maualuga le tau silia i se tulaga e sili ona manaia (pe a faapea e na o le tau aupito maualalo i le tausaga e te totogia)? Tusi lau tali i lalo.

Tali:

Fa’ailoga(Tau aupito maualalo i le tausaga o le fuafuaga e maualalo le tau silia) – (Tau aupito maualalo i le tausaga o le fuafuaga e maualuga le tau silia)

FaitauIa maitau, i se tulaga e sili ona manaia, o le fuafuaga e maualuga le tau silia o le a e sefea ai le 360. O lona uiga, e tusa lava pe oo i le 360 e te puipuia o tupe faaalu e faatatau i meatotino a le tagata mautotogi mai i lau lava taga, e taugofie atu lava le alu i le fuafuaga e maualuga le tau silia, mo le tulaga lenei. Ae peitai, e le moni lenei mea i le tulaga e sili leaga.

Fa’ata’ita’iE fia se tupe o le a e sefea i le fuafuaga e maualalo ifo le tau silia i se tulaga e sili ona leaga (pe a faapea na tatau ona e totogia tau aupito maualuga i le tausaga)? Tusi lau tali i lalo.

Tali:

Fa’ailoga(Tau aupito maualuga i le tausaga o le fuafuaga e maualuga le tau silia) – (Tau aupito maualuga i le tausaga o le fuafuaga e maualalo le tau silia)

FaitauI le tulaga e sili ona leaga, lea na tatau ai ona e totogia le tau aupito maualuga i le tausaga, e toeitiiti faaluaina le tele (e ova i le 1,000) o le a e sefea i le filifilia o le fuafuaga e maualalo ifo le tau silia. A o e taumafai e filifili i le va o fuafuaga o inisiua ma mea e filifili ai, mafaufau i ou tulaga po o le tulaga o lou aiga ina ia mafai ona filifili ai le fuafuaga e sili ona fetaui ma ou manaoga.

Iloiloina o Isi Penefiti

FaitauI le gaoioiga na faatoa uma atu, sa tatou iloiloina ai se ituaiga se tasi o fuafuaga inisiua o meatotino (inisiua o tagata nofo mautotogi). E mafai ona tatou faaaogaina lea lava ituaiga o faagasologa pe a faatusatusa isi ituaiga o inisiua. Ae peitai, e masani ona i ai isi itu e mafaufau i ai, e ese mai i nao tau maualalalo ma maualuluga e ono i ai. O nisi nei o fesili faaopoopo e fesili ai pe a iloilo fuafuaga o inisiua eseese:

O a auaunaga po o mea e tutupu e puipuia ai?
O a ituaiga ma tapulaa o puipuiga?
O a ni manatu lautele e uiga i le kamupani inisiua?
E i ai ni tau pau e te ono agavaa ai?
Faamata e te totogia nao le tau e latalata i le tau aupito maualalo o tupe faaalu mai i lau lava taga?
Faamata e te totogia le tau aupito maualuga o tupe faaalu mai i lau lava taga?

Talanoa i le Tou Fonotaga Faaleaiga i le Tupe Faaleoleo ma le Inisiua

FaitauI le tou fonotaga faaleaiga i le vaiaso lenei, ia talanoa i auala e faaputu ai le tou tupe faaleoleo o se masina e tasi. Ia iloilo foi po o le fea o fuafuaga inisiua e taua mo lou aiga, ma suesue i polisi inisiua. Atonu e te manao e faaaoga le “Faataitaiga o le Talanoaga i le Fonotaga Faaleaiga” o loo faataoto atu i lalo.

Faataitaiga o le Talanaoga i le Fonotaga Faaleaiga

Ia mautinoa e amata ma faaiu i se tatalo e valaaulia ai le Agaga.

Vaega 1: Iloiloga

O faapefea mai oe i le mulimuli ai i lau paketi?
Pe o lava lau inisiua? O a ni polisi inisiua e te manaomia i lou tulaga?

Vaega 2: Fuafuaga

Afai e le o lava lau inisiua o i ai, o le fea le puipuiga e tatau ona e maua? Fai se iloiloga o tau-penefiti o fuafuaga o loo i ai (tagai i itulau 97–98).
O a ni mea e mafai ona e faia e vave faaputu ai lau tupe faaleoleo o se masina e tasi?