My Foundation: Sulbaron ang mga Problema—Labing Dugay nga Oras: 20 Minutos

Pamalandungi:Nganong gitugot man sa Langitnong Amahan nga magsagubang kita og mga problema ug mga hagit?

Tan-awa:“A Bigger Truck?” anaa sa srs.lds.org/videos. (Walay video? Basaha ang pahina 73

Mas Dako nga Trak?

Kon dili mo makatan-aw sa video, basaha kini nga script.

still from A Bigger Truck

Elder Dallin H. Oaks: Duha ka tawo naghimo og partnership. Naghimo sila og gamay nga tindahan daplin sa busy nga dalan. Nagkuha sila og trak ug gidala kini ngadto sa umahan sa mag-uuma, diin namalit sila og usa ka trak nga melon nga tag-usa ka dolyar kada melon. Ilang gidala ang puno nga trak ngadto sa ilang tindahan daplin sa dalan, diin ilang gibaligya ang mga melon og tag-usa ka dolyar kada melon. Mibalik sila sa umahan ug mipalit og laing usa ka trak nga melon nga tag-usa ka dolyar kada melon. Gidala kini sa daplin sa dalan, gibaligya nila pag-usab kini og-tag-usa ka dolyar kada melon. Sa ilang pagbalik sa umahan aron mopalit pag-usab, ang usa ka kauban miingon ngadto sa lain, “Wala man kaayo ta makaganansya niining negosyoha, di ba?” “Bitaw, wa kaayo ta makaganansya,” tubag sa iyang kauban. “Sa imong hunahuna nagkinahanglan kaha ta og mas dako nga trak?”

(“Focus and Priorities,“ Ensign, Mayo 2001, 82)

Balik sa pahina 72.

Hisguti:Unsa man ang tinuod nga problema niini nga sugilanon? Unsa man ang pipila ka opsyon para nilang duha?

Basaha:Doktrina ug mga Pakigsaad 9:7-9 ug ang kinutlo ni Robert D. Halesy (naa dapit sa tuo)

“Tan-awa, ikaw wala makasabut; ikaw nagdahum nga Ako mohatag niini nganha kanimo, samtang ikaw wala maghunahuna gawas sa pagpangutana kanako.

“Apan, tan-awa, Ako moingon nganha kanimo, nga ikaw kinahanglan gayud nga magtuon niini diha sa imong hunahuna; unya ikaw kinahanglan nga mangutana kanako kon kini husto, ug kon kini husto Ako mohimo sa imong dughan nga moinit diha sulod kanimo; busa, imong mabati nga kini husto.

“Apan kon kini dili husto ikaw dili makabaton niana nga mga pagbati, apan ikaw makabaton og kasamok sa hunahuna nga makahimo kanimo sa pagkalimot sa butang nga sayop.”

Doktrina ug mga Pakigsaad 9:7–9

“Gilauman sa Ginoo nga kita motabang sa pagsulbad sa atong kaugalingong mga problema. … Mga tawo kita nga dunay panghunahuna, nga kahibalong mangatarungan. May abilidad kita sa pag-ila sa atong mga panginahanglan, sa pagplano, sa pagtakda og mga tumong, ug sa pagsulbad sa atong mga problema.”

Robert D. Hales, “Every Good Gift,” New Era, Ago. 1983, 8, 9

Kalihokan

Step 1: Magpili og partner ug basahon ang matag lakang sa ubos.

solve problems diagram

Step 2: Magpili og problema nga imong giatubang ug isulat kini sa ubos.

Step 3: Gamita ang matag lakang sa imong problema.

Ilha:

Mga opsyon sa pagtuon:

Modesisyon ug molihok:

Basaha:1 Nephi 17:51 ug ang 1 Nephi 18:2–3 (naa dapit sa tuo)

“Ug karon, kon ang Ginoo aduna nianang dako nga gahum, ug nakahimo sa daghan nga mga milagro taliwala sa mga katawhan, ngano kini nga siya dili makatudlo kanako, nga ako kinahanglan mohimo og usa ka barko?”

1 Nephi 17:51

“Karon ako, si Nephi, wala molalik sa mga kahoy subay sa paagi diin nakat-unan sa mga tawo, ni ako mihimo og barko subay sa paagi sa mga tawo; apan ako mihimo niini sumala sa paagi diin gipakita sa Ginoo kanako; busa, kini wala mosubay sa paagi sa mga tawo.

“Ug ako, si Nephi, mitungas sa bukid kanunay ug ako nag-ampo ngadto sa Ginoo; busa, ang Ginoo mipakita ngari kanako sa mga mahinungdanon nga butang.”

1 Nephi 18:2–3

Hisguti:Sa unsang paagi nakahimo si Nephi og usa ka barko?

I-commit [Ipasalig]:I-commit nga himoon ang mosunod nga buluhaton sa semana. I-tsek ang mga box kon makompleto nimo ang matag buluhaton.

• Buhata ang mga lakang nga inyong gihisgutan sa kalihokan aron masugdan og sulbad ang imong problema. Hinumdumi, ayaw paghunong. Nagkinahanglan og panahon ang pagsulbad sa mga problema ug ang paghimo og mga kausaban.

• Ipaambit sa imong pamilya o mga higala kon unsay imong nakat-unan karon mahitungod sa pagsulbad og mga problema.