Magsugod—Labing Dugay nga Oras: 15 Minutos

Mag-ampo.

Mopaila sa imong kaugalingon. Matag usa kaninyo mogahin og usa ka minutos aron mosulti sa inyong ngalan ug mahitungod kaninyo.

Welcome sa Atong Grupo sa Self-Reliance!

Basaha:Kini nga grupo makatabang nga ikaw makakat-on, makamugna, ug maka-budget. Sugdan nimo ang paghimo og emergency fund, pagmugna og plano para wala nay utang, magkat-on sa pagtigom alang sa mga galastuhan sa umaabut, ug magplano alang sa pag-retire. Ang labing importante, makat-unan nimo ang mas daghan pa mahitungod sa imong relasyon sa Langitnong Amahan ug madapit sa pagdumala sa imong kwarta sa mga paagi nga makapahimuot Kaniya. Ang matag group meeting mokabat lang og mga duha ka oras.

Unsaon sa Paghimo Niini?

Basaha:Ang mga grupo sa self-reliance molihok sama sa usa ka council. Walay teacher o eksperto. Hinoon, imo rang sundon ang mga materyal sigun sa nasulat. Uban sa giya sa Espiritu, magtinabangay kamo sama sa mosunod:

• Parehong motampo sa mga diskusyon ug mga kalihokan. Walay bisan usa, ilabi na ang facilitator, ang modominar sa panagsultihay.

• Maghigugmaay ug magsuportahay sa usag usa. Mopakita og interes, mangutana, ug makakat-on kabahin sa usag usa.

• Mopaambit og positibo og mapuslanong mga komentaryo.

• Mohimo og motuman sa mga commitment.

Mitudlo si Elder M. Russel Ballard, “Walay problema sa pamilya, ward, o stake nga dili nato masulbad kon kita mangita og mga solusyon sumala sa paagi sa Ginoo pinaagi sa pagtinambagay—tinuoray nga magtinambagay—sa usag usa” (Counseling with Our Councils, rev. ed. [2012], 4).

Tan-awa:“My Self-Reliance Group,” anaa sa srs.lds.org/videos. (Walay video? Modiretso na sa “Without a Teacher, How Will We Know What to Do? [Kon Walay Magtutudlo, Unsaon Namo sa Pagkahibalo Unsay Buhaton?]” diha sa pahina 3.)

Hisguti:Unsay nakahimo sa grupo diha sa video nga malampuson kaayo? Unsay buhaton nato isip grupo aron makabaton og makausab sa kinabuhi nga kasinatian?

Without a Teacher, How Will We Know What to Do? [Kon Walay MAGTUTUDLO, Unsaon Namo sa Pagkahibalo Unsay Buhaton?

Basaha:Sayon ra kini. Sundon lang ang mga materyal. Ang matag kapitulo sa workbook dunay unom ka bahin:

• Report: Hisgutan ang kalamboan nga imong nahimo sa mga commitment atol sa semana.

• Pundasyon: Ribyuhon ang usa ka baruganan sa ebanghelyo nga moresulta sa mas talagsaong pagka-self-reliant sa espiritwal nga paagi.

• Magkat-on: Magkat-on og praktikal nga mga kahanas nga moresulta ngadto sa mas talagsaong pagka-sef-reliant sa temporal nga paagi.

• Pamalandungi: Maminaw sa Espiritu Santo nga naghatag og inspirasyon.

• Mo-commit: Isaad ang paglihok sa mga commitment atol sa semana nga maoy makatabang nimo sa paglambo.

• Molihok: Atol sa semana, praktisa unsay imong nakat-unan.

Unsaon sa Paggamit Niini nga Workbook

Kon Makita Nimo Kini nga mga Prompt, Sunda Kining mga Direksyon
Basaha	Tan-awa	Hisguti	Mamalandong	Kalihokan
Usa ka tawo ang mobasa og kusog para sa tibuok grupo.	Ang tibuok grupo manan-aw sa video.	Ang mga sakop sa grupo mag-ambitay sa mga hunahuna sulod sa duha ngadto sa upat ka minutos.	Ang mga indibidwal hilum nga mokonsiderar, mamalandong, ug magsulat sulod sa duha ngadto sa tulo ka minutos.	Ang mga sakop sa grupo tinagsa-tagsang motrabaho o magtrabaho nga may kauban sulod sa gitino nga oras.

Certificate of Completion

Basaha:Ang mga sakop sa grupo nga motambong ug motuman sa ilang mga commitment makadawat og self-reliance certificate gikan sa LDS Business College. Tan-awa sa pahina 208.