Magkat-on—Labing Dugay nga Oras: 45 Minutos

1. Mahimong Maalamon ug Matinud-anong Tinugyanan

Pamalandungi:Gahini og usa ka gutlo para sa hilum nga pagpamalandong sa mosunod nga pangutana ug isulat ang imong mga hunahuna.

• Unsa ko ka masaligon mahitungod sa akong kaugmaon sa panalapi?

Basaha:Sa pasumbingay mahitungod sa mga talento, gitudlo ni Kristo kanato ang pag-atiman sa unsay gihatag kanato. Gitugutan kita sa Ginoo nga mahimong mga tig-atiman—o mga tinugyanan—sa Iyang mga gasa kanato. Para niadtong mga nagmatinud-anon sa Iyang mga gasa, misaad si Kristo, “Maayong pagkabuhat, maayo ug kasaligan nga ulipon; sa diyutay kasaligan ka diay, sa daghan pagapiyalan ko ikaw; dumuyog ka sa kalipay sa imong agalon” (Mateo 25:21).

Hisguti:Unsa kaha ang ipasabut sa giingon nga ang tanang butang iya sa Ginoo?

Basaha:Isip kabahin sa atong pagkatinugyanan, giawhag kita nga magmanggialamon sa atong panalapi. Mitudlo si Presidente Gordon B. Hinckley:

“Awhagon ko kamo … sa pagtan-aw sa kondisyon sa inyong mga panalapi. Awhagon ko kamo sa paghinay-hinay sa inyong mga galastuhan, disiplinaha ang inyong mga kaugalingon sa inyong mga pagpamalit aron kutob sa mahimo makalikay sa utang. Bayari ang utang sa labing daling panahon, ug himoa ang inyong kaugalingon nga gawasnon gikan sa pagkaulipon.

“Kabahin kini sa temporal nga ebanghelyo nga atong gituohan. Unta panalanginan kamo sa Ginoo nga mahan-ay ang inyong panimalay. Kon nabayaran na ninyo ang inyong mga utang, kon aduna kamoy kwarta nga natigum, bisan og gamay lamang kini, dayon kon ang mga unos moulbo sa inyong palibut, aduna kamoy kasilungan alang sa inyong [pamilya] ug kalinaw sa inyong mga kasingkasing” (“To the Boys and to the Men,” Ensign, Nob. 1998, 54).

Samtang naningkamot ka sa paggamit sa imong kwarta sa maalamong paagi, motubo ang imong pagtuo kang Kristo, nga mag-andam alang sa mga panalangin nga moabut.

Hisguti:Sa unsang paagi ang pagdumala sa imong panalapi maghimo kanimong mas maayong tinugyanan?

Atong Madumala ang Atong Panalapi sa Maalamong Paagi

Basaha:Ang diagram nga naa sa pahina 8—ang Mapa alang sa Kalampusan sa Pagkatinugyanan sa Panalapi [Financial Stewardship Success Map]—naghulagway sa mga baruganan alang sa maalamon ug matinud-anong pagdumala sa panalapi. Tun-an nimo ug gamiton kining mga baruganan sa mosunod nga 12 ka semana. Hangtud sa katapusan niini nga kurso, trabahoon nimo ang pagpalambo sa imong pagtuo kang Jesukristo, magpalambo og panaghiusa uban sa imong kapikas, ug sa pagpalig-on sa imong commitment sa self-reliance. Ang matag leksyon magtutok sa piho nga bahin sa Mapa alang sa Kalampusan sa Pagkatinugyanan sa Panalapi.

Hisguti:Magpulipuli sa pagbasa sa mga item nga naa sa Mapa alang sa Kalampusan sa Pagkatinugyanan sa Panalapi (pahina 8). Sa unsang paagi ang matag usa niini makatabang sa imong dalan alang sa malampusong pagkatinugyanan sa panalapi?

Pakigtambag sa Ginoo Mahitungod sa Imong Panalapi

Basaha:Walay duda nga motumaw ang mga hagit samtang gamiton nimo kining mga baruganan sa malampusong pagkatinugyanan sa panalapi. Samtang magtinguha ka og tabang gikan sa imong isigka-sakop sa grupo, ug padayon nga magtinguha og tabang sa Ginoo, lig-unon ka aron mabuntog kana nga mga kalisdanan. Hinumdumi, kanunay nga mohatag og paagi ang Ginoo aron matuman ang Iyang mga sugo (tan-awa sa 1 Nephi 3:7).

Gitudloan ni Amulek ang kabus nga mga Zoramite “pangamuyo ngadto [sa Ginoo] alang sa mga abut sa inyong mga umahan, nga kamo mouswag diha. Pangamuyo alang sa inyong mga panon sa umahan, nga sila mosanay” (Alma 34:24–25). Kon makigtambag ka sa Ginoo mahitungod sa temporal nimong panginahanglan ug mga hagit ug maningkamot alang sa pagka-self -reliant sa panalapi, mopanalangin Siya ug molig-on kanimo.

Ang pagpakigtambag sa Ginoo mahitungod sa imong panalapi nagpasabut sa pag-ampo ngadto sa Langitnong Amahan ug pagpangayo og tabang alang sa giya bahin sa panalapi. Usa sa imong mga commitment niining semanaha mao ang pagpakigtambag sa Ginoo mahitungod sa imong panalapi.

Mapa alang sa Kalampusan sa Pagkatinugyanan sa Panalapi

graphic of financial success map

3. I-monitor ang Imong Kinitaan ug mga Gasto

Basaha:Ang unang lakang sa malampusong pagkatinugyanan sa panalapi mao ang pagsabut sa kasamtangan nimong kahimtang sa panalapi. Kon makaangkon ka og mas maayong panabut kon asa padulong ang imong kwarta, mahimo nimo ang mas maayong plano kon unsay gusto nimong padulngan sa imong kwarta. Sugdi pinaagi sa pag-monitor sa imong kinitaan ug mga gasto sulod sa unang upat ka semana niini nga kurso.

Pamalandungi:Gahini og pipila ka gutlo ug hunahunaa sa hilum ang mosunod nga mga pangutana:

• Nahibalo ba ko asa padulong ang akong kwarta matag bulan?

• Gibati ba nako nga ako ang nagkontrolar asa padulong ang akong kwarta?

Kalihokan (25 minutos)

Step 1: Sa tinagsa, hunahunaa ang tanang paagi nga magasto nimo ang kwarta. Sa ubos mao ang mga komon nga kategoriya kon asa gastuha sa mga tawo ang kwarta. Lingini ang mga dapit diin kasagaran gastuhon nimo ang kwarta, ug pagsulat og dugang pang mga kategoriya kon gikinahanglan. Ang kategoriya nga miscellaneous mao ang mga gasto nga dili haum sa ubang kategoriya.

Mga ikapulo ug mga halad	Transportasyon	Kalingawan [Entertainment]
Abang o prenda	Mga Tinigum	Mga restaurant
Insurance	Grocery	Miscellaneous
Mga gamit sa balay	Cell phone

Step 2: Isip grupo, hisguti ang dugang pang mga kategoriya nga inyong gihimo. Gamiton ra nimo sa dili madugay ang mga kategoriya nga naa sa ibabaw sa pag-organisar sa imong kinitaan ug mga gasto samtang i-monitor nimo kini.

Step 3: Sulod sa mosunod nga pipila ka semana, isulat ang matag higayon nga makadawat ka o mogasto og kwarta. Sa spreadsheet o sa notebook, paghimo og table nga daw sama tan-awon sa mosunod nga ehemplo. Sulati matag adlaw ang table. Kon makadawat ka og kwarta, irekord ang kantidad diha sa kolum nga income [kinitaan], kon mogasto ka’g kwarta, irekord ang kantidad diha sa kolum nga expense [gasto]. Sa pagpraktis, gahini og pipila ka gutlo ug isulat kutob sa tanang gasto sa milabayng 24 ka oras kutob sa imong mahinumduman. Ilakip ang mga kategoriya nga imong gihimo.

Petsa	Deskripsyon	Kategoriya	Kinitaan	Gasto
6/1	Tseke	Kinitaan	1,500.00
6/1	Juan’s Market	Grocery		78.32

Hisguti:Unsa kahay mga hagit diha nimo samtang nag-monitor ka sa imong mga gasto?

Pamalandungi:Isulat ang pipila ka paagi nga mabuntog nimo kini nga mga hagit.

Ang Pagmonitor sa mga Gasto Nahimo nga Gawi [Habit]!

Wala ko magtuo nga posible ang long term nga pagmonitor sa mga gasto. Apan karon gihipus nako ang akong mga resibo alang nianang adlawa ug dayon isulat ang tanan nakong gasto matag gabii. Mogahin ra ko og pipila ka minutos matag gabii ug gamayng luna sa akong pitaka nga hipusan sa akong mga resibo nianang adlawa!