My Foundation: Magpakita og Hugot nga Pagtuo kang Jesukristo—Labing Dugay nga Oras: 20 Minutos

Pamalandungi:Sa unsang paagi ang akong pagtuo kang Jesukristo makaapekto sa akong pagka-self-reliant?

Tan-awa:“Exercise Faith in Jesus Christ,” anaa sa srs.lds.org/videos. (Walay video? Basaha ang pahina 21

Magpakita og Pagtuo kang Jesukristo

Kon dili mo makatan-aw sa video, basaha kini nga script.

still from Exercise Faith in Jesus Christ

Elder David A. Bednar: Ang paglihok mao ang pagpakita og hugot nga pagtuo. Ang mga anak sa Israel nanagpas-an sa arka sa pakigsaad. Nangadto sila sa Suba sa Jordan. Ang saad mao nga motabok sila sa uga nga yuta. Kanus-a nabahin ang tubig? Dihang nabasa na ang ilang mga tiil. Mitaak sila sa suba—milihok. Misunod ang gahum—nabahin ang tubig.

Sa kasagaran magtuo kita, “Angkunon nako kining hingpit nga panabut, ug dayon ibalhin nako kana ngadto sa unsay akong buhaton.” Moingon ko nga duna na kitay igo aron makasugod. Aduna kitay pagsabut sa eksaktong direksyon. Ang hugot nga pagtuo usa ka baruganan—ang baruganan—sa paglihok ug sa gahum. “Ang tinuod nga pagtuo nagtutok ngadto sa Ginoong si Jesukristo ug kanunay nga mosangput sa paglihok.

(Tan-awa sa “Seek Learning by Faith” [pakigpulong para sa Church Educational System religious educators, Peb. 3, 2006], lds.org/media-library)

Balik sa pahina 20.

Hisguti:Ngano nga ang tinuod nga pagtuo kanunayng mosangput sa paglihok? Nganong gikinahanglan ang pagtuo aron matabangan kita sa Dios sa temporal ug espiritwal nga paagi?

Basaha:Mateo 6:30 ug ang kutlo gikan sa Lectures on Faith (naa dapit sa tuo)

“Ug, kon sa ingon gibistihan sa Dios ang mga tanom sa kaumahan, nga karon buhi pa apan ugma igasalibay na ngadto sa hudno, dili ba kamo labaw pa nga iyang pagabistihan, O mga tawo nga diyutayg pagsalig?”

Mateo 6:30

Dili ba ang tanan ninyong paningkamot sa tanang matang nag-agad man sa inyong pagtuo? … Samtang atong madawat pinaagi sa pagtuo ang tanang panalangin nga temporal nga atong madawat, kita usab sa samang paagi makadawat pinaagi sa pagtuo sa tanang espiritwal nga panalangin nga atong madawat. Apan ang pagtuo dili lamang baruganan sa paglihok, apan mahitungod usab sa gahum.”

Lectures on Faith (1985), 2, 3

Kalihokan

Ang dalan padulong sa self reliance usa ka biyahe sa pagtuo. Ang Unang Kapangulohan ug ang Korum sa Napulog Duha ka mga Apostoles nagdapit kanato nga himoong prayoridad sa atong kinabuhi ang pagpalambo sa atong pagtuo sa Langitnong Amahan ug sa Iyang Anak.

Step 1: Sa grupo, basaha ang mapanagnaong mga prayoridad nga naa sa box sa ubos.

Step 2: Hisguti kon sa unsang paagi ang matinud-anong pagtahud sa Igpapahulay, pag-ambit sa sakrament, ug pagbasa sa Basahon ni Mormon makatabang nga mahimo kang mas self-reliant.

Mapanagnaong mga Prayoridad ug mga Saad
“Hunahunaa ang gidak-on niana nga pamahayag! Ang kahingpitan sa yuta gisaad niadtong magbalaan sa adlawng Igpapahulay” (Russell M. Nelson, “Ang Igpapahulay usa ka Kahimut-an,” Ensign o Liahona, Mayo 2015, 131; tan-awa usab sa D&P 59:16).
“Ang pagka-espirituhanon dili kutob ra diha ug mao usab ang mga pakigsaad [sakrament]. Ang mga pakigsaad wala lang magdala og mga commitment apan nagdala kini og espiritwal nga gahum” (Neil L. Andersen, General Authority training meeting, Abr. 2015).
“Mopamatuod ko nga [ang Basahon ni Mormon] mahimo nga usa ka personal nga ‘Urim ug Thummim’ sa imong kinabuhi” (Richard G. Scott, “The Power of the Book of Mormon in My Life,” Ensign, Okt. 1984, 11).

I-commit [Ipasalig]:I-commit nga himoon ang mosunod nga buluhaton sa semana. I-tsek ang mga box kon makompleto nimo ang matag buluhaton.

• Ipakita ang imong pagtuo karong Dominggo pinaagi sa pagbalaan sa Adlawng Igpapahulay ug matinahurong pag-ambit sa sakrament.

• Magbasa gikan sa Basahon ni Mormon matag adlaw.

• Basaha ang mga kasulatan sa pahina 21. Pagpili og usa ug ipaambit kini sa imong pamilya o mga higala.

  Mga Kasulatan mahitungod sa Hugot nga Pagtuo inubanan sa Buhat

  Tungod kay si Daniel dili mohunong sa pag-ampo, gihulog siya ngadto sa langub sa mga leon, apan ang “Dios … nagpadala sa iyang manulonda, ug … gitak-uman ang ba-ba sa mga leon, … ug walay kadaut nga hikaplagan diha kaniya, tungod kay siya misalig man diha sa iyang Dios” (Daniel 6:22–23; tan-awa usab sa mga bersikulo 16–21).

  Gihatagan sa Ginoo og Liahona si Lehi aron mogiya sa iyang pamilya, ug “kini milihok alang kanila sumala sa ilang hugot nga pagtuo diha sa Dios. … [Dihang] nagtinapulan sila, ug nakalimot sa paggamit sa ilang pagtuo ug kakugi … wala sila mouswag sa ilang panaw” (Alma 37:40–41).

  “Dad-a ninyo ang tibuok ikapulo ngadto sa balay tipiganan … ug pinaagi niini sulayi ako karon … kon dili ba buksan ko kaninyo ang mga tamboanan sa langit, ug bu-boan ko kamo sa panalangin, sa pagkaagi nga wala na unyay dapit nga igong kabutangan sa pagdawat niini” (Malaquias 3:10).

  Atol sa gutom, mihangyo si Elijah sa usa ka biyuda nga ihatag kaniya ang iyang katapusang pagkaon. Si Elijah misaad nga tungod sa iyang pagtuo ang Ginoo mohatag kaniya og pagkaon, ug ang iyang pagkaon wala gayud mahurot. Tan-awa sa 1 Mga Hari 17

  “[Dihang] ang mga kabus ug hangul nagapangita og tubig, ug wala man, ug ang ilang dila namad-an tungod sa kauhaw, ako ang Ginoo magatubag kanila, ako, ang Dios sa Israel, dili mobiya kanila” (Isaias 41:17; tan-awa sa bersikulo 18).