My Foundation: Ang Self-Reliance Usa ka Baruganan sa Kaluwasan—Labing Dugay nga Oras: 20 Minutos

Pamalandungi:Juan 10:10 (dapit sa tuo)

“Ako mianhi aron sila makabaton og kinabuhi, ug sa pagkabaton niini sa madagayaon [abunda] gayud.”

Juan 10:10

Hisguti:Unsa ang madagayaon [abunda] nga kinabuhi?

Tan-awa:“He Polished My Toe,” nga naa sa srs.lds.org/videos. (Walay video? Basaha ang pahina 5.)

GIPAITUMAN NIYA ang Tudlo sa Akong Tiil

Kon dili mo makatan-aw sa video, basaha kini nga script.

still from He Polished My Toe

Elder Enrique R. Falabella: Sa nagtubo pa ko, nagkalisud kami. Nahinumdom ko usa ka adlaw dihang miduol ko ni papa ug miingon, “Pa, nagkinahanglan ko og bag-ong sapatos. Kini guba na.” Mihunong siya ug gitan-aw ang akong sapatos ug nakita nga guba na gyud. Miingon siya, “siguro mahimo ra nato ning ayuhon.” Mikuha siya og gamay nga itom nga pangpasinaw sa sapatos ug gipasinawan ang akong sapatos, sinaw na kini og nindot. Giingnan ko niya, ‘Karon anak, maayo na kini.” Mitubag ko, “Wala pa. Makita gihapon ang akong tudlo sa tiil nga milapos sa sapatos.” Miingon siya, ‘Ok, ayuhon pud nato kana!” Mikuha siya og gamay pang itom nga pangpasinaw ug gipaituman ang akong tudlo sa tiil!

Nianang adlawa akong nakat-unan nga dunay solusyon ang matag problema. Kumbinsido ako nga kining baruganan sa self-reliance ug inisyatibo maoy paagi sa pagpadali sa buhat sa Ginoo. Usa kini ka bahin sa buhat sa kaluwasan. Kitang tanan mas momaayo kay sa unsa kita karon. Wagtanga ang imong kakulang sa kadasig. Daghang higayon nga kontento ra kaayo ta, ug kini moguba sa atong paglambo. Ang matag adlaw mao ang adlaw nga makahimo ko og kalamboan kon mohukom ko nga mohimo og lahi sa pagpalambo sa kulang nga akong nahimo. Kon buhaton ninyo uban sa pagtuo, gamit ang hugot nga pagtuo ug paglaum kang Kristo nga naa Siya nga motabang nimo, makit-an nimo ang paagi nga molambo sa mga butang nga temporal ug espiritwal. Kini gumikan kay buhi ang Dios ug kamo Iyang anak.

Balik sa pahina 4.

Hisguti:Mituo ka ba nga adunay solusyon sa imong mga problema? Unsaon man nato nga mo-qualify kita sa gahum sa Ginoo para tabangan kita?

Basaha:Ang Handbook 2 reference ug kinutlo ni Elder Dallin H. Oaks (dapit sa tuo). Ang pagka-self-reliant wala magpasabut nga mabuhat nato o maangkon ang tanan nga giplano sa atong hunahuna. Hinoon, ang pagtuo nga pinaagi sa grasya, o sa gahum ni Jesukristo nga makapahimo, ug pinaagi sa kaugalingon natong paningkamot, maangkon nato ang tanan nga espiritwal ug temporal nga panginahanglan sa kinabuhi nga gikinahanglan nato sa atong kaugalingon ug sa atong pamilya. Ang self-reliance ebidensya sa atong pagsalig o hugot nga pagtuo sa Dios sa atong kinabuhi nga makahimo og mga milagro sa atong kinabuhi ug makahatag nato og kalig-on nga magmadaugon batok sa mga pagsulay ug mga kasakit.

“Ang self-reliance [pagpaningkamot sa kaugalingon] mao ang abilidad, pasalig, ug paningkamot sa pagsangkap sa espiritwal ug temporal nga mga kinahanglanon sa kinabuhi alang sa kaugalingon ug sa pamilya. Samtang ang mga miyembro mahimong self-reliant, sila usab mas makahimo sa pagserbisyo ug pag-atiman sa uban.”

Handbook 2: Administering the Church (2010), 6.1.1

“Bisag unsa pay hinungdan nga magsalig ra kita sa uban para sa mga desisyon o kapanguhaan nga atong mahimo sa atong kaugalingon kini makapaluya kanato sa esprituhanong paagi ug makapahinay sa atong pag-uswag sa unsay gitinguha sa plano sa ebanghelyo kanato.”

Dallin H. Oaks, “Paghinulsol ug Kausaban,” Ensign o Liahona, Nob. 2003, 40

Hisguti:Sa unsang paagi ang grasya ni Kristo nakatabang nga imong maangkon ang espiritwal ug temporal nga panginahanglan sa kinabuhi?

Kalihokan

Step 1: Magpili og partner ug basahon ang matag baruganan sa ubos.

Step 2: Hisguti kon nganong ang pagtuo niini nga mga kamatuoran makatabang nga mahimo kang mas self-reliant.

Mga Doktrinal nga Baruganan sa Self-Reliance
Ang self-reliance usa ka sugo.	“Ang Simbahan ug ang mga miyembro niini gisugo sa Ginoo nga mahimong self-reliant [mapaningkamuton sa kaugalingon] ug dili magsalig” (Mga Pagtulun-an sa mga Presidente sa Simbahan: Spencer W. Kimball [2006], 146).
Ang Dios makahimo sa pag-andam ug paghatag og paagi para ang matarung Niyang mga anak mahimong self-reliant.	“Ug mao kini ang akong katuyoan sa paghatag sa akong mga santos, kay ang tanan nga mga butang akò” (D&P 104:15).
Ang temporal ug ang espritwal usa ra sa Dios.	“Busa, sa pagkatinuod Ako moingon nganha kaninyo nga ang tanan nga mga butang ngari kanako mga espirituhanon” (D&P 29:34).

Hisguti:Basaha ang kinutlo ni Presidente Marion G. Romney (naa dapit sa tuo). Unsaon nimo sa pagkahibalo nga mas nagka-self-reliant ka?

“Kon wala ang pagka-self-reliant ang usa ka tawo dili makabansay niining kinaiyanhong mga tinguha sa pagserbisyo. Unsaon nato sa paghatag kon walay ikahatag? Ang pagkaon alang sa gigutom dili maggikan sa walay sulod nga mga estante. Ang kwarta aron sa pagtabang sa nanginahanglan dili maggikan sa walay sulod nga pitaka. Ang pagsuporta ug pagpasabut dili maggikan sa mga tawong naglisud sa emosyonal nga paagi. Ang pagpanudlo dili maggikan sa tawo nga walay kahibalo. Ug ang labing importante sa tanan, ang espirituhanong paggiya dili maggikan sa huyang sa espirituhanong paagi.”

Marion G. Romney, “The Celestial Nature of Self-Reliance,” Ensign, Nob. 1982, 93

I-commit [Ipasalig]:I-commit nga himoon ang mosunod nga buluhaton sa semana. I-tsek ang mga box kon makompleto na nimo ang matag buluhaton.

• Basaha ang sulat sa Unang Kapangulohan sa sulod sa atubangan nga hapin, ug badlisi ang gisaad nga mga panalangin. Unsay imong buhaton aron maangkon kini? Isulat ang imong mga hunahuna sa ubos.

• Ipaambit sa imong pamilya o mga higala kon unsay imong nakat-unan karon mahitungod sa self-reliance.