Lipoti—Taimi Aofai: 25 Minute

Tautinoga o le Vaiaso ua Te’a

1. Faataitai ma faasoa atu le mataupu faavae o le vaiaso ua te’a O Lo’u Faavae.

2. Faaauau pea ona tuu tupe i mea tautupe e ave i ai le faamuamua.

3. Talanoa i au tali i le “Siakiina o le Paketi ma le Faaaluina [o Tupe]” ma le saunia mo faafitauli tautupe i le taimi o le fonotaga faaleaiga.

4. Faafesootai ma lagolago la’u soa galue.

Laasaga 1: Iloilo faatasi ma le Soa Galue (5 minute)

Faaalu ni nai minute e iloilo ai au taumafaiga e tausi au tautinoga o lenei vaiaso. Faaaoga le siata “Iloiloina o A’u Taumafaiga” i le amataga o le tusi galuega lenei. Faasoa atu lau iloiloga i lau paga ma talanoa i le fesili o loo i lalo. Ona ia tusia lea o mataitusi amata o lona igoa i le mea o loo faaalia atu.

TalanoaO a ni luitau na e oo i ai i le tausia o au tautinoga i lenei vaiaso?

ata laitiiti o le iloiloina o au taumafaiga

Laasaga 2: Lipoti atu i le Vaega (8 minute)

A uma ona iloilo au taumafaiga, ia toe o mai faatasi ma lipoti atu au taunuuga. Ia faasolo i le vaega ma tau mai e tagata taitoatasi pe na e fuaina oe lava i le “lanumumu,” “samasama,” po o le “lanumeamata” mo tautinoga taitasi i le vaiaso ua te’a.

Laasaga 3: Faasoa Atu Ou Aafiaga (10 minute)

Ia faafesoaai nei o se vaega i mea ua e aoaoina mai le taumafaiga e tausia ou aafiaga i le aluga o le vaiaso.

Talanoa

• O a ni ou aafiaga na i ai i le faataitaiina po o le faasoaina atu o le mataupu faavae o Lo’u Faavae?

• Na faapefea mai lau talanoaga e uiga i lau paketi ma le faaaluina [o au tupe]?

• O le a se mea ua e filifili e fai e saunia lelei ai mo faafitauli tautupe?

Laasaga 4: Filifili Soa Galue (2 minute)

Filifili se soa galue mai le vaega mo le vaiaso a sau nei. E masani lava, o soa galue e tutusa itupa ma e le o ni tagata o se aiga.

Faaalu ni minute se lua i le taimi nei e feiloai ai ma lau soa galue. Faailoa atu oulua lava ma talanoa pe faapefea ona lua faafesootaia le tasi ma le isi i le aluga o le vaiaso.

Igoa o le soa galue

Faamatalaga e faafesootai ai

Tusi pe faapefea ma o afea o le a lua faafesootaia ai le tasi ma le isi i lenei vaiaso.

Aso Sa	Aso Gafua	Aso Lua	Aso Lulu	Aso Tofi	Aso Faraile	Aso Toonai