My Foundation: Tinguhaa ang Pagkat-on—Labing Dugay nga Oras: 20 Minutos

Pamalandungi:Sa unsang paagi ang pagkat-on makamugna og oportunidad?

Tan-awa:“Education for a Better Life,” anaa sa srs.lds.org/videos. (Walay video? Basaha ang pahina 165.)

Education for a Better Life [Edukasyon alang sa Mas Maayong Kinabuhi]

Kon dili mo makatan-aw sa video, basaha kini nga script.

sa gihapon gikan sa Education for Better Work [Edukasyon alang sa Mas Maayong Kinabuhi]

Elder Joseph W. Sitati: Sa edad nga 13 nagpuyo ko sa bukiran nga bahin sa Kenya. Ang mga tawo diyutay ra kaayo og kabtangan. Apan kadtong daw makapalit sa mga butang nga ganahan sa uban mao kadtong adunay maayo nga edukasyon. Akong nakita nga ang edukasyon importante aron makaangkon og mas maayong kinabuhi.

Misulod kanunay sa akong hunahuna nga moadto ug makigsulti sa prinsipal sa usa sa mga eskwelahan nga gusto kaayo nakong adto moeskwela. Nagkinahanglan ko sa bisikleta sa akong amahan aron mohimo niini nga panaw nga moabut og tunga sa adlaw. Wala pa gyud ko sukad makagawas sa among baranggay. Dili kaayo ko makasulti og Iningles, ug kini nga prinsipal puti nga tawo. Wala pa gayud ako sukad makahimamat o direkta nga makigsulti sa usa ka puti nga tawo, mao nga makahadlok kini nga panghunahuna.

Adunay nagsige og aghat sa sulod kanako ug nagsulti nga kinahanglan nako kining buhaton, busa miadto ko sa pagbisita sa prinsipal. Samtang mitan-aw ko kaniya akong nakita nga daw nakalitan siya nga makita kining batan-ong lalaki nga nagbarug sama sa usa ka sundalo diha sa iyang atubangan. Mabination ang iyang mga mata, ug nakahatag kadto kanako og kaisug. Giingnan nako siya nga gusto gyud kong moeskwela sa iyang eskwelahan ug malipay gyud ko pag-ayo kon iya kong dawaton. Dayon miingon siya, “Nan, atong tan-awon kon mogawas na ang resulta sa test.” Miingon ko, “Salamat sir.” Sa wala pay upat ka minuto migawas na ko sa opisina.

Kadtong upat ka minuto nga gigahin nako niana nga opisina mao ang nakapausab kaayo sa akong kinabuhi. Ako lamang ang bugtong estudyante gikan sa akong eskwelahan sa primary nga napili ngadto sa usa sa pinakamaayong eskwelahan sa among dapit. Mapasalamaton ako sa kamatuoran nga kining buotan nga tawo mihatag kanako niini nga oportunidad, ug midasig kini kanako nga maningkamot nga mahimong labing maayo nga estudyante sa akong klase.

Mihatag kadto kanako og bag-ong mga oportunidad nga makaadto og laing maayo nga eskwelahan ug dayon mangandam alang sa unibersidad. Ang akong edukasyon nakapahimo nga sa unibersidad makita nako ang akong maasawa. Nakapahimo kini nako nga makakita og trabaho sa siyudad. Samtang nagpuyo sa Nairobi, nakasugat kami og magtiayon nga misyonaryo nga midapit kanamo sa ilang panimalay, diin nagpahigayon sila og mga miting uban sa mga miyembro sa Simbahan. Kon wala pa ko sa Nairobi niadtong higayuna, dili gayud unta nako makaplagan ang ebanghelyo. Ang katinuod nga naa koy klarong trabaho naghimo nga makaserbisyo ko sa Simbahan.

Mopamatuod ko nga ang edukasyon importante para mahimong self-reliant. Moabli kini og daghang mga oportunidad aron makahimo kamo sa pagsangkap alang sa imong kaugalingon sa temporal nga paagi ug mahimong self- reliant usab sa espirituhanong paagi.

Balik sa pahina 162.

Hisguti:Unsa may gusto ni Elder Joseph W. Sitati sa 13 anyos pa siya? Unsa may iyang gibati bahin niini?

Basaha:Doktrina ug mga Pakigsaad 88:118–19 ug ang kutlo ni Presidente Gordon B. Hinckley (naa dapit sa tuo)

“Pangitaa ninyo nga makugihon ug magtudlo sa usag usa sa mga pulong sa kaalam; oo, pangitaa ninyo gikan sa labing maayo nga mga basahon ang mga pulong sa kaalam; pangitaa ang pagtulun-an, gani pinaagi sa pagtuon ug usab pinaagi sa hugot nga pagtuo. … Pagtukod og usa ka balay … sa pagtulun-an.”

Doktrina ug mga Pakigsaad 88:118–19

“Duna kitay responsibilidad ug hagit nga mabutang ang atong kaugalingon diha sa natad sa negosyo, siyensya, gobyerno, medisina, edukasyon, ug sa tanang maayo ug makatabang nga bokasyon. Duna kitay obligasyon sa pagbansay sa atong mga kamot ug mga hunahuna nga mahimong talagsaon sa buhat sa kalibutan alang sa pagpanalangin sa tanang katawhan.”

Gordon B. Hinckley, “A City upon a Hill,” Ensign, Hulyo 1990, 5

Pamalandungi:Unsa nga mga hunahuna ug mga impresyon ang inyong nadawat gikan sa Espiritu Santo mahitungod sa pagpalambo sa inyong kinabuhi?

Kalihokan—Paghimo og “Misyon sa Kinabuhi”

Step 1: Basaha ang kinutlo gikan ni Presidente Henry B. Eyring (nga naa sa pahina 163). Ang Ginoo adunay plano alang kaninyo. Gipanalanginan Niya kamo og espesyal nga mga gasa ug mga talento nga maghimo nga imong maabut ang bisan unsa nga Iyang gitinguha para kanimo. Matuman nimo ang imong misyon dinhi sa kalibutan kon magkugi ka sa pagpangita ug pagsabut ug pagtuman sa Iyang kabubut-on para kanimo.

“Pangaliyupo nga ang Espiritu mopakita kaninyo kon unsay gusto sa Ginoo nga ipabuhat kaninyo. Planoha ang paghimo niini. Saari Siya nga motuman kamo. Buhata uban sa determinasyon hangtud inyong mabuhat ang Iyang ipabuhat. Ug dayon pag-ampo … sa kasayuran kon unsay sunod ninyong angay nga buhaton.”

Henry B. Eyring, “Pagbuhat diha sa Tanan nga Kakugi,” Ensign o Liahona, Mayo 2010, 63

Step 2: Tubaga ang mga pangutana sa ubos aron sa pagsugod og himo sa imong panglantaw o “misyon sa kinabuhi.”

Ang Akong Misyon sa Kinabuhi
Unsa man ang gusto nakong maabut lima ka tuig gikan karon?
Ngano?
Unsa nga mga kahanas, kahibalo, o kasinatian ang akong gikinahanglan aron makaabut ko didto?

I-commit [Ipasalig]:I-commit nga himoon ang mosunod nga mga buluhaton karong semanaha. I-tsek ang mga box kon makompleto nimo ang matag buluhaton.

• Kompletuha ang mosunod nga mga tumong ug mga kalihokan sa mentor.

• Tiwasa ang pagsulat sa imong “misyon sa kinabuhi” planoha ug hisguti kini uban sa imong pamilya.

• Hangyoa ang usa ka tawo nga mahimo nimong mentor [tigtudlo] ug pag-iskedyul og panahon nga mag-abut.

Kalihokan—Paghimo og mga Tumong

Step 1: Basaha ang kinutlo gikan ni Presidente Howard W. Hunter (naa dapit sa tuo). Pinaagi sa mga tumong, ang atong mga paglaum mahimong buhat.

“Kini ang ebanghelyo sa paghinulsol, ug nagkinahanglan kita nga magmahinulsulon ug mohimog lig-ong desisyon. Gani, ang proseso sa paghinulsol, paghimo og mga commitment, ug pagtakda og mga tumong kinahanglan nga mapadayunon. … Mosugyot ko kanimo niini nga buhat.”

Howard W. Hunter, “The Dauntless Spirit of Resolution” (Brigham Young University devotional, Ene. 5, 1992), 2, speeches.byu.edu

Ang mga tumong kinahanglan nga:

1. Piho ug masukod.

2. Isulat ug ibutang sa dapit diin makita nimo kini sa matag adlaw.

3. May gitakdang mga oras sa pagkompleto.

4. May piho nga mga lihok nga buhatunon aron matuman ang tumong.

5. Padayon nga maribyu, ma-report, ug ma-update.

Step 2: Sa lahi nga papel, pagsulat og duha o tulo ka tumong nga makatabang nga makab-ot ang imong misyon sa kinabuhi. Sunda ang example nga naa sa ubos. Ibutang ang papel diin imo kining makita kada adlaw.

Tumong	Ngano?	Mga Piho nga Lakang sa Pagkab-ot sa Tumong	Timeline [Iskedyul]	Kang Kinsa man Ko Moreport sa Akong Pag-uswag?
EXAMPLE: Mobasa sa Basahon ni Mormon 30 minutos matag adlaw.	Aron makadawat ko og inadlawng direksyon gikan sa Espiritu Santo.	1. Mobangon alas 6:30 sa buntag matag adlaw. 2. Mobasa sa dili pa mamahaw. 3. Morekord sa akong pag-uswag diha sa tsart.	Akong i-evaluate ang akong pag-uswag matag gabii sa dili pa ko matulog.	Akong ipaambit ang akong tsart sa paglambo ngadto sa sakop sa akong pamilya matag Dominggo.

Kalihokan—Pagpangita og Mentor [Tigtudlo]

Step 1: Basaha ang kinutlo gikan ni Elder Robert D. Hales (naa dapit sa tuo). Dunay managlahing matang sa mga mentor. Basin nagkinahanglan ka og tawo nga dunay daghang kasinatian nga makatubag sa imong mga pangutana—tawo nga nakahimo na sa unsay gusto nimong buhaton. Ang ubang mentor posibling mga higala nga matarung o mga sakop sa pamilya. Mga tawo kini kinsa andam nga mogahin og panahon sa pagdasig kanimo aron mohimo og mga kausaban sa imong kinabuhi ug maghimo kanimong may responsibilidad sa pag-uswag.

“Sa akong katuigan isip young adult, nangayo ko og tambag sa akong mga ginikanan ug sa matinud-anon, kasaligang mga tigtambag. Ang usa gikan sa lider sa priesthood; ang lain gikan sa magtutudlo nga mituo kanako. … Mainampuong mopili og mga tigtudlo [mentor] kinsa naghunahuna sa inyong espirituhanong kaayohan.”

Robert D. Hales, “Pagdawat ug Pagbuntog sa mga Hagit sa Kalibutan Karon,” Ensign o Liahona, Nob. 2015, 46

Step 2: Hunahunaa ang matang sa tabang nga imong gikinahanglan. Ilista ang mga tawo nga mahimo nimong mga mentor. Pamalandungi ug iampo ang imong mga ngalan nga gilista.

Step 3: Tubaga ang mga pangutana sa ubos aron masugdan ang pakigrelasyon sa usa ka mentor. Sa pagdapit og tawo nga mahimo nimong mentor, mahimo kang mohangyo, “Naningkamot ko nga makahimo og kausaban sa akong kinabuhi. Andam ka bang motabang nako?”

Ang Akong Mentor
Kinsa ang gusto nimong mahimo nga mentor?
Kanus-a nimo siya hangyoon nga mahimo nimong mentor?
Kanus-a kamo mahimong mag-abut aron mapaambit ang imong “misyon sa kinabuhi” ug mga tumong?
Unsa ka kasagaran gustong makigkita sa imong mentor?

Step 4: Hinumdumi nga ikaw ang responsable sa imong “misyon sa kinabuhi.” Kon ikakita na nimo ang imong mentor:

• Ribyuha ang imong pag-uswag.

• Ribyuha ang mga babag sa imong pag-uswag ug unsay imong gihimo sa pagbuntog niini.

• Ribyuha sa piho kon unsa ang imong planong buhaton sa dili pa nimo ikakita og usab ang imong mentor.