Ide pou Pwogresyon nan tout domèn nan lavi a

Gen si anpil fason w ka pwogrese nan lavi ou! Chèche ide nan paj ki vini apre yo, oubyen vini ak pwòp ide pa w. Mande Pè Selès la pou ede w konn kisa w bezwen travay sou li nan moman sa a.

Ou ka jwenn ide adisyonèl nan ChildrenandYouth.ChurchofJesusChrist.org ak nan app Gospel Living nan.

Espirityèl

jèn k ap li ekriti yo

• Priye sensèman.

• Etidye ekriti yo ak pawòl pwofèt vivan yo.

• Chèche opòtinite pou w pataje levanjil la.

• Dekouvri epi devlope don espirityèl ou yo.

• Prepare w pou benediksyon patriyakal ou.

• Rete diy pou w resevwa ak kenbe yon rekòmandasyon tanp.

• Travay sou istwa familyal ou epi sèvi nan tanp.

• Eksprime gratitid chak jou.

• Kenbe yon kòmandman pi totalman.

• Etidye lavi Kris la.

• Rete diy pou w pran sentsèn chak semèn.

• Patisipe nan seminè.

Sosyal

jèn ka p salye granmoun

• Pote plis atansyon ak bezwen lòt moun.

• Aprann koute byen epi eksprime ide w klèman.

• Renmen ak sèvi moun ki bò kote ou.

• Pase tan avèk fanmi w.

• Prepare pou w vin yon konjwen ak yon paran.

• Devlope rezistans—kapasite pou adapte ak andire lè bagay yo vin difisil.

• Enplike w nan aktivite lekòl oubyen aktivite kominotè.

• Chèche fason pou w pran swen pòv yo.

• Aprann prezante eskiz. Aprann padone.

• Pale epi aji ak jantiyès, epi evite komeraj.

Fizik

jèn k ap monte bisiklèt

• Amelyore sante w ak fòs fizik ou.

• Aprann oubyen amelyore nan yon talan fizik, tankou nan espò, dans, oswa aktivite ki fèt deyò.

• Aprann oubyen amelyore nan yon talan atistik oswa atizana.

• Jere dezi fizik yo nan yon fason ki ansante.

• Aprann fason pou pwoteje tèt ou kont abi, epi cheche èd si nesesè.

• Evite pònografi.

• Chèche bonjan fason pou jere emosyon ak strès.

• Aprann kijan pou w pran swen timoun.

• Pratike bon ijyèn.

• Aprann kijan pou w byen itilize zouti pou fè jaden ak zouti pou kay yo.

• Aprann talan pou w bay premye swen ak pou w siviv nan raje.

• Itilize langaj apwopriye, epi pa sèmante.

Entelektyèl

jèn kap etidye

• Amelyore kapasite pou w li ak ekri.

• Devlope bon abitid pou etidye.

• Chèche konn kisa w bezwen fè pou w jwenn yon bon travay, epi kòmanse travay pou w atenn bi sa a.

• Aprann plis konsènan yon bagay ki enterese ou.

• Pale avèk moun ou admire pou w ka konn kijan yo devlope kalite w ta renmen akeri yo.

• Aprann kijan pou w jere lajan avèk sajès.

• Etidye yon sijè levanjil la an pwofondè.

• Aprann konpetans pwofesyonèl debaz ke w ka itilize kounyea oubyen pita.

• Asiste evenman kiltirèl yo.

• Aprann yon lòt lang.

• Vin plis otonòm.

• Aprann ak fè pratik prensip disiplin tèt.