“Ahoana no fomba ahafahanao manaraka an’i Jesoa?” Fivoaran’ny tena manokana: Boky torolalana ho an’ny ankizy (2019)
“Ahoana no fomba ahafahanao manaraka an’i Jesoa?” Fivoaran’ny tena manokana: Boky torolalana ho an’ny ankizy
Ahoana no fomba ahafahanao manaraka an’i Jesoa?
Fony i Jesoa nitovy taona taminao dia nianatra sy nivoatra Izy. Mianatra sy mivoatra ihany koa ianao izao. Hoy ny soratra masina hoe:
Ara-panahy
“Nandroso fitia tamin’ Andriamanitra”
Asehoy ny Ray any An-danitra fa tia Azy ianao. Afaka mianatra momba Azy ianao, mivavaka, mamaky soratra masina, ary misafidy ny tsara.
Ara-piarahamonina
“Nandroso fitia tamin’ … ny olona”
Ampio ny olona manodidina anao. Afaka mitia ny fianakavianao, mianatra ny mitia sy manompo ny hafa, ary manao izay hahazoana namana ianao.
Ara-batana
“[M]itombo tena”
Karakarao ny vatanao ary ireo zavatra manodidina anao. Afaka mihinana sakafo mahasalama, miasa sy milalao, ary mikarakara ny tokantranonao ianao.
Ara-tsaina
“[M]itombo saina”
Mianara zava-baovao, ary ampiasao izay nianaranao mba hanampiana ny hafa. Afaka mianatra ianao ao an-tokantrano, any am-piangonana, ary any an-tsekoly.