Exodo 2–3

Ni Moises a Propeta

Naawagan a mangwayawaya kadagiti tao ti Apo

Dimmakkel ni Moises kas maysa nga anak ti babai nga anak ni Faraon. Nakita ni Moises a natangsit dagiti Egipsio kadagiti Israelita. Nagleddaang gapu ta inaramid dagiti Egipsio dagiti Israelita nga adipenda.

Exodo 2:10–11

Maysa nga aldaw nakita ni Moises ti maysa nga Egipsio a mangsapsaplit iti maysa nga Israelita. Tapno masalakniban ti Israelita, pinatay ni Moises ti Egipsio.

Exodo 2:11–14

Idi maduktalan ni Faraon, kayatna a patayen ni Moises, ngem pimmanaw ni Moises manipud iti Egipto.

Exodo 2:15

Dimteng ni Moises iti maysa a lugar a maawagan iti Madian, a nakaam-ammuanna iti maysa a babai nga agnagan iti Sefora. Nagkallaysada ket naaddaanda iti annak.

Exodo 2:21–22

Bayat ti panagindegna iti Madian, nakita ni Moises ti maur-uram a bassit a kayo, ngem saan nga inuram ti apuy ti bassit a kayo. Nagparang ti Apo iti apuy ket nagsao ken ni Moises.

Exodo 3:1–6

Kinuna ti Apo nga ammona nga agsagsagaba dagiti Israelita idiay Egipto. Imbilinna nga agsubli ni Moises iti Egipto ken ibagana ken ni Faraon a wayawayaanna dagiti Israelita. Kinuna ti Apo a tulonganna ni Moises a mangwayawaya kadagiti Israelita ken mangidauluan kadakuada nga agturong iti naikari a daga.

Exodo 3:7–18