Genesis 17; 21–22

Da Abraham ken Isaac

Maysa nga ama, maysa nga anak, ken maysa a sakripisio

Naaddaan iti maysa a maladaga a lalaki da Abraham ken Sara, kas iti inkari ti Apo. Pinanagananda iti Isaac.

Genesis 17:9; 21:1–3

Inayatda ni Isaac. Sinuruanda nga agpili iti umno ken agtalek iti Apo.

Genesis 21:8

Inkari ti Apo kada Abraham ken Sara a babaen ken ni Isaac dumakkelto ti pamiliada a mangbendision iti intero a daga. Ngem maysa nga aldaw imbaga ti Apo ken ni Abraham nga ipanna ni Isaac iti Bantay Moria ket idatonna ni Isaac kas maysa a sakripisio.

Genesis 17:1–8; 22:1–2

Iti dalanda a mapan iti bantay, sinaludsod ni Isaac no sadino ti kordero nga isakripisio. Kinuna ni Abraham a mangtedto ti Apo iti maysa.

Genesis 22:4–8

Iti Bantay Moria, nangbangon ni Abraham iti altar ket nangikabil kadagiti kayo iti daytoy.

Genesis 22:8–9

Kas iti imbilin ti Apo, indawat ni Abraham ken ni Isaac nga agidda iti rabaw ti altar. Nagtalek ni Isaac ken ni Abraham kas iti panagtalek ti Mangisalakan a ni Jesucristo Iti Amana.

Genesis 22:9

Idi rugian ni Abraham nga isakripisio ni Isaac, pinagsardeng ti anghel ti Apo. Impakita ni Abraham ti pammatina iti Apo. Ammo ni Abraham a kanayon a surotenna ti Apo.

Genesis 22:10–12

Timmangad ni Abraham ket nakitana ti maysa a karnero a naisalat iti kakaywan. Nangipaay ti Apo iti karnero para iti sakripisio.

Genesis 22:13

Naammuan da Abraham ken Isaac no kasano nga idaton ti Nailangitan nga Ama ti Anakna a ni Jesucristo kas maysa a sakripisio. Nagtalek ni Apo Jesucristo ken ni Abraham gapu ta nagtungpal. Nagtalek ni Abraham iti kari ti Apo nga iti maysa nga aldaw dumakkelto ti pamiliana a nalablabes iti bilang dagiti bituen iti tangatang.

Genesis 22:17–18; Jacob 4:5