Genesis 16

Agar

Ti plano ti Apo para iti anakna a babai

Adipen ni Sara ni Agar. Baketen ni Sara ken awanan iti annak. Imbagana iti asawana, ni Abraham, nga ikallaysana ni Agar tapno maaddaanda iti annak. Nagkallaysa da Abraham ken Agar, ket iti saan a mabayag maaddaanto ni Agar iti maysa nga anak.

Genesis 16:1–3

Nangrugi a nagtinnangsit da Agar ken Sara. Pinili ni Agar ti aglibas a napan iti disierto.

Genesis 16:4–6

Bayat ti panagbaniaga ni Agar, kasta unay ti pannakabannog ken pannakawawna. Kamaudiananna, nakadanon iti maysa a lugar nga addaan iti danum ket naginana idiay.

Genesis 16:7

Ammo ti Apo maipapan kadagiti parikut ni Agar ket adda planona a tumulong kenkuana. Imbaonna ti maysa nga anghel a mangidawat kenkuana nga agsubli kada Abraham ken Sara. Inkarina a dumakkelto ti pamilia ni Agar. Kinunana a lalakinto ti agbalin nga anakna ket nasken a panagananna daytoy iti Ismael.

Genesis 16:7–14

Nagtalek ni Agar iti Apo ket nagtungpal iti anghel. Nagsubli isuna kada Abraham ken Sara. Naaddaan ni Agar iti maladaga a lalaki, ken Ismael ti naganna. Ammo ni Agar nga agbambantay ti Apo kenkuana.

Genesis 16:11, 15