“Ni Eliseo ken ti Buyot ti Apo,” Dagiti Estoria iti Daan a Tulag (2022)
“Ni Eliseo ken ti Buyot ti Apo,” Dagiti Estoria iti Daan a Tulag
2 Ar-ari 6
Ni Eliseo ken ti Buyot ti Apo
Dagiti karuahe ti apuy ti Apo
Saan a magustuan dagiti Sirio dagiti Israelita. Imbaon ti ari ti Siria ti buyotna a mangtiliw ken ni Eliseo a propeta. Iti rabii, linawlaw ti buyot ti siudad a yan ni Eliseo.
2 Ar-ari 6:8–14
Nakariing ti agtutubo nga adipen ni Eliseo ket nakitana ti buyot ti Siria. Dinamagna ken ni Eliseo no ania ti nasken nga aramidenna. Imbaga ni Eliseo iti agtutubo a lalaki a saan nga agbuteng. Kinunana a dakdakkel ti buyot a makirangranget para kadakuada ngem iti buyot a makirangranget a maibusor kadakuada.
2 Ar-ari 6:15–16
Indawat ni Eliseo iti Apo nga ipakitana iti agtutubo a lalaki ti nakita ni Eliseo. Impakita ti Apo kenkuana ti nailangitan a buyot nga addaan kadagiti kabalio ken karuahe ti apuy a mangsalaknib kadakuada. Nabulsek ti buyot ti Siria babaen iti bileg ti Dios. Saandan a kinaranget pay dagiti Israelita.
2 Ar-ari 6:17–23