« ការរៀបចំខ្លួនទៅព្រះវិហារបរិសុទ្ធ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ការរៀបចំខ្លួនទៅព្រះវិហារបរិសុទ្ធ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
ការរៀបចំខ្លួនទៅព្រះវិហារបរិសុទ្ធ
ការរៀបចំខ្លួនទៅព្រះវិហារបរិសុទ្ធ
ទិដ្ឋភាពទូទៅ
ព្រះវិហារបរិសុទ្ធគឺជាកន្លែងដ៏បរិសុទ្ធដែលត្រូវបានឧទ្ទិស និងញែកចេញពីលោកិយ ដើម្បីជួយយើងឲ្យខិតទៅកាន់តែជិតព្រះវរបិតាសួគ៌ និងព្រះយេស៊ូវគ្រីស្ទ ។ ចំណុចសំខាន់នៃការថ្វាយបង្គំនៅក្នុងព្រះវិហារបរិសុទ្ធរបស់យើងអាចមើលឃើញនៅក្នុងអ្វីដែលត្រូវបានសរសេរនៅលើព្រះវិហារបរិសុទ្ធនីមួយៗ ៖ « ដំណាក់នៃព្រះអម្ចាស់ » ។ នៅពេលយើងត្រៀមខ្លួន និងចូលទៅក្នុងព្រះវិហារបរិសុទ្ធដោយមានភាពស័ក្ដិសម នោះយើងធ្វើសេចក្ដីសញ្ញាជាមួយនឹងព្រះវរបិតាសួគ៌ ។ យើងក៏មានឱកាសដើម្បីចូលរួមជាមួយព្រះអង្គសង្គ្រោះក្នុងកិច្ចការរបស់ទ្រង់ក្នុងនាមជា « អ្នកដែលបានសង្គ្រោះ » ( សូមមើល អូបាឌា ១:២១ ) នៅពេលយើងចូលរួមកិច្ចការពង្សប្រវត្តិ ។
ការផ្ដល់យោលបល់ស្តីពីល្បឿនបង្រៀន ៖ មេរៀនទាំងនេះអាចបង្រៀននៅចំណុចណាមួយក្នុងឆ្នាំសិក្សាក៏បាន ឬក្នុងអំឡុងសប្តាហ៍ណាមួយនៅក្នុងល្បឿននៃសៀវភៅ ចូរមកតាមខ្ញុំ ។ លទ្ធភាពដែលអាចធ្វើបានមួយចំនួនត្រូវបានរាយបញ្ជីខាងក្រោមសម្រាប់មេរៀនជាក់លាក់នានា ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវការដើម្បីរៀបចំទុកជាមុនសម្រាប់មេរៀននីមួយៗ ។
ព្រះយេស៊ូវគ្រីស្ទគឺជាចំណុចសំខាន់នៅក្នុងការថ្វាយបង្គំនៅព្រះវិហារបរិសុទ្ធទាំងអស់របស់យើង
ការផ្ដល់យោលបល់ស្តីពីល្បឿនបង្រៀន ៖ ដោយសារមេរៀននេះប្រើប្រាស់អ្វីដែលព្រះអម្ចាស់បានសន្យាជាមួយរាស្ត្រក្នុងសេចក្ដីសញ្ញារបស់ទ្រង់ នៅពេលពួកគេបានសាងសង់ដំណាក់មួយថ្វាយដល់ទ្រង់ អ្នកអាចពិចារណាអំពីការបង្រៀនមេរៀននេះនៅកៀក « មេរៀនទី ៥២ ៖ និក្ខមនំ ២៥; ៣៥–៤០ »; « មេរៀនទី ៧៩: ពង្សាវតារក្សត្រ ទី១ ៦–៩ »; ឬ « មេរៀនទី ១៥៥ ៖ ហាកាយ » ។
គោលបំណងមេរៀន ៖ ជួយសិស្សឲ្យមាននូវបំណងប្រាថ្នាដើម្បីចូលទៅជិតព្រះយេស៊ូវគ្រីស្ទនៅក្នុងព្រះដំណាក់របស់ទ្រង់កាន់តែខ្លាំងឡើង ។
-
ការរៀបចំសិស្ស ៖ ដើម្បីជួយសិស្សរៀបចំសម្រាប់មេរៀននេះ សូមអញ្ជើញសិស្សឲ្យជញ្ជឹងគិតអំពីពរជ័យដែលពួកគេ ឬអ្នកផ្សេងទៀតដែលពួកគេស្គាល់ បានទទួលតាមរយៈការចូលរួមនៅក្នុងព្រះវិហារបរិសុទ្ធ ។
-
មាតិកាដែលត្រូវបង្ហាញ ៖ សម្បកកង់ ឬវត្ថុផ្សេងទៀតដែលមានចំណុចកណ្តាលច្បាស់ មាត្រដ្ឋានសម្រាប់ធ្វើស្វ័យតម្លៃ រូបភាពរោងឧបោសថនៅក្នុងព្រះគម្ពីរសញ្ញាចាស់ និងព្រះវិហារបរិសុទ្ធរបស់ស្ដេចសាឡូម៉ូន
-
វីដេអូ ៖ « A Symbol of Jesus Christ » ( ១:១១ )
ក្រឹត្យវិន័យនៃការគោរពប្រតិបត្តិនិងការពលិកម្ម
ការផ្ដល់យោលបល់ស្តីពីល្បឿនបង្រៀន ៖ មេរៀននេះប្រើ អ័ប្រាហាំ ៣:២៤–២៥ ដើម្បីបង្រៀនអំពីក្រឹត្យវិន័យនៃការគោរពប្រតិបត្តិ និង ម៉ូសេ ៥:៤–៩ ដើម្បីបង្រៀនអំពីក្រឹត្យវិន័យនៃការពលិកម្ម ។ សូមពិចារណាអំពីការបង្រៀនមេរៀននេះនៅកៀក « មេរៀនទី ៣ ៖ អ័ប្រាហាំ ៣ » ឬ « មេរៀន ១២៖ ម៉ូសេ ៤:៥–៣២; ៥:១–១៥, ផ្នែកទី ២ » ។
គោលបំណងមេរៀន ៖ ជួយសិស្សឲ្យយល់ពីក្រឹត្យវិន័យនៃការគោរពប្រតិបត្តិនិងការពលិកម្មដែលយើងធ្វើសេចក្ដីសញ្ញាដើម្បីរក្សានៅក្នុងពិធីបរិសុទ្ធ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីសំណួរនេះមុនពេលមកថ្នាក់ ៖ តើការធ្វើសេចក្ដីសញ្ញាបន្ថែមជាមួយព្រះវរបិតាសួគ៌នឹងប្រទានពរដល់ជីវិតខ្ញុំយ៉ាងដូចម្ដេច ?
-
សម្ភារដែលត្រូវយកមក ៖ ខ្សែយឺតសម្រាប់ហាត់ប្រាណចំនួនបីសម្រាប់មេរៀនដែលប្រើវត្ថុ
-
វីដេអូ ៖ « Stronger and Closer Connection to God Through Multiple Covenants » ( ២៨:១៣ ) ចាប់ពីនាទីទី ៤:១៣ ដល់ ៥:៤៤
-
សំណៅមេរៀន ៖ « ក្រឹត្យវិន័យនៃការគោរពប្រតិបត្តិនិងការពលិកម្ម »
ការរៀបចំខ្លួនចូលព្រះវិហារបរិសុទ្ធដោយស័ក្តិសម
គោលបំណងមេរៀន ៖ ជួយសិស្សជញ្ជឹងគិតអំពីភាពស័ក្ដិសមរបស់ពួកគេដើម្បីចូលទៅក្នុងព្រះវិហារដ៏បរិសុទ្ធរបស់ព្រះវរបិតាសួគ៌ និងព្រះយេស៊ូវគ្រីស្ទ ។
-
ការរៀបចំសិស្ស ៖ ដើម្បីជួយសិស្សឲ្យរៀបចំខ្លួនដើម្បីស្វែងយល់បន្ថែមអំពីបទដ្ឋានដែលព្រះអម្ចាស់បានកំណត់ដើម្បីចូលទៅក្នុងព្រះវិហារបរិសុទ្ធ សូមអញ្ជើញពួកគេឲ្យអានសំណួរសម្រាប់ទទួលប័ណ្ណចូលព្រះវិហារបរិសុទ្ធដែលមាននៅក្នុងឧបសម្ព័ន្ធនៃ ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស [ ឆ្នាំ២០២២ ] ។ អញ្ជើញពួកគេឲ្យមកថ្នាក់រៀនជាមួយនឹងសំណួរទាំងឡាយដែលពួកគេអាចមានអំពីបទដ្ឋានទាំងនេះ ។
-
សម្ភារដែលត្រូវយកមក ៖ សៀវភៅ ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស សម្រាប់សិស្សដើម្បីពិនិត្យមើលសំណួរសម្រាប់ទទួលប័ណ្ណចូលព្រះវិហារបរិសុទ្ធឡើងវិញ
-
សំណៅមេរៀន ៖ « សំណួរសម្រាប់ទទួលប័ណ្ណចូលព្រះវិហារបរិសុទ្ធ »
-
វីដេអូ ៖ « ព្រះរាជបំណងរបស់ព្រះគឺដើម្បីនាំបងប្អូនទៅផ្ទះវិញ » ( ១១:៣៤ ) ចាប់ពីនាទីទី ២:១៥ ដល់ ៣:០១
ការចូលរួមនៅក្នុងកិច្ចការព្រះវិហារបរិសុទ្ធ និងពង្សប្រវត្តិ
ការផ្ដល់យោលបល់ស្តីពីល្បឿនបង្រៀន ៖ មេរៀននេះប្រើខគម្ពីរពីអូបាឌា ដើម្បីបង្រៀនអំពីកិច្ចការព្រះវិហារបរិសុទ្ធ និងពង្សប្រវត្តិ ។ សូមពិចារណាបង្រៀនមេរៀននេះនៅកៀកសៀវភៅ ចូរមកតាមខ្ញុំ បណ្តុំនៃអេម៉ុស អូបាឌា និងយ៉ូណាស ។
គោលបំណងមេរៀន ៖ ជួយសិស្សឲ្យកំណត់គោលដៅដើម្បីក្លាយកាន់តែដូចព្រះអង្គសង្គ្រោះដោយការចូលរួមក្នុងកិច្ចការព្រះវិហារបរិសុទ្ធ និងពង្សប្រវត្តិ ។
-
ការរៀបចំសិស្ស ៖ សូមអញ្ជើញសិស្សឲ្យធ្វើអ្វីមួយដែលទាក់ទងនឹងកិច្ចការព្រះវិហារបរិសុទ្ធ និងពង្សប្រវត្តិ ដូចជាកិច្ចការមួយក្នុងចំណោមកិច្ចការខាងក្រោមនេះ ៖
បង្កើតគណនីនៅលើគេហទំព័រ FamilySearch.org ។
ចំណាយពេលពីរបីនាទីដើម្បីស្វែងរកព័ត៌មានអំពីគ្រួសាររបស់អ្នកនៅលើគេហទំព័រ FamilySearch.org ។
ស្វែងរកឈ្មោះបុព្វការីជនរបស់អ្នក ដែលនៅតែត្រូវការទទួលពិធីបរិសុទ្ធនៅក្នុងព្រះវិហារបរិសុទ្ធ ។
សុំឲ្យឪពុកម្តាយ ឬលោកតាលោកយាយចែកចាយអ្វីមួយអំពីជីវិតរបស់ពួកគាត់ ឬអំពីបុព្វការីជនមួយរូប ។
-
មាតិកាដែលត្រូវបង្ហាញ ៖ រូបភាពរបស់អ្នកត្រួសត្រាយផ្លូវរទេះអូស ឈ្មោះម៉ាទិន ឬ វីលលី ដែលកំពុងស្ថិតក្នុងស្ថានភាពដ៏លំបាក រូបភាពតំណាងឲ្យបុព្វការីជន រូបភាពភ្នំ និងព្រះវិហារបរិសុទ្ធ
-
វីដេអូ ៖ « លើសពីវីរបុរសធម្មតា » ( ១០:១២ ) ចាប់ពីនាទីទី ០:៥៤ ដល់ ១:៣០
-
សំណៅមេរៀន ៖ « របៀបបួនយ៉ាងដើម្បីចូលរួមនៅក្នុងកិច្ចការព្រះវិហារបរិសុទ្ធ និងពង្សប្រវត្តិ »