Doktrinal nga Kahanas: Pagpangitag mga Tubag sa Akong mga Pangutana

Doktrinal nga Kahanas: Pagpangitag mga Tubag sa Akong mga Pangutana

Kinatibuk-ang Pagpasabot

Ang pag-apil sa doktrinal nga kahanas makatabang sa mga estudyante nga maugmad ang ilang espirituwal nga pundasyon diha kang Jesukristo. Ingon nga bahin sa doktrinal nga kahanas, makakat-on ang mga estudyante og importanteng mga tudling sa kasulatan apil ang pagkat-on ug paggamit sa mga baroganan sa pag-angkon og espirituhanong kahibalo: paglihok uban ang hugot nga pagtuo, pagsusi sa mga konsepto ug mga pangutana inubanan ang mahangtorong panglantaw, ug pagtinguha og dugang kahibalo pinaagi sa balaang gitudlo nga mga tinubdan. Kini nga mga baroganan makatabang nga matubag ang ilang mga pangutana o gikabalak-an samtang gimentinar ang hugot nga pagtuo kang Jesukristo.

Sugyot nga gipaspason: Labing maayo tingali nga itudlo kini nga mga leksiyon sa sinugdanan sa tuig sa pag-eskwela. Kon pamilyar na ang imong mga estudyante sa doktrinal nga kahanas gikan sa miaging mga tuig, pwede nimong ikonsiderar nga ieskedyul ang Leksiyon 161: “Pagpalig-on sa Imong Espirituwal nga Pundasyon” sa tungatunga sa tuig sa pagtungha. Pwedeng gamiton kini nga leksiyon aron pahinumdoman ang mga estudyante sa importanteng mga konsepto nga may kalabotan sa doktrinal nga kahanas samtang padayon silang nagtungha.

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong kinahanglan nga andamon alang sa matag leksiyon.

Pagpalig-on sa Imong Espirituwal nga Pundasyon

Katuyoan sa leksiyon: Aron tabangan ang mga estudyante nga masabtan kon sa unsang paagi ang doktrinal nga kahanas magpanalangin sa ilang kinabuhi ug motabang sa pagpalambo sa ilang espirituwal nga pundasyon diha kang Jesukristo.

• Pagpangandam sa estudyante: Dapita ang mga estudyante nga basahon ang Helaman 5:12 sa dili pa mosulod sa klase. Pwedeng pangitaon sa mga estudyante ang gisaad nga mga panalangin alang sa paglambo sa ilang pundasyon diha kang Jesukristo.

• Sulod nga ipakita: Senaryo sa sinugdanan sa leksiyon

• Bidyo: “Unsa ang Doktrinal nga Kahanas?” (3:56)

Pagtinguha og Personal nga Pagpadayag alang sa Akong mga Pangutana

Katuyoan sa leksiyon: Aron tabangan ang mga estudyante nga masabtan kon sa unsang paagi sila makadawat og giya ug pagpadayag gikan sa Langitnong Amahan pinaagi sa Espiritu Santo.

• Pagpangandam sa estudyante: Dapita ang mga estudyante nga basahon ang “Pag-ila sa mga Pag-aghat sa Espiritu Santo” gikan sa seksiyong “Pagpadayag” sa Mga Hilisgotan ug mga Pangutana diha sa Librarya sa Ebanghelyo. Samtang magbasa ang mga estudyante, pwede nilang hunahunaon ang ilang mga pangutana bahin sa pagdawat og pagpadayag gikan sa Langitnong Amahan. Pwede nilang isukna sa klase ang ilang pangutana. Ingon nga alternatibo sa paggamit sa Mga Hilisgotan ug mga Pangutana, mahimong basahon sa mga estudyante ang Joseph Smith—Kasaysayan 1:10–13 ug pangitaon kon unsay gihimo ni Joseph Smith aron sa pagtinguha ug sa pag-andam sa pagdawat og pagpadayag.

• Sulod nga ipakita: Personal nga mga pangutana nga pamalandongon sa mga estudyante sa sinugdanan sa leksiyon, pangutana bahin sa mga smartphone sa tungatunga sa leksiyon

• Mga item nga ipakita: Usa ka smartphone o hulagway sa smartphone

• Mga materyal: Mga hulagway sa mga smartphone gikan sa handout sa leksiyon

• Bidyo: “Pagdawat og Pagpadayag” (4:17)

Paglihok uban ang Hugot nga Pagtuo aron Makaplagan ang mga Tubag

Katuyoan sa leksiyon: Aron tabangan ang mga estudyante nga molihok uban ang hugot nga pagtuo kang Jesukristo samtang tinguhaon ang mga tubag sa ilang mga pangutana sa ebanghelyo.

• Pagpangandam sa estudyante: Dapita ang mga estudyante nga rebyohon ang mga parapo 5–7 sa seksiyon nga “Pag-angkon og Espirituhanong Kahibalo” diha sa Mahinungdanon nga Dokumento sa Doktrinal nga Kahanas (2023). Pwede silang mangandam sa pagpakigbahin kon nganong para nila importante ang atong mga aksiyon dihang magtinguha og mga tubag sa mga pangutana o kabalaka bahin sa ebanghelyo.

• Mga hulagway: Ang babaye sa Sarefat; si Naaman; si Enoch

• Bidyo: “Lihok Uban ang Hugot nga Pagtuo: Ang Kantero” (4:57)

• Sulod nga ipakita: Mga instruksiyon para sa tambag nga ihatag sa mga estudyante diha seksiyon nga “Mga lihok nga nagpakita sa atong hugot nga pagtuo kang Jesukristo” sa leksiyon

Pagsusi sa mga Hilisgotan ug mga Pangutana sa Ebanghelyo inubanan sa Mahangtorong Panglantaw

Katuyoan sa leksiyon: Aron tabangan ang mga estudyante sa pagsusi sa mga konsepto ug mga pangutana uban ang mahangtorong panglantaw.

• Pagpangandam sa estudyante: Dapita ang mga estudyante sa paghimo og leksiyon nga gigamitan og butang o analohiya nga magpakita kon nganong importante ang paglantaw sa mga butang sa laing paagi. Pwede silang hatagan og kahigayonan sa pagpakigbahin sa ilang mga ideya sa sinugdanan sa klase.

• Mga hulagway: Duha ka item nga morag tinuod sa limitado panglantaw; mao ra nga duha ka item gikan sa laing panglantaw nga nagpakita nga tinuod ang usa ug ang usa dili

• Mga materyal: Pirasong papel para sa matag estudyante

• Bidyo: “Pagsusi sa mga Pangutana Uban ang Mahangtorong Panglantaw” (2:56)

Pagdangop sa Balaanong Gitudlo nga mga Tinubdan nga Motabang sa Pagpangita og mga Tubag

Katuyoan sa leksiyon: Aron tabangan ang mga estudyante nga tinguhaon ang kamatuoran gikan sa mga tinubdan nga mahigugmaong gitagana sa Langitnong Amahan ug ni Jesukristo.

• Pagpangandam sa estudyante: Dapita ang mga estudyante nga ikonsiderar kon asa nga mga tinubdan sila makadangop dihang aduna silay pangutana bahin sa mosunod: asaynment, gikainteresan o gikalingawan, makasaysayanong mga hitabo, ang ebanghelyo ug Simbahan sa Manluluwas. Dapita sila nga pamalandongan kon nganong midangop sila sa mga tinubdan nga ilang nailhan.

• Mga hulagway: Peke nga hulagway ug tinuod nga hulagway sa sinugdanan sa leksiyon; si Moises nga gikompronta ni Satanas

• Bidyo: “Pagpangita sa Kamatuoran” (3:03)

• Sulod nga ipakita: Pangutana sa kataposan sa seksiyon “Ilha ang kamatuoran ug ang sayop” diha sa leksiyon; tulo ka sayop nga pamahayag diha sa seksiyon nga “Pagpraktis” diha sa leksiyon

• Mga materyal: Gamayng piraso sa papel alang sa matag estudyante; usa ka sudlanan diin mahimong sudlan sa mga estudyante og mga papel