« និក្ខមនំ ៧–១៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« និក្ខមនំ ៧–១៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
និក្ខមនំ ៧–១១
និក្ខមនំ ៧–១៣
ទិដ្ឋភាពទូទៅ
ព្រះអម្ចាស់បានបង្ហាញព្រះចេស្ដារបស់ទ្រង់នៅចំពោះផារ៉ោនជាច្រើនដង ក្នុងសេចក្តីវេទនាជាបន្តបន្ទាប់ ។ សេចក្តីវេទនាចុងក្រោយដែលនឹងរំដោះពួកសាសន៏អ៊ីស្រាអែល គឺការស្លាប់នៃកូនច្បងទាំងអស់នៅស្រុកអេស៊ីព្ទ ។ ទោះជាយ៉ាងណាក៏ដោយ ព្រះអម្ចាស់បានប្រទានការណែនាំ ដើម្បីសេចក្តីវេទនានោះនឹង « រំលង » មនុស្សដែលទុកចិត្តលើទ្រង់ដោយសេចក្ដីគោរព ( សូមមើល និក្ខមនំ ១២:១៣ ) ។ ដើម្បីជួយកូនចៅអ៊ីស្រាអែលឲ្យនឹកចាំថា ព្រះអម្ចាស់បានរំដោះពួកគេចេញពីស្រុកអេស៊ីព្ទ ទ្រង់បានបង្កើតនូវពិធីបុណ្យរំលងនេះ ។ សប្តាហ៍នេះក៏ដាក់បញ្ចូលមេរៀនស្ដីពីការអនុវត្តចំណេះចំណានខាងគោលលទ្ធិផងដែរ ។
សូមជួយសិស្សស្វែងរកអត្ថន័យផ្ទាល់ខ្លួននៅក្នុងគោលលទ្ធិដែលអ្នកបង្រៀន ។ ការជួយសិស្សឲ្យស្គាល់ពីភាពទាក់ទងផ្ទាល់ខ្លួននៃគោលលទ្ធិរបស់ព្រះអង្គសង្គ្រោះ អាចជួយឲ្យអ្វីដែលពួកគេសិក្សាមានអារម្មណ៍ថាមានន័យ និងមានអត្ថប្រយោជន៍ ។ ឧទាហរណ៍មួយអំពីរបៀបធ្វើបែបនេះ អាចមាននៅក្នុងមេរៀនទី ៤៣ ៖ « និក្ខមនំ ១២–១៣ ផ្នែកទី ២ » ។ ដើម្បីស្វែងយល់បន្ថែម សូមមើលផ្នែក « ព្រះអង្គសង្គ្រោះបានជួយមនុស្សឲ្យស្វែងរកវិវរណៈផ្ទាល់ខ្លួននៅក្នុងគោលលទ្ធិរបស់ទ្រង់ » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ ២០២២ ] ទំព័រ ២៣ ) ។
រៀបចំខ្លួនបង្រៀន
ព័ត៌មានខាងក្រោមនេះផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
និក្ខមនំ ៧–១១
គោលបំណងមេរៀន ៖ ដើម្បីជួយសិស្សឲ្យយល់ពីរបៀបស្គាល់ព្រះចេស្ដារបស់ព្រះអម្ចាស់ និងជឿលើទ្រង់ ។
-
ការរៀបចំសិស្ស ៖ សូមអញ្ជើញសិស្សឲ្យរកមើលភស្ដុតាងនៃព្រះចេស្ដារបស់ព្រះអម្ចាស់ក្នុងជីវិតរបស់ពួកគេនៅម៉ោងសិក្សាឥឡូវនេះ និងបន្ទាប់ ។
-
មាតិកាដែលត្រូវបង្ហាញ ៖ តារាងអំពីសេចក្តីវេទនា និងសំណួរពីរដែលមានបន្ទាប់ពីនោះ
និក្ខមនំ ១២–១៣ ផ្នែកទី ១
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍អំពីសារៈសំខាន់នៃព្រះអង្គសង្គ្រោះ និងដង្វាយធួនរបស់ទ្រង់នៅក្នុងជីវិតរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីនិមិត្តរូបនៃព្រះយេស៊ូវគ្រីស្ទ ដែលពួកគេបានសិក្សាកន្លងមក ។ សូមស្នើឲ្យពួកគេពិចារណាអំពីអ្វីដែលនិមិត្តរូបទាំងនោះបង្រៀនអំពីទ្រង់ ។ បន្ទាប់មក សូមអញ្ជើញពួកគេឲ្យជ្រើសរើសនិមិត្តរូបមួយ ហើយពន្យល់ដល់នរណាម្នាក់អំពីអ្វីដែលវាបង្រៀនអំពីព្រះយេស៊ូវគ្រីស្ទ ។
-
រូបភាព ៖ ពិធីជប់លៀងបុណ្យរំលង
និក្ខមនំ ១២–១៣ ផ្នែកទី ២
គោលបំណងមេរៀន ៖ ដើម្បីជួយសិស្សចងចាំព្រះអង្គសង្គ្រោះ នៅពេលពួកគេរៀបចំខ្លួន និងចូលរួមនៅក្នុងពិធីបរិសុទ្ធនៃសាក្រាម៉ង់ ។
-
ការរៀបចំសិស្ស ៖ សូមអញ្ជើញសិស្សឲ្យត្រៀមខ្លួនចែកចាយអ្វីមួយដែលបានជួយពួកគេចងចាំព្រះអង្គសង្គ្រោះមុន អំឡុងពេល ឬក្រោយពិធីសាក្រាម៉ង់ ។ ការណ៍នេះអាចរួមបញ្ចូលរូបភាព ព្រះគម្ពីរ ទំនុកតម្កើង ឬសម្រង់សម្ដីដែលចូលចិត្ត ។
-
សម្ភារដែលត្រូវបង្ហាញ ៖ រូបភាព ឬវត្ថុមួយដែលជួយអ្នកចងចាំអ្វីមួយ ឬនរណាម្នាក់ដែលសំខាន់សម្រាប់អ្នក
-
រូបភាព ៖ រូបភាពព្រះយេស៊ូវគ្រីស្ទ ពិធីជប់លៀងបុណ្យរំលង ព្រះយេស៊ូវគ្រីស្ទនៅអាហារចុងក្រោយ
-
វីដេអូ ៖ « The Last Supper »( ៥:៥៥ ) ចាប់នាទីទី ០:០០ ដល់១:១៨ និងនាទីទី ២:១៣ ដល់ ៣:១៥
-
សម្ភារសម្រាប់សិស្ស ៖ ក្រដាស និងសម្ភារសិល្បៈ
ការអនុវត្តតាមចំណេះចំណានខាងគោលលទ្ធិទី ៣
គោលបំណងមេរៀន ៖ ដើម្បីជួយសិស្សទន្ទេញឃ្លាបទគម្ពីរគន្លឹះនៅក្នុងវគ្គបទគម្ពីរចំណេះចំណានខាងគោលលទ្ធិ ហើយអនុវត្តគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណ ។
-
ការរៀបចំសិស្ស ៖ សូមអញ្ជើញសិស្សឲ្យជ្រើសរើសវគ្គបទគម្ពីរចំណេះចំណានខាងគោលលទ្ធិមួយ ឬពីរចេញពីព្រះគម្ពីរសញ្ញាចាស់ ហើយទន្ទេញសេចក្តីយោង និងឃ្លាបទគម្ពីរគន្លឹះ ។ ប្រសិនបើពួកគេចង់ ពួកគេក៏អាចទន្ទេញមេរៀនទាំងមូលបានដែរ ។ សូមអញ្ជើញពួកគេឲ្យជញ្ជឹងគិតអំពីរបៀបដែលការទន្ទេញឃ្លា ឬបទគម្ពីរគន្លឹះអាចជួយពួកគេក្នុងជីវិតរបស់ពួកគេ ។
-
មាតិកាដែលត្រូវបង្ហាញ ៖ បញ្ជីមួយអំពីវគ្គបទគម្ពីរចំណេះចំណានខាងគោលលទ្ធិដែលសិស្សបានសិក្សាកន្លងមក ។ បញ្ជីមួយពីចំណេះចំណានខាងគោលលទ្ធិ និងឃ្លាបទគម្ពីរគន្លឹះក្នុងព្រះគម្ពីរសញ្ញាចាស់ អាចរកបាននៅក្នុង ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២៣ ) ។
-
សម្ភារសម្រាប់សិស្ស ៖ កូនសៀវភៅដើម្បីកម្លាំងនៃយុវជន ផ្នែកដែលមានចំណងជើងថា « ពរជ័យនៃការប្រព្រឹត្តបរិសុទ្ធ » នៅក្នុងសុន្ទរកថាសន្និសីទទូទៅរបស់អែលឌើរ ដេវីឌ អេ បែដណា « យើងជឿលើការប្រព្រឹត្តបរិសុទ្ធ » ( លីអាហូណា ខែឧសភា ឆ្នាំ២០១៣ ទំព័រ ៤៣–៤៤ )