Eksodi 1–6

Eksodi 1–6

Vështrim i Përgjithshëm

Pas vdekjes së Jozefit, izraelitët u bënë skllevër të egjiptianëve. Zoti i dëgjoi vajtimet e tyre dhe thirri Moisiun që t’i çlironte ata. Perëndia premtoi ta forconte Moisiun dhe t’i jepte atij fjalët që duhet të fliste.

Shpëtimtari ishte gjithmonë gati t’u përgjigjej nevojave të nxënësve. Nxënësit tuaj vijnë te ju nga një larmi formimesh dhe rrethanash. Përpjekja e fortë për t’i plotësuar nevojat e nxënësve tuaj mund t’ju ndihmojë të jepni mësim si Shpëtimtari. Një shembull i mënyrës se si ta bëni këtë mund të gjendet te Mësimi 40: “Eksodi 5–6”. Për të mësuar më shumë rreth kësaj, shihni pjesën “Shpëtimtari Ishte Gjithmonë Gati që t’u Përgjigjej Nevojave të të Tjerëve” (Mësimdhënia sipas Mënyrës së Shpëtimtarit [2022], f. 17).

Përgatituni të jepni mësim

Informacioni i mëposhtëm ju siguron ide mbi ato që mund të nevojitet të përgatitni paraprakisht për çdo mësim.

Eksodi 1

Qëllimi i mësimit: T’i ndihmojë nxënësit të dëshirojnë ta vendosin Perëndinë mbi presionet e tjera.

• Përgatitja e nxënësve: Merreni parasysh t’i ftoni nxënësit ta pyesin një pjesëtar të familjes ose shok se si e ka parë Perëndinë ta bekojë sepse ndoqi Atë dhe jo të tjerët.

• Përmbajtje për t’u paraqitur: Thëniet e vetëvlerësimit në fillim të mësimit; pyetjet që nxënësit do t’u përgjigjen në ditarët e tyre të studimit në fund të mësimit

• Material filmik: “Leave the Party” [“Largohuni nga Festa”] (6:26) ose “Be Valiant in Courage, Strength, and Activity” [“Ji Trim me Guxim, Fuqi dhe Energji”] (10:35) nga kodi kohor 1:20 deri në 5:13

Eksodi 2–4

Qëllimi i mësimit: T’i ndihmojë nxënësit t’i përfshijnë më plotësisht fjalët e Zotit nëpërmjet profetëve të Tij në jetën e tyre.

• Përgatitja e nxënësve: Ftojini nxënësit t’i shqyrtojnë mësimet e kohëve të fundit nga profeti. Më pas ftojini ata të diskutojnë me një pjesëtar të familjes ose shok për mënyrën se si ndjekja e mësimeve të profetit e ka bekuar jetën e tyre.

• Materiale filmike: “Profeti i Perëndisë” (16:04) nga kodi kohor 9:25 deri në 9:44; “Baby Moses” [“Moisiu Foshnjë”] (1:37); “Përse Kemi Profetë?” (1:37); “Listen to a Prophet” [“Dëgjoni një Profet”] (2:56) nga kodi kohor 0:53 deri në 2:56

• Përmbajtje për t’u paraqitur: Thëniet e vetëvlerësimit në fillim të mësimit

• Figura: Moisiu Foshnjë; Moisiu dhe ferrishtja që digjej; një figurë e Shpëtimtarit

Eksodi 5–6

Qëllimi i mësimit: T’i ndihmojë nxënësit të dallojnë që premtimet e Zotit mund t’u japin shtysë atyre të bëjnë vullnetin e Tij, pavarësisht nga rezultatet e menjëhershme.

• Përgatitja e nxënësve: Ftojini nxënësit të vijnë në orën mësimore të përgatitur për të dhënë përgjigjet e tyre për pyetjen vijuese: A e bën ndjekja e Jezu Krishtit jetën tuaj më të lehtë apo më të vështirë?

• Materiale filmike: “Marrëdhënia Jonë me Perëndinë” (13:17) nga kodi kohor 2:26 deri në 4:05

• Materiale për nxënësit: Për Forcën e Rinisë: Një Udhëzues për Bërjen e Zgjedhjeve