« លោកុប្បត្តិ ៤២–៥០ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« លោកុប្បត្តិ ៤២–៥០ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
លោកុប្បត្តិ ៤២–៥០
លោកុប្បត្តិ ៤២–៥០
ទិដ្ឋភាពទូទៅ
ក្នុងអំឡុងពេលប្រាំពីរឆ្នាំនៃអំណត់ដែលយ៉ូសែបនៃស្រុកអេស៊ីព្ទបានព្យាករ បងប្អូនរបស់លោកបានមកពីស្រុកកាណានដើម្បីទិញអាហារនៅក្នុងស្រុកអេស៊ីព្ទ ។ បងប្អូនរបស់យ៉ូសែបមិនស្គាល់លោកទេ ប៉ុន្តែលោកស្គាល់ពួកគេ ។ យ៉ូសែបបានចោទពួកគេថាជាអ្នកស៊ើបការណ៍ ហើយបានឃុំស៊ីម្មាននៅក្នុងគុក ហើយប្រាប់ពួកគេឲ្យត្រឡប់មកវិញជាមួយនឹងបេនយ៉ាមីនប្អូនប្រុសពៅរបស់ពួកគេ ។ យ៉ូសែបបានឲ្យអាហារដល់ពួកគេ ហើយដាក់ប្រាក់ដែលពួកគេបានបង់ក្នុងបាវអាហាររបស់ពួកគេ ។ ក្រោយមក ពេលពួកគេត្រឡប់មកវិញជាមួយបេនយ៉ាមីន យ៉ូសែបបានបង្ហាញខ្លួនដល់បងប្អូនរបស់លោក ហើយបានអត់ទោសឲ្យពួកគេ ។ នៅទីបំផុត យ៉ាកុបជាឪពុករបស់យ៉ូសែប និងក្រុមគ្រួសាររបស់លោកទាំងអស់បានមករស់នៅក្នុងស្រុកអេស៊ីព្ទ ។ នៅចុងបញ្ចប់នៃជីវិតរបស់លោក យ៉ូសែបនៃស្រុកអេស៊ីព្ទបានព្យាករថា ព្រះអម្ចាស់នឹងលើកព្យាការីមួយរូបឡើង ដើម្បីនាំប្រជាជនចេញពីភាពងងឹតនៅថ្ងៃចុងក្រោយ ។ ព្យាការីនេះគឺ យ៉ូសែប ស៊្មីធ ។
ស្វែងរករបៀបសមរម្យនានាដើម្បីបង្ហាញសេចក្តីស្រឡាញ់របស់អ្នក ។ នៅពេលមនុស្សដែលអ្នកបង្រៀនទទួលអារម្មណ៍នៃសេចក្ដីស្រឡាញ់របស់អ្នក នោះពួកគេទំនងជាមានអារម្មណ៍ថាព្រះអង្គសង្គ្រោះមានសេចក្តីស្រឡាញ់ចំពោះពួកគេច្រើនដែរនៅពេលអ្នកបង្រៀន ។ ព្រះអង្គសង្គ្រោះតែងតែស្វែងរកវិធីពិសេស និងផ្ទាល់ខ្លួនដើម្បីជួយមនុស្សដែលទ្រង់បានបង្រៀនឲ្យទទួលអារម្មណ៍នៃសេចក្ដីស្រឡាញ់របស់ទ្រង់ ។ ដើម្បីស្វែងយល់បន្ថែម សូមមើល « ស្រឡាញ់អស់អ្នកដែលអ្នកបង្រៀន » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ១៤–១៥) ។
រកមើលឱកាសនៅសប្តាហ៍នេះដើម្បីបង្ហាញសេចក្តីស្រឡាញ់របស់អ្នកចំពោះសិស្សរបស់អ្នកឲ្យបានសមរម្យ ។ របៀបមួយដែលអ្នកអាចធ្វើបានគឺផ្ញើសារទៅកាន់ឪពុកម្តាយរបស់សិស្សពីរបីនាក់ ដោយចែកចាយអ្វីដែលវិជ្ជមានដែលអ្នកបានកត់សម្គាល់អំពីកូនរបស់ពួកគាត់ ។ ( សម្រាប់ការបំពាក់បំប៉នបន្ថែម សូមមើល « ស្វែងរករបៀបសមរម្យនានាដើម្បីបង្ហាញសេចក្តីស្រឡាញ់របស់អ្នក » នៅក្នុងជំនាញការអភិវឌ្ឍគ្រូបង្រៀន ។ )
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវការដើម្បីរៀបចំទុកជាមុនសម្រាប់មេរៀននីមួយៗ ។
លោកុប្បត្តិ ៤២–៤៥
គោលបំណងមេរៀន ៖ ដើម្បីជួយសិស្សធ្វើតាមគំរូរបស់ព្រះអង្គសង្គ្រោះ ដោយការធ្វើការអភ័យទោសឲ្យបានកាន់តែច្រើន ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីព្រះបញ្ញត្តិរបស់ព្រះអង្គសង្គ្រោះឲ្យ « អភ័យទោសដល់មនុស្សទាំងអស់ » ( គោលលទ្ធិ និងសេចក្ដីសញ្ញា ៦៤:១០ ) ។ សូមឲ្យពួកគេរាយបញ្ជីពរជ័យមួយចំនួនដែលពួកគេ ឬអ្នកដទៃទៀតបានដកពិសោធន៍តាមរយៈការអភ័យទោសដល់នរណាម្នាក់ ។
-
វីដេអូ ៖ « Joseph and the Famine » ( ២:២៦ ) ចាប់ពីនាទីទី ០:០០ ដល់ ១:៤២; « Forgiving Others: An Easter Message from President Russell M. Nelson » ( ៥:០១ ); « អំណាចនៃសន្ទុះខាងវិញ្ញាណ » ( ១៧:១៧ ) ចាប់ពីនាទីទី ១៥:១២ ដល់ ១៥:៥៤
ការបកប្រែដោយ យ៉ូសែប ស្ម៊ីធ លោកុប្បត្តិ ៥០
គោលបំណងមេរៀន ៖ ដើម្បីជួយសិស្សពង្រឹងទីបន្ទាល់របស់ពួកគេថា ព្រះអម្ចាស់បានហៅ យ៉ូសែប ស្ម៊ីធ ឲ្យធ្វើជាព្យាការី ។
-
ការរៀបចំសិស្ស ៖ សូមអញ្ជើញសិស្សឲ្យសរសេរនូវអ្វីដែលព្យាការី យ៉ូសែប ស្ម៊ីធ បានធ្វើ ដែលបានជួយពួកគេឲ្យចូលទៅកាន់តែជិតព្រះយេស៊ូវគ្រីស្ទ ។ ពួកគេអាចសុំសមាជិកគ្រួសារ ឬមិត្តភក្តិឲ្យចែកចាយគំនិត និងអារម្មណ៍របស់ពួកគេផងដែរ ។
-
មាតិកាដែលត្រូវបង្ហាញ ៖ គំនូសតាងពីរជួរដែលមានជួរឈរមួយមានចំណងជើងថា « ការព្យាករអំពីយ៉ូសែប ស្ម៊ីធ » និងមួយទៀត « របៀបដែលការព្យាករនេះត្រូវបានបំពេញ »
-
រូបភាព ៖ យ៉ូសែបនៅស្រុកអេស៊ីព្ទ ម៉ូសេ យ៉ូសែប ស្ម៊ីធ ព្រះយេស៊ូវគ្រីស្ទ
-
វីដេអូ ៖ « Joseph Smith » ( ១៤:៤៩ ) ចាប់ពីនាទីទី ១១:៤៤ ដល់ ១២:៤៨
វាយតម្លៃការរៀនសូត្ររបស់អ្នកទី ២
គោលបំណងមេរៀន ៖ ដើម្បីជួយសិស្សគិតពិចារណាអំពីគោលដៅដែលពួកគេបានដាក់ និងការរីកចម្រើនដែលពួកគេបានមាន ក្នុងអំឡុងពេលសិក្សា លោកុប្បត្តិ ១២–៥០ និង អ័ប្រាហាំ ១–២ ។
-
ការរៀបចំសិស្ស ៖ សូមអញ្ជើញសិស្សឲ្យមកដោយត្រៀមខ្លួនដើម្បីចែកចាយពីរបៀបដែលពួកគេបានរីកចម្រើនខាងវិញ្ញាណមកពីការសិក្សាព្រះគម្ពីរសញ្ញាចាស់ និងមុក្ដាដ៏មានតម្លៃមហិមានៅក្នុងឆ្នាំនេះ ។ អ្នកអាចផ្ដល់យោបល់ឲ្យពួកគេពិនិត្យមើលកំណត់ហេតុការសិក្សារបស់ពួកគេឡើងវិញ ឬកំណត់ចំណាំរបស់ពួកគេនៅក្នុងព្រះគម្ពីររបស់ពួកគេ ដើម្បីជួយពួកគេឲ្យមើលឃើញពីការរីកចម្រើន និងការរៀនសូត្ររបស់ពួកគេ ។
-
មាតិកាដែលត្រូវបង្ហាញ ៖ គំនូរនៃដើមឈើខ្ចី និងដើមឈើចាស់; រូបភាពនៃព្រះវិហារបរិសុទ្ធដែលបានប្រើនៅក្នុងមេរៀនទី ២៩ ៖ « លោកុប្បត្តិ ២៤ » ក្រាហ្វិកអំពីផែនការរបស់សិស្សក្នុងការប្រមូលសាសន៍អ៊ីស្រាអែល
-
រូបភាព ៖ សុបិនរបស់យ៉ាកុប